ليلى بصدمة : مين ؟
حازم : الله في إيه مالكم مصدومين كده ليه ؟
جنة : و أنت عرفت منين ؟
حازم : بصي يا ستي اليومين دول كنت ببات في مكتب الضابط حتى هو قالي متوصي عليك جامد و امبارح قالي إني أكيد هاخد إفراج النهاردة لأن في ثلاث رجال أعمال مهمين هما اللي اهتموا بالقضية دي و عرفوا مين اللي عمل كده بس رفض يقول أسماءهم
لأنهم مش عايزين حد يعرف بس بعد إلحاح كبير وافق و قالي إنهم عمر عبد الودود و كريم الشاذلي و آدم البحيري و خاصة آدم اللي اهتم بنفسه بالقضية و جاب الفاعلكانت جنة و ليلى في حالة صدمة كبيرة
عبدالرحمن : طيب كريم عارفينه من زمان و آدم و اتعرفنا عليه من مدة و بقينا أصحاب فيمكن عملوا ده بدافع الصداقة بس اللي اسمه عمر ده عمل كده ليه ؟ و ايه اللي عرفه أصلا مش ده مديرك يا ليلى ؟
ليلى : أيوه هو يوم اللي حصل طلبت منه إذن خروج و لما سألني قولتله اللي حصل بس متوقعتش إنه يساعدنا
نظرت جنة إلى نجاة ببسمة غامضة ففهمتها نجاة
جنة : عادي يا بودي يمكن لسه حاسس بالذنب من اللي عمله في ليلى فقال يساعدنا بس كتر خيره الراجل طلع ذوق لازم تشكريه يا ليلى
صفاء : أيوه يا حبيبتي لازم تشكريه على اللي عمله و انتي يا جنة اشكري آدم و كريم
جنة : كريم ماشي لكن آدم لأ
عبدالرحمن : لأ يا جنة لازم نشكرهم و أنا و حازم هنشكرهم بنفسنا
جنة بضيق : ماشي
حازم : استأذن أنا بقى و أروح اخد شاور
باسم بمزاح : قوام علشان الريحة
عمرو : فعلا الريحة قلبت معدتي
حازم : اه يا شوية حوش ماشي
اتجه حازم إلى منزله ليتحمم و يبدل ثيابه
و بعد مدة كان الجميع يجتمع في شقة الثلاثي و الكثير من الجيران جاؤوا ليطمئنوا على حازم فهو محبوب بين الجميع
بعد مدة رحل الجيران و بقيت العائلة و اجتمعت لتناول العشاء
بعد العشاء
اتجهت سعدية و لواحظ إلى حازم
سعدية : الحمد لله على السلامة يا حازم
لواحظ : و الله قلقنا عليك أوي
حازم : تعيشوا ربنا يديمكم لنا يارب
سعدية : بس ده ميمنعش إنك مدب
حازم : ليه كده يا سوسو ده أنا لسه بدعيلك
سعدية : بقى يا بغل البت تموت روحها من العياط علشانك و أنت لوح كده
حازم : بجد كانت زعلانة
CITEȘTI
ربع دستة مجانين ( جاري التعديل )
Umorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة
part 25
Începe de la început