ربع دستة مجانين ( جاري التعديل )

part 20

جنة : لو سمحت بقى افتح الباب و تاني مرة إياك تقفل الباب فاهم أنا مش عايزة اخد ذنوب بسبب واحد زيك

آدم : واحد زيي شكلك نسيتي إن أنا المدير و علشان كده هفكرك انتى النهاردة مش هتروحي غير لما تخلصي التصميم اللى معاكي

جنة : نعم ليه يعني ؟

آدم : هو كده عادي overtime 

جنة : و ده المفروض مش على كل الموظفين

آدم : تحبي كل الموظفين يبقوا

جنة : فكرة بردوا اهو نسلي بعض

آدم : ليه هى فسحة
اتفضلي يلا على شغلك

جنة و هى تفتح الباب و تخرج : حسبى الله ونعم الوكيل ثم خرجت

ذهبت جنة إلى مكتبها

عزة : نانا انتى كويسة
جنة : هبقى كويسة إزاى و البنى آدم ده هنا

عزة : عمل ايه ؟

جنة : بيقولي مش هتروحي غير لما تخلصي التصميم

عزة : بس كده هتتأخري طيب أنا هستنى معاكى

جنة : لأ يا وزة روحي انتى

اكملت جنة العمل و جاء وقت المغادرة و غادرت عزة و بقيت هي بمفردها رغم محاولات عزة و رنا للبقاء معها فهى لم ترد أن تؤخر أحد

اتصلت جنة على أروى لتخبرها أنها ستتأخر فى العمل ثم تابعت العمل

عند الساعة السابعة خرج آدم من مكتبه ليراها هل أنهت التصميم و اتجه إلى مكتبها

جنة : ااه أخيرا يلا ربنا يسامحه أنا مش عايزة أدعي عليه يلا يا جنة معلش استحملي  طول عمرك جبل فيوماً ما سوف احكي لمنى الشاذلي معاناتي

ضحك آدم على حديثها
لتتفاجأ هى بوجوده

جنة بفزع : يخربيتك طيب كنت كح ولا اعطس و لا أى حاجة

آدم برفع حاجب : يخربيتك !

جنة : اه لمؤاخذه يخربيت حضرتك كده حلو

آدم : شكلك بتنسي كتير إن أنا المدير

جنة : و الله كل يوم بحاول انسى بس بتطلع فى وشي و بتفكرني تانى يلا معلش المهم التصميم أهو

ثم جاءت لتغادر

آدم : استني هو أنا سمحت لكِ تمشي

جنة : أنت قولت مش همشي غير لما أخلص التصميم و أنا خلصته أهو يبقى كده خلاص

آدم : لسه تخلصي كمان تصاميم شركة النصر

جنة : لا و الله طيب ما أبات هنا أحسن أهو أوفر تمن المواصلات بالمرة ابعد ابعد من وشي ثم تركته و ذهبت

خرج آدم خلفها ليجدها تقف تنتظر المصعد
جاء المصعد و دخلت جنة لتجد آدم يدخل أيضا و جاء ليغلق المصعد و لكن أوقفته جنة