"အကို သတိထား"
"ဒိုင်း"
တီ...တီ...တီ....
စားပွဲတင်နာရီမှAlarm ပေးသံနှင့်အတူ သူနိုးလာသည်။Air Conမှလေအေးပင်သူ့ချွေးကိုမကာကွယ်နိုင်အောင် တစ်ကိုယ်လုံးလည်းချွေးစေးတွေထွက်လို့။
ဘာလို့လဲ။ဒီအိမ်မက်ကြီးကိုပဲသူမြင်မက်နေရတာလဲ။ သူဒီလိုအိမ်မက်ကိုမက်တာတစ်ခါမက။ငယ်ငယ်လေးကတည်းကတစ်နှစ်နှစ်ခါလောက်မက်တတ်သည်။ခုမဟုတ်တော့။ဒီနှစ်တွေထဲ တစ်ပတ်တစ်ခါလောက်မက်သည်။
ဒီအိမ်မက်မျိုးမက်ပြီးနောက်တစ်နေ့ဆို သူကျောင်းမသွားချင်။လူကနုံးပြီး တစ်စုံတစ်ယောက်ကိုမသိစိတ်ကရှာဖွေနေမိသည်။
သူ့အိမ်မက်ထဲမှာ ဇာတ်ရုံလိုလိုခုံတွေကြားထဲမှာ သူနဲ့လူတစ်ယောက်ကိုသေနတ်တွေနှင့်ဝိုင်းပစ်နေကြတာ။ထိုအခိုက်တစ်ဖက်လူကထိုလူ့ကိုသေနတ်နှင့်ချိန်လိုက်ချိန် သူထိုအမျိုးသားကိုကာကွယ်ပေးပြီးသူသေနတ်မှန်သွားတာ။
'ကျစ်...ဘာတွေလဲကွာ"
သူခေါင်းကိုတစ်ချက်ခါလိုက်ပြီး ပြန်အိပ်ရန်ပြင်လိုက်စဥ် သူဖုန်းလေးကထမြည်လာသည်။
သူ့သူငယ်ချင်းမ တွယ်တာပင်။
"Happy Birthday Liam, မွေးနေ့မှစ၍နောင်နှစ်များစွာထိ ပျော်ရွှင်သောဘဝကိုပိုင်ဆိုင်နိုင်ပါစေ"
"ကျေးဇူးပါတွယ်တာရေ။မနက်ကျမှမုန့်လိုက်ကျွေးမယ်နော်"
"ဟဲ့ မနက်ဘုရားသွားဖို့ကငါ့ကားနဲ့လာခေါ်ရမလား"
"အေ့ လာခေါ်လိုက် မေမေကလည်းနင့်ကိုဒီရက်ထဲမလာလို့မေးနေတာ"
"အေးအေးလာခဲ့မယ် အဲ့တာဆိုဒါပဲနော် ငါနင့်ကို BD wish ချင်လို့ Blကားကြည့်ရင်းစောင့်နေတာအဟီး"
"မသာမနင်ကအမြဲအဲ့တာပဲအလုပ်လုပ်"
Liam လည်းဖုန်းချပြီးပြန်အိပ်ရန်ပြင်လိုက်သည်။သို့သော်သူအိပ်မပျော်ပါ။မျက်လုံးထဲခုနကအိမ်မက်ကသာကြီးစိုးနေသည်။
ငါအိမ်မက်ထဲမှာခေါ်လိုက်တဲ့'အကို'ကဘယ်သူလဲ။ နောက်ပြီးသေနတ်မှန်တဲ့ငါကရောဘာလို့အဲ့နေရာမှာရှိနေရတာလဲ။
YOU ARE READING
ချစ်သော "ထွေး" (Complete)
Romance"ထွေးမြို့အုပ်မင်းကတော်မလုပ်ချင်ဘူးလားဟင်" "မျက်နှာရူးမြို့အုပ်မင်း"
