البارت التاسع والخمسون.
.
.
غفران: وين رايح طلكني.
تقدم يمي وابتسم وكال: تريدين اطلكج بس بشرط.
هزيت راسي اله.
أحمد: متاخذين جاهل وياج
فتحت عيوني عليه.
غفران: خخببللل انتت تريدني اخليهم يمك.
هز راسه وابتسم باستفزاز وركب السياره وطلع.. بسيطه هين يااحمد.. ركضت فوك الغرفه طلعت ملابس وحطيتهن بجنطه رحت الغرفه الجهال لكيتهم كاعدين ويكلبون بتلفون شافوني وكامو
صفكت الهم.. يلهه كومو راح نطلع يللهه بساع.
ادهم: وين؟؟
غفران: هسه كوم خلي تلفونات بجنطه هيا والشاحنه
والبسو احذيه بسااعع.
هزو روسهم وكامو حضرت الهم جنطه خليت بيها الملابس وطلعتهم بره بدون محد يدري لبست حذائي واني بلمطبخ اسكت بيهم حتى لايحجون فتحت الباب وطلعتهم وسديتها على كيفي.
لزمت ايدهم وطلعنه نمشي وكلساع التفت وراي
واني شايله ثلاث جنط لما طلعت من المنطقه
اخذتهم الحديقه عامه كعدو بيها وشتريت الهم
كاعده ادحك عليهم استهضمت من يمي كمت ابجي
سكتاوي حتى لايسمعون ولايشوفوني صديت وجهي عنهم واني ابجي.
شويه ومسحت عيوني واني حايره وين اروح...
لان صدك تبهذلت عمتي ابتهال شالو من المحافظه
الغير محافظه وبيت ابوي بعته... شلت التلفون وخابرت على خالي وره شويه ورد... هلو خالو شلونك.
إبراهيم: هلا حبيبتي بخير انتي شلونج.
غفران: زينه اسمع خالو انت رجعت لا.
إبراهيم: لا بعدني على الاسبوع الجاي ارجع.
غفران: هاا خوش لعد.
إبراهيم: غفران بيج شي شوو صوتج معاجبني.
غفران: لا خالو بس هيج اسئل مشتاقتلك.
إبراهيم: حبيبتي والله اني هم مشتاقلج هواي.
غفران: ابتسمت ومسحت عيوني.. انشالله نتشاوف...
يله خالو اني اشوف الجهال اوكي باي.
إبراهيم: يله حبيبتي الله وياج.
سديت الخط واني محتاره وين اروح وانطي وجهي ويا الجهال اندك التلفون شفته حازم كطعت الخط وقفلت التلفون.
ايهم: ماما توكت لوحح البيت.(ماما شوكت روح البيت).
ريان: ايي ماما اني نعت.(نعست).
غفران: هسه ماما هسه اروح البيت.
رين: بابا ماتوو.(ماكوو).
ادهم: ماما ليت تعلانه.(ماما ليش زعلانه).
غفران: مزعلانه بس اسكتو هسه اروح البيت عود
ونامو بكيفكم.
سكتو هما ياكلون ضليت افكر وين اروح وانطي وجهي اذا اروح البيت جنيد شي اكيد يجي هناك وخالي ماكو يارب دخيلك مابيه حيل ساعدني
هذول جهال وين اروح... صفنت على الشارع فاتت دوريه شرطه بساع اذكرت حمزه.
YOU ARE READING
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
