احببتك لماذا

33

تصويت
البارت الثالث والثلاثون.
.
.
طبيت جوه فتحت التلفون لكيت واصله رساله من ابو جرح كاتب: صار يمي.

ابتسمت ودز صورته مربط بلكاع نايم.. ضحكت عليه
تستاهل ياكلب ذبيت التلفون وطلعت يمهم واني فرحانه.

جنيد: خير انشاء الله شبيج حلكج انشك من الابتسامه.

غفران: اهووو حصره واحد يضحك يعني.

جنيد: بله شكد صار عمرج.

غفران: 19 سنه.

جنيد: وفرحانه يعني.

غفران: ايي جنيد شبيك خلي الواحد يفرح.

أحمد: شكد تحجي حصره تشوف واحد يضحك.

جنيد: شسالفه عمي كومو اكتلوني بعد هسه شحجيت الله وكبر.

غفران: والله انت الي حتكيت..
ضلو يحجون سويتلهم عشه تعشو وطلعو يتعللون بره.
بقيت وحدي بلبيت ادحك افلام لما تأخر الوكت.

طب أحمد للبيت دخل الغرفه ذب فالينته وتمدت ولزم التلفون رحت لبست برموده سوده وقميص نص ردن الجتف ضيق عليه رشيت عطر ورحت يمه.

شفته عيونه تتحرك عليه ورجع دحك على التلفون
رحت يمه صفن عليه وهز راسي بشكو حطيت راسي على صدره ونمت .
أحمد: ضل مصدوم.. باعي انتي يمكن مصخنه او بيج شي.

رفعت راسي اله: لاا بس هيج فرحانه
أحمد: رفع حاجبه فرحانه ليش شكو.
بقيت صافنه عليه خليت ايدي على لحيته العب بيها
تقرب منه ونطيته بوسه من شفايفه شويه وخرت غمزتله هو مصدوم مني رجعت راسي على صدره وغمضت عيوني.

أحمد: لابويه وخري اني رجال محافض على شرفي متخافين من الله.
غفران: رفعت راسي اله.. ههههههاي منو الي محافض على نفسه بله احمدربك انطيتك بوسه.

أحمد: اسمعي انتي البارحه عبالك صنم حتى كلت البنيه يمكن انشلت واليوم مدري شجاج احجي شتريدين.
غفران: اهوو يااحمد ماتخلي واحد يفرح.
أحمد: لا افرحي بس شمعنه اليوم حتى بوسه انطيتيني.
غفران: باع اني كلت هوا رجلي ويحبني مامعقوله اخلي هيج خلي ادلله يعني.
أحمد: راح اصدكج.

وخرت من يمه: اففف مو صوجك صوجي اني
لزم ايدي ودفعني اله شبكني خليت راسي على ركبته
وايده جوه خصري والثانيه على شعري.. ابتسمت ونمت.

ثاني يوم كعدت كلعاده اريوك والتنضيف واحمد يطلع وصلني فيديو من ابو جرح فتحت الفيديو
لكيته رافع ايده فوك ومنزعه الفالينه وجلده عباره عن اثار ضرب.. عجبني منضره شوفني شلون يضرب بي هو يصيح ويبجي.. ضحكت عليه.

كتله اريد اشوفه وجه الوجه كال مو هسه لما شويه المور تتعدل عود اجيبج.. دزيتله اوكي..
سديت التلفون واني اشوف منضره شلون يتعذب.

مرت ايام واحمد يموت عليه ويحبني قضيتها لو بلبيت لو لاام علي اروح عليها مرات نطلع السوك أحمد سجل نص البيت الي حتى ماحس نفسي عايشه فضله.