Raising Children in Ancient County Town
Unicode
အခန်း : ၃
ချောင်းရှန်က ရေနွေးအိုးတစ်အိုးထပ်တည်ပြီး ရေချိုးဖို့ပြင်လိုက်သည်။ ရာသီဥတုကပူနေပေမယ့် သူအအေးမိနေတာကပြန်မကောင်းသေးဘူး။ ရှောင်ချန်းလဲ့ကလည်း ရေအေးနှင့်မချိုးနိုင်တာကြောင့် ရေချိုးတဲ့အချိန်တိုင်း ရေနွေးတည်ရသည်။
ညနေပိုင်းရောက်နေတာတောင် နေကမဝင်သေးပဲလေတွေလည်းပူနေသည်။ ချောင်းရှန်က ရေစည်ပိုင်းကိုယူပြီး ရေနွေးနဲ့စပ်လိုက်သည်။ စည်ပိုင်းကလေးတာကြောင့် မိုးမခပင်အောက်ကိုရွေ့ပေးဖို့ချီရှို့ကိုပြောလိုက်သည်။ ချောင်းရှန်က ရှောင်ချန်းလဲ့ကိုကောက်မလိုက်ပြီး ရေချိုးဖို့ရေစည်ပိုင်းထဲထည့်လိုက်သည်။
ရှေးခေတ်ကလူတွေကပူနေရင်တောင်မှ သူတို့ခန္ဓာကိုယ်ကို လုံခြုံအောင်ဖုံးအုပ်ဝတ်စားကြတာကြောင့် ရှောင်ချန်းလဲ့က ဖြူဖွေးပြီးနူးညံ့နေပေမယ့် အကြာကြီးအာဟာရချို့တဲ့ခဲ့တာကြောင့် အနည်းငယ်ပိန်နေသည်။ ချောင်းရှန်က အဝတ်ပုဝါကိုယူပြီး ကလေးတစ်ကိုယ်လုံးကိုညင်သာစွာသုတ်ပေးလိုက်သည်။ ရေချိုးပြီးသွားတဲ့ရှောင်ချန်းလဲ့က ခြေထောက်တိုတိုလေးတွေက ရေတွေကိုကန်ဆော့နေပေမယ့် သူ့ခန္ဓာကိုယ်ကတော့ဆောင့်ကြောင့်ထိုင်နေတဲ့ချောင်းရှန်ရဲ့လက်မောင်းတွေထဲ ရောက်နေသည်။
ရှောင်ချန်းလဲ့ကိုချည်ထည်ပုဝါနဲ့ထုပ်ပြီးအခန်းထဲဝင်ခဲ့ကြသည်။ ချောင်းရှန်ကတော့ရေတွေစိုနေပြီဖြစ်လို့ ကလေးကိုအဝတ်အစားလဲပေးပြီးတော့ ချီရှို့ရှေ့မှာရှိတဲ့ သစ်သားပုံးထဲအမြန်ထည့်လိုက်ပြီး ပြန်လှည့်ကာ ရေအပူချိန်စမ်းကြည့်ပြီး ရေသွားချိုးတော့သည်။
မီးဖိုချောင်ထဲကအသားနံ့ထွက်လာသောအခါ အနံ့ရလိုက်တဲ့ရှောင်ချန်းလဲ့က အငြိမ်မနေနိုင်တော့ပေ။ ဘာကများဒီလောက်မွှေးနေရတာလဲလို့ကြည့်ဖို့ သူ့ကိုမြန်မြန်ခေါ်ရန် ချီရှို့ကို လက်ကမ်းပေးနေသည်။ ချီရှို့က သူ့သားရဲ့ဂနာမငြိမ်တဲ့ခန္ဓာကိုယ်ကိုမြင်တော့ လက်ဆေးကာ ရှောင်ချန်းလဲ့ကိုကောက်ချီလိုက်ပြီး မီးဖိုထဲကိုတစ်ချက်ကြည့်ဖို့သွားခဲ့သည်။
YOU ARE READING
ရှေးခေတ်ကာလတွင် ကလေးပြုစုပျိုးထောင်ခြင်း (Completed)
Short StoryRaising Children in Ancient County Town Chinese Title - 在古代县城养儿_欲来迟 Original Author - 欲来迟 English Translator - Erishi An Status -35chapters (completed) Credits to original author & eng translator Description ရှေးခေတ်ကာလကိုပြန်ရောက်ပြီးနောက် ငါက ချ...