ربع دستة مجانين ( جاري التعديل )

part 20

الطفلة ببكاء : يعني مش هقدر ألعب زى أصحابي

عمرو : انتى اسمك ايه ؟

الطفلة : ملك

عمرو : اسمك حلو أوي يا ملوكة و باين عليكي شاطرة و قوية زي فتيات القوة مش بتسمعيهم برده و بتحبيهم

ملك : أيوه

عمرو : يبقى لازم تكوني قوية زيهم يعنى الجبس ده شرير و لازم تحاربيه و تحاربيه إزاى بقى

ملك : إزاى ؟

عمرو : بإنك تتحمليه أسبوعين علشان تثبتي إنك أقوى منه و بعدين هتيجي هنا و نكسره سوا و نقضي على الشر

ملك : بجد

عمرو : أيوه يا حبيبتي
ثم أخرج من جيبه قطعة شوكولاته و أعطاها لها

عمرو : دى أحلى شوكولاته لأحلى بنوته في الكون

ملك : شكرا أنت طيب خالص و علشان كده هتبقى صاحبي

عمرو بابتسامة : هو أنا أطول

ملك : طيب خلي بابا ياخد رقمك علشان اكلمك بقى

عمرو : ماشي يا ستى ثم أعطى والدها الرقم

والد الطفلة : شكرا لحضرتك خليتها تبطل عياط و تبقى مبسوطة

عمرو : على إيه دي زي بنتى أنا كمان عندي بنوته حلوة كده اسمها مسك

ابتسم والد الطفلة له ثم أخذها و غادر

_____________________________

عند جنة

بمجرد أن دخلت مكتب آدم وجدت الباب يُغلق

جاءت جنة لتتحدث و لكن قاطعتها هو

آدم بغضب : بس مسمعش صوتك

جنة : لو سمحت افتح الباب و بعدين أنت

آدم بصوت عالي : قولت اخرسي خالص أنا سكت كتير بس المرة دي انتى تجاوزتي كل الحدود
بقى أنا معفن و طاووس مغرور لأ و حرامى و هندسة متقبلش شكلي انتى فاكرة نفسك مين علشان تغلطي فيا

جنة : أنا غلطت فيك امتى مش فاكرة

آدم : و الله اومال الكلام ده لمين ؟

جنة : و الله أنا مقولتش اسمك خالص أنا قولت لمار و نادرة و جايدا لكن اسمك ما اتذكرش

آدم : قولتي اللي ما يتسمى

جنة : هو أنت اللى ما تتسمى ده كنت فاكرة إن لك اسم  مش اسمك برده  آدم و لا أنا غلطانة

نظر لها آدم بتعجب فهي لم تنطق اسمه من قبل

جنة : اعتقد إن أنا مقولتش آدم خالص

صمت آدم لفترة فرفعت جنة عينيها لتجده ينظر لها نظرة غريبة لم تفهم معناها  فشعرت بالتوتر  فغضت بصرها و نظرت أرضا