ربع دستة مجانين ( جاري التعديل )

part 23

شكرت علياء العميد ثم خرجت لتلحق بباسم

علياء : دكتور باسم لو سمحت

باسم : نعم

علياء ببكاء : أنا آسفة والله على اللي حصل و آسفة لأني اتهمتك اتهامات باطلة كده و شكرا لأنك ساعدتني النهاردة أرجوك أقبل اعتذاري

لا يعرف باسم لما شعر بضيق شديد عندما وجدها تبكي فحاول تلطيف الأجواء

باسم بمزاح : ما انتي طلعتي رقيقة و بتعيطي زي البنات
أهو طيب ليه جو عبده موته اللي انتي متقمصة شخصيته ده

علياء و قد عادت إلى طبيعتها : أنا عبده موته اسمع بقى مش معنى اني اعتذرت لك يبقى تغلط فيا لا فوق كده

باسم : أيوه كده ارجعي لطبيعتك أنا برده قولت مين دي أكيد واحدة تانية و بعدين استني حتى لحد لما أقبل اعتذاركِ على العموم لأنك صاحبة أختي و لأنى   مش بحب أخلي حد يعيط أنا قبلت اعتذارك

علياء : بجد

باسم بابتسامة : أيوه حصل خير مفيش مشكلة

علياء : يعني صافي يا لبن

باسم بضحك : هههههه بذمتك في واحدة تقول للدكتور بتاعها صافي يا لبن

شردت علياء في ضحكته قليلا

باسم : عارف إني أمور بس غض البصر حلو ثم تركها و غادر

شعرت علياء بالخجل الشديد و استغفرت كثيرا ثم ذهبت إلى المدرج لتتلقى بقية المحاضرات

_____________________________

عند جنة

وصلت جنة إلى شركة مراد كامل و وجدت آدم يقف في انتظارها

آدم : أخيراً يلا

اتجه آدم و جنة إلى الشركة و أخبرا السكرتيرة بأسمائهما فقامت بإدخالهما على الفور

مراد : آدم بيه بنفسه طيب ليه تتعب نفسك لو كنت أعرف إنك هتيجي بنفسك كنت أنا اللي جيت

آدم : مفيش مشكلة أنا بحب أتابع شغلي بنفسي

مد مراد يده ليسلم على جنة

صافحه آدم بسرعة

آدم : المهندسة مش بتسلم

تعجبت جنة مما فعل

مراد : مفيش مشكلة و على فكرة أنا سعيد جدا باللقاء ده حاتم شكر في شغلكِ جدا قال إنكِ موهوبة و مبدعة و بصراحة عنده حق

ثم بدأوا الاجتماع

بعد نحو ساعة انتهوا

جنة : تمام يا مستر مراد إن شاء الله الشغل اللي هنعمله هيعجبك

مراد : أكيد أنا واثق من ده بس تقدري تقولي مراد حاف من غير ألقاب و أنا أقولك جنة

شعر آدم بالغضب من كلامه و جاء ليتحدث و لكن تحدثت جنة