احببتك لماذا

3

البارت الثالث
.
.
.
#احببتك لماذا
ــــــــــــــــــــــــــــــــــــــــــــــــــــــ

.
.
.
يعني اهل..
ماتوو ؟

ـ حبيبتي غفران هذا قضاء وقدر

غفران: انصدمت من سمعت معقوله مستحيلل.. اهلي ماتوو ماكدرت احجي كلمه انصدمت صافنه بس بوجهم... 

ـ البنيه انصدمت جيبوله مي خلي تشرب امشي حبيبتي اكعدي بالداره.

غفران: اخذتني الداره.. شويه وزينب جتي كالت امشي اروح البيت.. اخذتني وصلت البيت بس اسمع بجي وصياح وجان ولد عمي واكفين بلباب..

علي: غفران بيج شي ، صفنت بوجها ساكته وكال::-ليش ماتحجين كولي اي شي..

عفته وفتت البيت عماتي ونسوان عمامي كلهن يبجن ويصيحن.. واني مصدومه مادري شكوو شصار.

عمة غفران: حبيبتي غفران الله يصبرج يروحيي    حضنتني وبجت بحركه..

غفران: مادري ليش ماابجي بس ادحك عل الوجوه..  من بعدهاا محسيت شي صار غواش كدامي..
ــــــــــــــــــــــــــــــــــــــــــــــــــــــــــ

كاعدين اني والولد بره بعد خبر وفات خالي وعائلته بس صوت النسوان البجي والطم.. وره شوي صار صياح دخلو الولد شافو غفران متخربطه..

عمر:  احمد جيب سيارتك خلي ناخذ غفران المستشفى فدوه عسريع..

ـ يي هسه اجي.

سيارتي طابكه براس الشارع رحت ركض جبتها وجيت.. صعدو غفران وعلي وخالتي الي هيا ام علي..  اخذتهاا المستشفى حطولها مغذي..  اجه الدكتور  ربع ساعه هما بلغرفه ولا واحد طلع وكال اشبيهاا..

علي: شدعوه هل كثر طولوو..

ابتهال: اني اعرف يا يمه البنيه انصدمت لا ينسمع الهاا حس ولا شي بس صافنه يارب يكومه بسلامه وصبره البنيه صغيره بعدهاا وتيتمت..

احمد: خاله طولي بالج هسه انشالله تطلع بسلامه..

علي: بس لو اعرف شدعوه طولو.

احمد: ابو يوسف على كيفك هسه يطلعون ونشوف شبيهاا..

شويه وطلع الدكتور..
دكتور: انتو اهلها البنيه.

علي: يي دكتور كول شبيهاا ليش هيج طولتو.

دكتور: البنيه عدها مشاكل بلقلب والحمدالله بس..

ابتهال: يمه دكتور كول شنو بس شبيها ابنيتي.

دكتور: البنيه دخلت بغيوبه والله يعلم شوكت تكوم.

خالتي من سمعت الحجي كامت دك على راسهاا  وتبجي::- خاله كولي يالله..

ابتهال:منين اتلكاهااا من اهلها لو منهااا حرام والله حرام بنيه هيج يصير بيهااا يارب دخيلك..