احببتك لماذا

4

البارت الرابع
.
.
.
#احببتك لماذا
ـــــــــــــــــــــــــــــــــــــــــــــــــــــــــــ
غفران: كاعدت من الغيوبه الي خمس ايام نايمه وتمنيت يطلع حلم واهلي عايشين.

انهارت اعصابي من عرفت ميتين... كالو بعدهم ما سوو فاتحه ولا دفنه..

كلت اريد اطلع من المستشفى لان لعبت نفسي منها.
اخذتني زوجه عمي وعلي وعمي بسياره احمد..

حسن: عموو غفران الحمدالله على سلامتج والله ينطيج الصبر بنيتي احنه هنا كلنا اهلج خوش.

ماحجيت شي هزيت راسي.. وزوجه عمي كالت.

ابتهال: لاتخاف ابو عبدالله غفوره بنيتي صارت..

كل الحجي الي دار اني ماهتميتله.. ردت بس ارجع البيت واشوف اهلي يطلع حلم بس اللاسف...
رجعت البيت عماتي كلهن يبجن... بعدهاا كالو راح يجيبون الجثث.. ويدفنوهاا.. اخذتني عمتي الغرفه حتى البس ملابس سود والبس حجاب... طبيت الحمام لبستهن... واسمع زوجه عمي وعمتي يحجن..

شهرزات: عيوني ام علي اريد اطلب منج طلب..

ابتهال: كولي خيه شعندج..

شهرزات: اسمعي انتي تعرفين غفران ورسل شكثر هنا صديقات واخوات واعز..

ابتهال: يي والله خيه وحده تحب الوخ.

شهرزات: يي اني وره ماتخلص الفاتحه اريد اخذ غفران يمي هم شويه تغير نفسيته واني اهتم بيه.

ابتهال: عيوني انتي تعرفين غفران شنو بنسبه الي هاي ربيتها ويا جهالي صارت قطعه مني شلون حجي هذا يعني قصدج ماعرف اهتم بيه..

شهرزات: لا خيه والله مو قصدي بس اني سمعت وحده من المعازيم تكول العذراء ليش متاخذين بت اخوج الابنج لؤي..

ابتهال: لا عيني لا غفران هيا حره تريد تروح وياي وياج وياا عمته عذراء بكيفه بس ماتجبريه على الزواج هاي مابقبوله ترا.

شهرزات: اسمعي خيه من الاخير ابني طه حاط عينه عليه ويريدهاا بلحلال بلكي تروح هناك وتقبل..

ابتهال: يعني هسه شنو فرقج على عذراء نفس السبب تريدين تاخذيهاا وبعدين هذا الوقت مناسب تحجين بي بسالفه ماشوفين حالتنه وحاله البنيه.

شهرزات: خيه هسه انتي من تاخذيهاا شسوين بيه هاا كولي..

ابتهال: اني الحمدالله ولدي ثلاثه مزوجين وكل واحد يحب مرته بعدين نسيتي الولد شلون يحبون غفران وحسبت اختهم.. واني بعد ماعندي بنات وصارت هياا بنتي.

اتفاجئت معقوله عماتي يردني ياخذني الولدهن بعدين طه وين باوع بوجهي حتى يحبني والله يا الله هو اني بيا حال .

طلعت لكيت عمه ابتهال هل انسانه ماكو منهاا ابد شما اسوي شي خطأ توكف وياي.. تقربت مني على وجها ابتسامه خفيفه والعيون حمر..