မကြာခင်မှာပင် the whole king and the whole queen နှင့် the whole prince and the whole princess ရွေးပွဲစတင်ပါသည်။
"မြန်မာစာမေဂျာ king ညှို့မျက်ဝန်း ဖြစ်ပါတယ်"
king of Myanmar ဆိုတဲ့စလွယ်လေးလွယ်ပြီး မျက်ဝန်းပြာလေးကစင်ပေါ်တက်သွားသည်။မျက်ဝန်းပြာလေးကိုမြင်လိုက်တာနဲ့ စင်အောက်ကလူအုပ်ကြီးကသောင်းသောင်းဖျဖျကြိုဆိုကြပါသည်။မျက်ဝန်းပြာလေးက နှုတ်ခမ်းလေးတွန့်ရုံသာတစ်ချက်ပြုံးပြပြီး စင်ရဲ့ထောင့်တစ်နေရာမှာလက်နောက်ပစ်ကာသွားရပ်နေသည်။
ထိုအပြုအမူလေးကြောင့် မောင်ပြုံးမိပါသည်။ခုနက အခန်းထဲမှာထိုင်နေကြတုန်းက မျက်ဝန်းပြာလေးကမောင့်ကိုလျှို့ဝှက်ချက်တစ်ခုပြောပြခဲ့သည်။သူလေးကမေဂျာkingလုပ်ချင်စိတ်မရှိပေမယ့် အကုန်လုံးထက်ရုပ်ရည်သာနေတဲ့သူ့ကိုဝိုင်းပြီးတင်မြှောက်လိုက်ကြတာမို့ မေဂျာရဲ့ဂုဏ်အတွက်လက်ခံလိုက်တာလို့ဆိုသည်။သူရှိနေတဲ့မြန်မာစာမေဂျာကသူများနောက်ရောက်နေစရာအကြောင်းမရှိဘူးတဲ့လေ။
.......အဟင်း ဘယ်လိုမာနခဲလေးပါလိမ့်......
"အင်္ဂလိပ်စာမေဂျာking မိုးမြင့်မာန် ဖြစ်ပါတယ်"
ဘေးနားကနေဖြတ်လျှောက်သွားတဲ့လူကို မောင်မကြည်ကြည့်ဖြင့်လိုက်ကြည့်မိသည်။ထိုလူစင်ပေါ်တက်သွားတော့လည်း အောက်ကအော်ဟစ်နေကြတာပဲ။ကြည့်ရတာ ဘယ်သူတက်လာလာ အသံကုန်အော်ဟစ်အားပေးကြမယ့်သဘောမှာရှိ၏။ထိုလူကသူ့စလွယ်ကိုမြှောက်ကိုင်ကာနမ်းလိုက်ပြီး စင်အောက်ကိုလည်း လက်ဖဝါးဖြင့်ဖလိုင်းကစ်ပေးလိုက်တာမို့ အောက်ကလူတွေအော်ချက်ကအမိုးတောင်ပွင့်တော့မတက်ပင်။တော်တော်ဆူတဲ့အသံတွေမို့ စင်ရဲ့အရှေ့ဆုံးမှာထိုင်နေကြတဲ့ ဆရာသမားလူကြီးတွေတောင် နားပိတ်လိုက်ကြရသည်။ထိုလူက မျက်ဝန်းပြာလေးဘေးနားမှာသွားရပ်လိုက်တာမို့ မောင့်မျက်ခုံးတွေတွန့်ချိုးသွားရတော့သည်။ဘာဖြစ်လို့ အစီစဉ်တင်ဆက်သူက မျက်ဝန်းပြာလေးပြီးတော့ ထိုလူ့ကိုခေါ်ရတာလဲ! ကျစ် စိတ်ပျက်စရာ!
"သင်္ချာမေဂျာking ......ဖြစ်ပါတယ်"
"ဥပဒေမေဂျာking.......ဖြစ်ပါတယ်"
YOU ARE READING
မောင့်မျက်ဝန်းပြာ (COMPLETED) ေမာင့္မ်က္ဝန္းျပာ
Romanceချစ်သောမောင်💙 ညှို့မျက်ဝန်း💙 ခ်စ္ေသာေမာင္💙 ညႇိဳ႕မ်က္ဝန္း💙
