သူ့ရဲ့ မြန်မာနာမည်က ကောက်ရိုးနွယ် သို့ ကန်စွန်းနွယ်ရတဲ့။ ကန်စွန်းမျိုးရင်းပေါ့။ Morning Gloryလို့ခေါ်တဲ့ဒီပန်းကို မြန်မာမှာ ဆယ်နာရီပန်းလို့ခေါ်တဲ့ moss roseနဲ့ အတော်မှားကြတယ်။ အအေးပိုင်းဒေသမှာပေါက်ပြီး သူ့ရဲ့ အစေ့က အဆိပ်ဖြစ်တတ်တယ်။ သူကလေ အောင်မဲညိုနဲ့မှားကြလို့ ခရမ်းပွင့်များမြင်ရင် အောင်မဲညိုဟဲ့ဆိုပြီး လက်ဖက်ရည်ကြမ်းထဲခပ်မသောက်လိုက်ကြပါနဲ့နော်။ အဆိပ်ဖြစ်တတ်လို့ပါ။ (ပွင့်ပုံလည်းမတူပါဘူး အောင်မဲညိုကသေးပေမယ့် morning gloryက ကန်စွန်းပွင့်နဲ့အတော်ဆင်ပါတယ်။)
Morning gloryဟာ မနက်စောစောပွင့်ပြီး နေ့လည်ဆို ညှိုးသွားတတ်တယ်။ နောက်မနက်ဆိုပြန်ပွင့်တယ်။
အဲ့ဒါကြောင့် သူ့အဓိပ္ပါယ်မှာ ရှင်သန်ခြင်းနဲ့သေဆုံးခြင်းဆိုတဲ့အဓိပ္ပါယ် ပါလာတာ။ ဘ၀သံသရာလိုပေါ့။ ရှင်သန်တယ်၊ သေဆုံးတယ်၊ ထပ်ရှင်သန်လာတယ်...အဲ့လို။
ခရစ်ယာန်အချို့ကတော့ morning gloryရဲ့ပွင့်တဲ့သက်တမ်းဟာ တိုတာမို့လို့ လူတွေရဲ့ ဘ၀သက်တမ်းနဲ့တူတယ်လို့ ယူဆကြတယ်။ ဒါကြောင့်ပွင့်လန်းနေတုန်းမှာ လောကကိုတစ်နည်းနည်းနဲ့အထောက်အကူပြုသင့်တယ်တဲ့။
Morning Gloryဟာ ချစ်ခြင်းတရားနဲ့ဆက်နွယ်နေတဲ့ ပန်းလို့ပြောကြတယ္။ victorian era မှာဆိုရင် သူ့အဓိပ္ပါယ်က အချစ်၊ (သို့) ကိုယ်ကျင့်တရား၊
ပိုချစ်ရတဲ့သူ။ ဘယ်တော့မှမသေဆုံးတဲ့အချစ်လို့လည်း ပြောကြတယ်။
ဂျပန်မှာတော့ အချစ် ၊ ဖြူစင်ခြင်း လို့အဓိပ္ပါယ်ရသလိူ ချစ်သူတွေကြား ပေးတတ်ကြတဲ့ လက်ဆောင်တဲ့။
တရုတ်မှာတော့ ကန့်သတ်ခံအချစ်တဲ့။ ပြီးတော့ တစ်နှစ်မှတစ်ရက်တွေ့ရတဲ့ချစ်သူတွေရဲ့ သင်္ကေတတဲ့။ တရုတ်ရိုးရာပုံပြင်တစ်ခုရှိတယ်။ လူငယ်နှစ်ယောက်က တာ၀န်၀တ္တရားတွေကိုလစ်ဟင်းပြီး ရူးရူးမူးမူးချစ်ပဲနေလို့ ကောင်းကင်ဘုံကစိတ်ဆိုးပြီး သူတို့နှစ်ယောက်ကို မြစ်တစ်ဖက်ကမ်းစီမှာခွဲထားလိုက်သတဲ့။ ပြီးတော့ တစ်နှစ်မှတစ်ခါပဲတွေ့ခွင့်ပေးတယ်။
morning gloryရဲ့ တဖြည်းဖြည်းပွားများတွယ်တက်လာတဲ့အပင်ပုံစံက ချစ်သူနှစ်ဉီးရဲ့ တမ်းတစိတ်ပြင်းပြမှုကို အမှတ်ရစေသတဲ့။
YOU ARE READING
Flowers
Non-Fictionပန်းတို့၏ အဓိပ္ပါယ်များ...... နှစ်သက်မိသောပန်းလှလှလေးများ.... ပန်းလေးတွေနောက်ကွယ်ကလှပသောဒဏ္ဍာရီများ... သင်ဟာပန်းတွေကိုနှစ်သက်သူ၊ ပန်းတွေရဲ့အဓိပ္ပါယ်တွေကိုစိတ်ဝင်စားသူဆိုရင်ဒီစာအုပ်လေးကိုသင်သဘောကျမယ်လို့မျှော်လင့်ပါတယ်.....
