البارت الخامس والثلاثون.
.
.
ضليت صافنه عليها لثواني رفعت راسي واني مصدومه.. يعني شنو؟؟
-اي يعني انتي حامل.
غفران: يعني حامل حامل لوو؟
-ههههههه شكلج مصدومه يي حامل يعني هنا اكو طفل بطنج.. اشرت على بطني.
غفران: طفل حقيقي.. من الصدمه ماجنت اعرف شكاعد اكول.
-ههههههه لا جني جا غير طفل.
غفران: بس دكتوره اني لا بين عليه اعراض ولا شي يعني غير اتخربط او اتقيه او شي كلشي ماكو.
-عادي صير هسه تعالي اشوفج
نمت على السديه خلت جلي بارد على بطني
فركته بجهاز
شوفي هنا
ادحك على الجهاز كلشي مابين: وينه شوو ماكو.
-بعدج انتي بداية شهرج كلما تكبر بطنج راح يبين اكثر واكثر هسه هوا صغير مثل حبه الفاصوليا ههههه
ضحكت مسحتلي بطني كمت حاسبتها وطلعت افتر
حبيت امشي ضليت امشي وافكر بكلامها معقوله اصير ام اني اكوم اربي هسه اني شورطني
اذا اكول أحمد راح يقبل لو لا.
وليش مايقبل ليش من نام وياي شجان متوقع يعني بس اني ماريد احد يدري اني متزوجه اوففف شلون ياربي..
كطعتني ريحه كباب تضرب براسي صفنت على كبابجي يشوي.. شمساع كمتي تشتهين بعدج بسم الله.
رحت كعدت مطعم طلبت كباب وليمون.. اكل وماشبع عبالك مضايكه اكل نوب الليمون شكد اكلت منه كملت اكل وطلعت اخذتلي اجره وطلعت البيت
وصلت نزلت طبيت مالكيت أحمد والمطبخ نضيف
طبيت غيرت ملابسي وتمددت على الجربايه لزمت التلفون بقيت اكلب بي.
شويه ويجي أحمد طب سلم عليه اخذ ملابسه وطب سبح شويه واجه تمدت يمي: الله يساعدك.
أحمد: ويساعدج وين جنتي؟
غفران: رحت الدكتوره بعدها تغديت مطعم وجيت.
أحمد: هاا وشكالت الدكتوره.
غفران: هيج وجع عادي.
أحمد: شكد ماتشربين مهدات سوه هيج بيج.
غفران: شله دخل بعدين لو ماهو جان شيخلصك مني.
أحمد: لاوالله صدك البارحه تخبلتي مدري شبيج؟
غفران: غير بسبب ذيج الك*به.
أحمد: جم مره كتلج ختولي شسالفتج.
غفران: جاا غير هيا ملاحكتني شسويلها.
أحمد: لاحول ولا قوة يامصيبتي انتي.
غفران: يله علساس انت مامتونس بهل مصيبه.
أحمد:ابتسم.. كلش متونس بلاويج.
غفران: انت الي منضف المطبخ؟
أحمد: لاجني يعني منو بربج.
غفران: منك من الشيطان.
YOU ARE READING
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
