ليلى بألم : اااه
التفت الجميع إليها و تعجبوا
الأم : فيه حاجة يا بنتي ؟
ليلى : لأ يا ماما مفيش
عمر : آنسة ليلى هتقبلي اعتذاري و ترجعي الشغل و لو حبيتي أنا ممكن اعتذر لكِ كمان في الشركة
( إيه ده هو ده عمر بجد ؟ )
ليلى : مفيش داعي و أنا قبلت اعتذارك بس آسفة أنا مش هقدر أرجع الشغل معاك تاني أنا مرتاحة فى الشغل مع حسين بيه
عمر : اعتبر ده قرارك النهائي ؟
ليلى : أيوه
عمر : بس فعلا إحنا عايزينك فى فرع المهندسين لأن معظم الصفقات المهمة بتبقى هناك و بعد اللي عملتيه علشان تنقذي سمعة شركتنا يبقى مفيش حد غيرك يصلح في المكان ده ياريت تفكري تاني و تبلغي والدى بقراركِ بعد اذنكم أنا مضطر أمشي و بعتذر مرة تانية ثم رحل
أروى : ليلى هو ده البارد اللى كنتى بتقولى عليه ده طلع ذوق خالص
جنة : يمكن ده أخوه التوأم
عبدالرحمن : ليلى يا حبيبتي هتعملي ايه ؟
ليلى بحيرة : مش عارفة
عبدالرحمن : بصي هو جه و اعتذر و انتى قبلتي اعتذاره و إحنا كمان فشوفي انتى عايزة تعملي إيه و إحنا هنبقى معاكى و لو عايزة تفضلي مكانك برده إحنا معاكي
جنة : قوليلي يا لولي هو فعلا الشركة بتاعته بتبقى فيها الصفقات المهمة ؟
ليلى : أيوه معظم الصفقات المهمة بتبقى فيها حتى العملاء إجتماعتهم فيها
جنة : طيب يبقى هو معاه حق و في النهاية ده قرارك
الأم : أيوه يا حبيبتي فكرى كويس و بلغي والده
أروى : يلا بقى يا جماعة هنتأخر على الشغل فخري هينفخنا
عبدالرحمن : يلا
و اتجه الجميع إلى العمل و اتجهت ليلى إلى شركة حسين إلى أن تقرر
وصل عمر إلى الشركة و دخل إلى مكتبه و جلس على كرسيه و تذكر حديثه مع والده
فلاش باك
عمر : بابا أنا هعتذر من ليلى
حسين : بجد
عمر : أيوه يا بابا أنت معاك حق أنا فعلا كنت غلطان و لازم اعتذر لها هي تستحق الشكر على اللى عملته
و علشان كده عايز منك عنوان بيتها
ESTÀS LLEGINT
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة
part 15
Start from the beginning
