ရှေးခေတ်ကာလတွင် ကလေးပြုစုပျိုးထောင်ခြင်း (Completed)

YOU ARE READING

Short Story

Raising Children in Ancient County Town Chinese Title - 在古代县城养儿_欲来迟 Original Author - 欲来迟 English Translator - Erishi An Status -35chapters (completed) Credits to original author & eng translator Description ရှေးခေတ်ကာလကိုပြန်ရောက်ပြီးနောက် ငါက ချ...

#ancient #childcare #mpreg #translation #transmigration

အခန်း ၆

Start from the beginning

by PoRoRo0812

ချောင်းရှန်က ချီရှို့သဘောတူလိုက်တဲ့အခါ ပျော်သွားပြီး ငြိမ်ငြိမ်လေးမုန့်ထိုင်စားနေတဲ့ ရှောင်ချန်းလဲ့ကို ဖက်ပြီး နဖူးကိုနမ်းလိုက်သည်။ရှောင်ချန်းလဲ့က နှုတ်ခမ်းဆူကာ ကိတ်မုန့်ကို သွားသေးသေးနဲ့ထပ်ကိုက်နေတာမြင်တော့ ချောင်းရှန်က ထပ်ခါထပ်ခါနမ်းလိုက်သည်။

ပထမတော့ ရှောင်ချန်းလဲ့က ပြုံးကာ သူ့ကိုဖက်လာသည်။ လေးခါ ငါးခါလောက် ထပ်နမ်းခံနေရတော့ သူသည်းမခံနိုင်တော့ပဲ စိတ်တိုလာသည်။ သူ့ပါပါးက သူမုန့်စားနေတာကို နှောက်ယှက်နေတာပဲ။

ချောင်းရှန်က အိမ်မှာပဲနေလာတဲ့သူမို့ ပုခုံးပေါ်မတင်နိုင်လောက်ဘူးထင်တာကြောင့် ချီရှို့က သစ်သားနောက်တွဲလှည်းလေး လုပ်ပေးမည်။ချောင်းရှန်နဲ့တိုင်ပင်လိုက်တဲ့အခါ ချောင်းရှန်က သူ့ရဲ့ခေတ်မီနည်းပညာကို သိထားတာတွေကိုအသုံးချပြီး အကြမ်းဖျဥ်းအကြံဉာဏ်တွေ ပေးခဲ့တာကြောင့် ပိုမိုကောင်းမွန်တဲ့ပုံစံနဲ့ လှည်းကို လုပ်နိုင်ခဲ့သည်။

နောက်တစ်နေ့မှာတော့ ချီရှို့က တနေကုန် အလုပ်ရှုပ်နေခဲ့ပြီး လှည်းကလည်း အဆင်သင့် ဖြစ်နေပြီ။ တွန်းလှည်းသည် တကယ်တော့ modernခေတ်က အမျိုးသမီးတွေ ဟင်းသီးဟင်းရွက်ဝယ်ဖို့ စျေးထဲသွားကြတဲ့အခါ ဝယ်ပြီးထည့်ကြတဲ့လှည်းကို ပုံစံယူထားတာ ဖြစ်သည်။ အကြမ်းခံတဲ့ တိုင်နှစ်တိုင်ကို ချဲ့ထားတဲ့ ဘီးလုံးကြီးနှစ်ဘီးပေါ်မှာတပ်ထားပြီး သစ်သားစည်ပိုင်းတစ်ခုကို ချထားကာ သစ်သားပြားအထူကို စည်ပိုင်း၏အောက်တွင် မြှုပ်ထားသည်။ သစ်သားစည်ပိုင်းရဲ့နောက်တွင် နေရာအလွတ်လေးတစ်ခုရှိပြီး ကန့်ထားသည်။ ဇွန်းတို့ ပိုက်ဆံထည့်တဲ့ပုံးတို့လိုမျိုးတစ်ခုခု ထားလို့ရသည်။

ညဘက်မှာတော့ ချောင်းရှန်က တွန်းလှည်းကို ပျော်ရွှင်စွာ စမ်းသပ်နေပြီး ရေထည့်ထားတဲ့ သစ်သားရေပုံးကို တင်ထားလိုက်သည်။ပုံးထဲကို ရေသုံးပုံ နှစ်ပုံခန့်ထည့်ထားပြီး တွန်းဖို့ အားအများကြီးလည်းမသုံးရပဲ ရေလည်းလျှံမကျပေ။

သုံးရက်မြောက်နေ့မှာတော့ ချီရှို့က ချောင်းရှန်ကို ရှို့ယွမ်ရွာက အမျိုးတွေဆီ အလည်သွားရန် နွားလှည်းဖြင့် ခေါ်သွားခဲ့သည်။ လှည်းမောင်းသည့်အဖိုးသည် ရှို့ယွမ်ရွာက လယ်သမားကြီးဖြစ်သည်။သူက ပိုက်ဆံရဖို့ တုန့်ကျန်းကစားသောက်ဆိုင်တွေကို ဟင်းသီးဟင်းရွက်ပို့ပေးရန် သုံးရက်ကနေငါးရက်အတွင်းတစ်ခါ လာတတ်သည်။