احببتك لماذا

5

البارت الخامس.
.
.
.
#احببتك لماذا
ــــــــــــــــــــــــــــــــــــــــــــــــــــــ
.
غفران: اخذوني وياهم وماعرف صار بيه من شفت اهلي جوه التراب تخبلت ضليت احفر بلكبور..

واصيح وابجي واني اكول.. لا ادفنوهم فدوه اهلي مميتين لا فدوه الكم.. اصيح بعلوو صوتي  .. اجوي عمامي اثنين لازموني من ايدي واني ادفع بيهم.

سحبوني خلوني بلسياره.. عمي جابيلي ماي غسلت وجهي.. ورجعوني لبيبت.. طبيت لكيت بس النسوان تبجي وتصيح.

اني مالي خلك كبل صعدت الغرفه اهلي.. نمت على افراشهم اني ابجي واشم بالفراش احس انضربت على راسي بقوه ورجع وعي.
....

اسبوع على هاي الحاله نسواني تجي وتروح.. واني مالي خلك اي شي تعبت نفسيتي صرت ماطيق اي شخص... ضليت بيت اهلي وعماتي يمي وزوجه جدي هم كاعده يمي

ـ جني البنات عماتي وعمي يمي واني كاعده بلغرفه بس اتصفن بالوجوه..

زينب: حبيبتي غفران حرام عليج تكطعين نفسج من الكل والشرب ترا مايصير هيج مشوفين نفسج صايره.

رهف: يله حبي اكلي فدوه الكلبج حته ضعفانه حيل.

رسل: اني مالي دخل اليوم بليل انام هنا  وانجيب تعلوله ناكل ونتونس ما تكطعين نفسج من الاكل هاي ماتمشي علي اوكي.

غفران: والله مالي خلك ماريد اي شي فدوه عوفني..

ضلت وحده ادحك على الوخ وهنا حزينات

زينب: ماكتلج المدير انطاج اجازه منا نصف السنه والحمدالله احنه خلصنه امتحانات الشهريات وابشرج انطو السعيات وماشالله عليج كلهن 50 ماكو ولا 49 عفيه عليج طلعتي من المتميزين.

غفران: لعد شوكت المتحانات.

زينب: اللاسف بعد 15 يوم غفران اتمنى ترجعين مثل قبل وتمتحنين تخلصين.

رسل: اي غفوره انتي شاطره حتى لو بس تكتبين اسمج الج درجتين هاي هياا ناجحه موو هيج؟.

رهف: يي والله شكد حلو من انتي تنجحين بالسعي حتى تخلصين من التعب بنصف السنه..

غفران: الله كريم اشوف شلون الوضع يصير... لعد شو البيت مابي صوت وين راحو.؟.

رسل: امي كالت خوالي ملتمين بيت عمه ابتهال.

رهف: اكلجن زهراء بت علي شبيهاا.؟

زينب: خطيه ابوي كال تخربطت..

رهف: مسكينه طفله صغيره بعدهاا.

زينب: شمدريني كلنا انصدمنه.. شنسوي الله كريم.

غفران: بنات هسه اجي.

عفتهن  يحجن وحدهن ورحت بيت عمي اريد اشوف شبيهم كلهم ملتمين.

طبعاً بيت عمي بسدنه بيناتنه حايط وبنصه باب لا اله تطلعين من الشارع يله تروحين الهم... وصلت لكيت هواي. شحاطات ونعوله تكرمون. باب لاستقبال

هاي شكو شعدهم هل كثر منجمعين.. دخلت من باب المطبخ ورحت الهوال قبل لا افتح الباب سمعت عمامي يحجون وكالو..

حسن: اخوي الله يرحمه عنده هواي املاك ما معقوله انحطهن كلهن غفران هاي بنيه الله يعلم شسوي بيهن.

محمد: يي صح اني اوافق حسن بكلامه بعدين لا تنسون عنده بيت جبير هاي من غير عنده قطعه جبيره وسياره هم.

عيسى: ميله سياره هيه وحده واحتركت بس.

عباس: لازم ماتعرف اشتره سياره جديده

عيسى: لا والله اول مره اسمع.

عباس: اني هاي غفران ماثق بيه بنيه مراهقه تمشي وره كلبهاا ماتمشي عدل.

حسن: انشالله خير خلي نحجي وياهاا باجر والله كريم.

اسمع حجيهم واني انصدمت ابوي عنده سياره وقطعه ارض واملاك مامعقوله اني بس الي اعرفه عنده راتب تقاعد.

بسرعه توجهت البيت بغرفه ابوي قفلت الباب علي ضليت ادور بالخزنه ضليت اكلب هواي مستندات مامفهومه واواراق.

لكيت سند علي صورتي واسمي وبجهاا الثانيه صورت ابوي ومكتوب سند كاع وبيت وسيارتين معرض مسجلات بسمي الي؟

وكفت بصدمه مامصدكه  ليش ابوي مكالي ليش حتى هذا البيت باسمي.؟

واني عبالي ابوي يملك بس هل بيت وراتب تقاعد 500الف واصلاً ما ادخل بشغلاته.

طلع يستلم مليونين ونص  بشهر... ماعرف من الصدمه صار بيه.. بساع لميت الغراض وضميتهن.

وكفت استوعب مسحت وجهي مصخنه كلشي باسمي اني طلع معقوله؟.
.
.
يتبع

#احببتك لماذا