احببتك لماذا

29

البارت التاسع وعشرون.
.
.
تفاجئت منه ومن صوته الي ماعرف عبالك واحد
فاقد: الوو أحمد وينك.. ماسمع بس يكول اخخخ راسي يوجعني واسمع شي انكسر.

الووو أحمد وين كاعد.. مايرد بس يون من راسه.
كمت من الفراش وطلعت البلكونه سديت باب البلكونه على كيفي حتى مايسمع خالي.

حطيت التلفون على اذني.. أحمد كاعد تسمعني شبيك فهمني.. مايحجي بس اسمع صوت تكسير
شويه واسمع صوت جنيد يمه يكول.. هاي شمسوي بنفسك خرب بليسك أحمد.

سديت الخط ودكيت على جنيد اول مره مجاوبني وثاني مره هم اله ثالث مره يله جاوب
غفران: جنيدد شبي أحمد فهمني؟؟

جنيد: هااا لا مابي بس راسه يوجعه.

غفران: جنيد لاجذب دائما راسه يوجعه مايسوي هيج شمعنى اليوم هاا.

جنيد: هسه قابل اجذب عليج.

غفران: وينه هوا انطي التلفون اله خلي احجي وياا.

جنيد: هوا نايم هسه.

غفران: شهل اكلاوات وين اكو واحد راسه يوجعه ونايم هاا؟

جنيد: شسويلج والله شوفي نايم اذا رجلج غريب موو مثل البشر.

غفران: جنيد امانه الله مابي شي.

جنيد: ايي مابي شي بس راسه يوجعه وهسه نايم.

غفران: اسمع الله عليك اذا كعد كله خلي يخابرني عود.

جنيد: ميخالف بس يكعد اكله.

غفران: اوكي باي... سديته واني بالي يمه شبي ليش هيجي مجان بي شي من راسلته.. اوفف ياحمد اوف
منك.. دخلت جوه شفت خالي واكف يم الباب مرتجي عليه.. خالوو تريد شي.

إبراهيم: لاا بس شفتج ماكو بلفراش.

غفران: هاا اي جنت اخابر أحمد.

إبراهيم: أحمد ساعه 2ونص بليل؟؟

غفران: ايي موو اصدقاء يمه ويتعللون وجان يسئلني على شغله ضامتها.

إبراهيم: خوش لعد اصبح حضري نفسج اروح اني وياج.

غفران: وين؟؟

إبراهيم: اروح اشوف ليلى.. رفع حاجبه هوا يضحك.

غفران: ضحكت عليه.. هاا لازم مشتاقلها..

إبراهيم: ايي والله ليش اجذب.

غفران: زين اذا انت مشتاقلها ليش تاخذني.

إبراهيم: هياا كالت عرفت انتي هناا وكالت اريد اشوفها لان مشتاقتله.

غفران: يعني موو انت الحالك هيا كالت موو.؟

إبراهيم: لا جنت اريد اخذج والله وبعدين يله روحي نامي اخذتنه السوالف.

غفران: ايي تصبح على احلام بليلى.. غمزتله.