Raising Children in Ancient County Town
Unicode
အခန်း : ၄
ကောင်းကင်ကြီးကတောက်ပနေပြီး ကြက်တွေတောင်တွန်နေပြီ။
ချီရှို့ကမျက်လုံးဖွင့်လိုက်တဲ့အခါ လက်တစ်ဖက်ကသူ့အင်္ကျီကိုဖယ်ကာ အထဲဝင်ပြီး သူ့ဗိုက်ကြွက်သားတွေကိုထိနေသည်။သူ့ဘေးကလူကိုလှည့်ကြည့်လိုက်တော့ ချောင်းရှန်က ပါးစပ်လေးဟကာနှစ်နှစ်ခြိုက်ခြိုက်အိပ်ပျော်နေသည်။ရှောင်ချန်းလဲ့ကလည်း ထူးဆန်းတဲ့ပုံစံနဲ့ချောင်းရှန်ရဲ့လက်တွေကိုကွေးကာပါးစပ်လေးဟလို့အိပ်မောကျနေသည်။ချီရှို့က ချောင်းရှန်ရဲ့လက်ကိုညင်သာစွာဆွဲထုတ်ပေးပြီး ထထိုင်ကာ ခေါင်းအုံးကိုဆွဲယူပြီးရှောင်ချန်းလဲ့ကိုဝန်းရံကာ ချောင်းရှန်ရဲ့လက်ကိုခေါင်းအုံးပေါ်တင်ပေးလိုက်သည်။ချောင်းရှန်က မသိစိတ်ကနေခေါင်းအုံကိုဆွဲညှစ်နေတာမြင်တော့ ချီရှို့က အသက်ရှူကြပ်ပြီး အဝတ်အစားလဲကာ အခန်းထဲမှထွက်လာခဲ့သည်။
ချောင်းရှန်နိုးလာသောအခါ ခြံဝန်းထဲတွင်သစ်သားကိုထုရိုက်သံများကိုပုံမှန်ကြားနေရပြီး အသံတွေဆူနေတာ ကြာနေပြီလို့တောင်ထင်ရသည်။ရှောင်ချန်းလဲ့ကတော့ ဝက်ကလေးလိုနှုတ်ခမ်းစူကာ အိပ်မောကျနေတုန်းပဲ။ရှောင်ချန်းလဲ့ရဲ့ခန္ဓာကိုယ်ကိုထိလိုက်ပြီး နည်းနည်းနွေးနေပေမယ့် ချွေးတော့မထွက်ဘူးလို့ စိတ်သက်သာရာရရင်း ထပြီးအဝတ်အစားလှဲကာ ကလေးကို ခေါင်းအုံးနောက်တစ်လုံးဖြင့် သေချာကာပေးပြီး အခန်းထဲမှလှည့်ထွက်လာခဲ့သည်။
အပြင်မှာနေတောင်အတော်မြင့်နေပြီ။ချောင်းရှန်က မျက်နှာကိုသေချာသစ်ကာ ဆားကိုမိုးမခကိုင်းဖြင့်တို့ကာ သွားတိုက်လိုက်သည်။မီးဖိုးထဲတွင်ဂျုံယာဂုတောင်ချက်ပြီးသွားပြီး ချောင်းရှန်ကမနေ့ကကျန်တဲ့ဝက်သားနှပ်ကိုနွှေးကာ အပြင်သို့ထုတ်လာခဲ့သည်။
နွေရာသီမှာ ခြံထဲမှာစားရတာက သက်တောင့်သက်သာနဲ့အေးမြသည်။ ရှောင်ချန်းလဲ့အိပ်ပျော်နေတုန်းဆိုတာသိအောင်အခန်းထဲပြန်ဝင်ခဲ့ပြီးနောက် ချီရှို့ကိုလှမ်းခေါ်ကာ နှစ်ယောက်သားတိတ်ဆိတ်စွာမနက်စာစားကြပြီး ရှောင်ချန်းလဲ့အတွက်လည်း မီးဖိုထဲတွင်နွေးအောင်ချန်ထားခဲ့သည်။
YOU ARE READING
ရှေးခေတ်ကာလတွင် ကလေးပြုစုပျိုးထောင်ခြင်း (Completed)
Short StoryRaising Children in Ancient County Town Chinese Title - 在古代县城养儿_欲来迟 Original Author - 欲来迟 English Translator - Erishi An Status -35chapters (completed) Credits to original author & eng translator Description ရှေးခေတ်ကာလကိုပြန်ရောက်ပြီးနောက် ငါက ချ...