احببتك لماذا

30

البارت الثلاثون.
.
.
بطل كزاز لونه اسود.. شميته.. ايعع شنو هذا ريحه جايفه بيه لزمت تلفوني وبحثت عليه ونصدمت يوم
الطلعلي نفس البطل الي بيدي..

شراب كحوول يعني احمد يشرب لاا مستحيل..
اووو شنوو المستحيل ولد وحده والشيطان يمه لا يصلي ولا يصوم شترجه منه.

طلعت من الستقبال رحت الغرفه لكيته كاعد على طرف الجربايه ونايم عكس: احمدد شنو هذا.
شافه وبساع كام.

أحمد: شنوو ومنين جبتي هذا؟؟

غفران: جنت اشربه وكلت خلي اشرب وياا احمد خما وحدي اشربه مايصير.

أحمد: غفران موو وقت شقاج منين هذااا؟؟

غفران: اسئل نفسك لكيته جوه التخم.

صفن عليه وفرك راسه ورجع هز راسه.
أحمد: غفران ترا ماعبالج نفس الي بالج.

غفران: لا الي بالي وهياته مكتوب شنوو مطيه ماعرف اقره.

أحمد: اهووو شوو جيبي.

غفران: سحبه مني ورجع كعد على الجربايه... ايي أحمد فهمني شنو هذا؟؟

أحمد: يعني انتي موو تكولين اعرفه خلص نفسه.

غفران: احمدد مشروب كحولي تعرف شنوو هواا؟

أحمد: لا عذريني ماعرف علميني بله.

غفران: اييي أحمد خبلتني راح تموتني لك تشرب
ماتخاف من الله تعرف هذا حرام.

أحمد: هز راسه.. ايي اشرب ارتاحيتي.

غفران: خرب يومك مخبل انت تشرب احمد شبيك.

احمد: وكف واجه لزمني من وجهي.. غفران لا تصعبين الامور ترا هياتني مبين شارب.

غفران: دفعته من صدره.. وخر الله لاينطيك شارب؟

أحمد: هههههههه اشاقه وياج بعدين اني مشارب هواي هنا شويه.

غفران: لاحوله ولا قوه شسالفه يبقه شراب كحول يبقه عرك يبقه صخام بعينك وبعين الي تزوجتك.

أحمد: اهوووو شراح يفضهاا.. رجع كعد مكانه
وبعدين عرفتي اشرب وماصلي ولا اصوم وخلص سدي حلكج.

غفران: صفنت عليه وحاطه ايدي على خصري..
وعادي عندك تحجيها هيج.

أحمد: ايي عادي هسه اذا ماتريدين شئ اطلعي اريد انام عود كعديني لماا يجهز الغده اوكي حبي.. انطاني بوسه بلهوا.

غفران: لا انت مستحيل كون طابوكه نامت عليك..

عفته وطبكت الباب قوي واسمعه يكول وجعع كسرتي الباب.. قميته ورحت المطبخ كعدت واني افكر بي.. مستحيل أحمد يشرب ماتوقعتك أبد.

اوفف مر الوقت واني ملتهيا بشغل البيت والطبخ
اونس نفسي علمود لا افكر باحمد.

خابرت على جنيد.
جنيد: هلا غفوره.