Raising Children in Ancient County Town
Unicode
အခန်း ၁၄
ချောင်းရှန်က မြေကြီးတစ်တန်းကိုသာ တူးတာဖြစ်ပေမယ့် တစ်ချိန်လုံး ကုန်းနေရတာကြောင့် သူ့နောက်ကျောက နာလာပြီး သူ့နောက်ကျောရိုးက ပြန်တောင် မဖြောင့်နိုင်တော့ဘူးလို့ ခံစားလာရသည်။
ချီရှို့က ချောင်းရှန်ရဲ့ထုရိုက်နေတဲ့အသံကို ကြားတော့ ချောင်းရှန်က သူ့ခါးနောက်ကို လက်တစ်ဖက်ဖြင့် ထုနေတာကို မြင်တော့ စိတ်မကောင်းစွာ ပြောလိုက်သည်။
"သွားနားလိုက်တော့။ အများကြီး မကျန်တော့ပါဘူး... ကိုယ်လုပ်လိုက်မယ်"
ချောင်းရှန်က အနည်းငယ်အကျင်းအကျပ်တွေ့နေသည်။ သူက ဖေဖေချီနှင့် မေမေချီတို့က သူ့ကိုပျက်စီးနေတယ်လို့ မထင်စေချင်ပေ။ လယ်ထဲမှာ ခက်ခဲပင်ပန်းတဲ့ လယ်ယာအလုပ်တွေကို ကူညီပေးချင်ပေမယ့် သူ့ခါးက တောင့်မခံနိုင်တော့ပေ။
"လယ်ထဲက ခြင်တွေကအဆိပ်ပြင်းလွန်းတယ်။ မြန်မြန်သွားပြီး ချန်းလဲ့ကို စောင့်ပေးလိုက်ဦး။ သူ့ကို ခြင်မကိုက်စေနဲ့"
ချီရှို့က ချောင်းရှန်ရဲ့အတွေးတွေကို သိတာကြောင့် ချောင်းရှန်ကို သူကလယ်အလုပ်နားခိုင်းတာဖြစ်ကြောင်း သူ့မိဘတွေသိစေရန် လေသံကို အနည်းငယ်မြှင့်ကာ ပြောလိုက်သည်။
"သွားတော့ ချောင်းအာ"
မေမေချီက သူ့မြေးငယ်လေးက နောက်ဆုံးမှာ ဖြူဖွေး နူးညံ့တဲ့ အသားလေးတွေရှိလာတာမို့ ခြင်ကိုသွေးမစုပ်စေချင်တာကြောင့် အမြန် တိုက်တွန်းလိုက်သည်။
ထိုအချိန်မှပဲ ချောင်းရှန်က အကျင်းအကျပ်ထဲမှ လွတ်မြောက်သွားသည်။ မေမေချီရဲ့ တိုက်တွန်းမှုနှင့်အတူ သူတွေးထားသလို သစ်ပင်အောက်သို့ လျှောက်သွားလိုက်သည်။ ရှောင်ချန်းလဲ့ကို ကောက်ချီကာ သူ့လက်မောင်းထဲ နေရာချပေးပြီး ယပ်တောင်ကို ကိုင်ကာ သူ့သားကို ယပ်ခတ်ပေးလိုက်သည်။ နေကပြင်းလာတော့ ရှောင်ချန်းလဲ့က အလွန်အိပ်ချင်လာသည်။
သူ့သားကို ပွေ့ထားရင်း ချောင်းရှန်က လယ်ထဲမှာ အလုပ်များနေတဲ့လူတွေကို မှင်တက်စွာ ကြည့်လိုက်သည်။ ဒါကြောင့် ချီရှို့က အခက်အခဲတွေကို ခံနိုင်ရည်ရှိပြီး ယုံကြည်စိတ်ချရကာ မိသားစုအတွင်းကအရာတွေအားလုံးကို တိတ်တဆိတ်ဂရုစိုက်တတ်တာပဲ။ မေမေချီက ကြင်နာတတ်ပြီး ပွင့်လင်းမြင်သာရှိသည်။ တံခါးနောက်ကွယ်က မူလချောင်းရှန်ရဲ့ အပြုအမူတွေကို စိတ်မကျေနပ်ပေမယ့် သူ့သားကိုဂရုစိုက်ကာ လင်မယားနှစ်ယောက်လုံး ဘဝကို ကောင်းကောင်းမွန်မွန် နေနိုင်သွားကြစေရန် ပိုကောင်းလာမည်လို့ မျှော်လင့်ပြီး သူမက ကြင်နာပေးခဲ့သည်။
YOU ARE READING
ရှေးခေတ်ကာလတွင် ကလေးပြုစုပျိုးထောင်ခြင်း (Completed)
Short StoryRaising Children in Ancient County Town Chinese Title - 在古代县城养儿_欲来迟 Original Author - 欲来迟 English Translator - Erishi An Status -35chapters (completed) Credits to original author & eng translator Description ရှေးခေတ်ကာလကိုပြန်ရောက်ပြီးနောက် ငါက ချ...
