احببتك لماذا

13

البارت الثالث عشر.
..
.
.
غفران: صديت علي واتفف.
كول شعندك.

لؤي: غفران ترا اني احبج.

غفران: واني ماحبك.

لؤي: اعرف بيج زعلانه بس ترا صدك اني احبج واريدج بلحلال.

غفران: ليش متفهم انو اني ماحبك ليش تريدني واني
مطايقتك حتى نوب تريد تزوجني لؤي افهم ترا هو
موو اجباري وماريد اعيش يمك واني ما احبك.

لؤي: غفران ترا حجيج يجرح.

غفران: اوكي اني اسفه اذا جرحت مشاعرك بس تقبلهاا تعيش يم وحده مطايقتك وماتحبك.

تقرب مني ولزم ايدي وكال..
لؤي: بس اذا تعاشريني راح تحبيني صدكيني.

غفران: وخرت منه.. ماراح احبك والله اريدك تفهم انو
أنت حاسبتك اخوي..

لؤي: مارييييددد ماريد اصير اخووجج اريد اصير حبيبج وزوجج واهلج... صدكيني غفران بس وافقي راح احبج وادللج مراح اخلي شي ينقصج بس وافقي عليه..

غفران: ماكدر لؤي ماكدر ليش متفهم اني ماريدك تزعل مني بس صدكني اني ماكدر اجبر نفسي عليك
ماحبك كلبي مايريدك..

اشوف شكله شلون اتغير ونضراته بيه توسل
شلت السله ملابس... وصديت عنه واسمعه يكول.

لؤي: تحبين طه موو؟؟

غفران: لا انت ولا طه ماحب اي واحد بيكم وروح كله.... لعلمك اذا اجيتوو وتقدمتو الي مراح اوافق
لوو الكل قبل اني مراح اقبل عليكم ثنينكم.

عفته وطبيت جوه شفته من الشباك بعده واكف مكبص بلكاع وحاط ايده على راسه..

شويه وشافتني رسل ادحك عليه وحجيتلهاا اصار ضلت صافنه وماتعرف شتكول..

غفران: شوو سكتي احجي؟؟.

رسل: يعني هوا انتي ختاريتي راحتج وماجبرتي نفسج على شي ماتريدي لاجل تسعدين غيرج.

غفران: يي هوا هذا الكلام الي اريده...
عبالي راح توكفين وياا ابن عمج.

رسل: اني لا ويا ابن عمي ولا ويا اخوي ولا وياج الصراحه كلمن يختار الي يريحه.

غفران: بس اني اختاريت راحتي... خلي نفسج مكاني
شراح اسوين.

رسل: طبعاً اختار الي ريحني بس مراح احجي مثل جرائتج الي حجيتي لؤي.

غفران: اني مجرحته حجيتله الحقيقه بس.

رسل: خلص غفران سدي الموضوع... انتي ختاريتي
نفسج وراحتج..

غفران: سدينه الموضوع وضلت كل وحده ملتهيه بتليفون... بليل لما كملنه العشه وخلصتنه واكفين بالمطبخ... اجتي رهف عيونها حمر وخدها احمر
اشوف رسل راحت عليهاا وكالت.