فَلوغن

الجزء ٢ / الحقيقة ١

الشخص الي جان بلسبورتج و جان لاحك مروة ..
.
جان يوم جمعة و جانت دنيا صبح و الجو جان عاصف و هوا عالي ..
.
جان هلشخص بسيارته الي نزل منهه بعد ما طبك يم واحد من مطاعم بغداد ..
و ظل يمشي و عافهه بمكانهه و بقى يمشي بلشارع المجاور للمطعم وحده .. لحد ما وصل لبناية تابعة لشركة أهلية للتسويق بس الشركة مو عراقية! .. المهم .. طب جوة و صعد للطابق الثالث و وصل لغرفة المدير العام و دخل بدون ما يدك الباب ..
:: شلونك ؟
المدير :: بخير .
:: العميد محمد اجه بعده؟
و فجأة تنفتح الباب و يدخل العميد محمد و هو يكول للمدير :: ممكن تعوفنه وحدنا ..
و يطلع المدير ..
محمد :: ها فواز شلونك ..
فواز :: شلونك سيدي الحمدلله بخير اذا انت بخير ..
محمد :: اكعد فواز ..
كعدو ثنينهم و هناك بلش بيناتهم حوار كلش مهم ..
محمد :: شصار وية الشباب البارحة ؟
فواز :: سيدي مروة راحت لبيت صلاح مثل ما توقعت انت و صلاح قبل ميرجع للمقر .. دز فلاح للحدود ..
محمد :: يعني مضبطين امورهم معناهه البنية بعدهه بلحدود.
فواز :: اي سيدي ..
محمد :: تمام باوع فواز .. اكو معلومة من فوك تكول انو اكو ملفات فساد على سيادة ******
فواز :: سيدي اعذرني اقاطعك بس هاي معلومة لو استخبارات؟
محمد :: استخبارات.. بس ركز وياي ..
فواز احنة منكدر نسوي شي حاليا اذا منكدر ناخذ هذا الشخص ..
.
محمد يشمر صورة على الميز ..
فواز يأخذ الصورة و يباوع و يرفع عينه للعميد محمد ..
:: سيدي منو هذا؟
محمد :: هذا الي طلب راس النقيب صلاح من سيادة الرئيس هذا امجد الشامي..
فواز :: اي سيدي كمل ..
محمد يطلع صورة ثانية و يحطهه علميز و يكول :: و علمود نوصل اله لازم نحمي هاي البنية ..
فواز :: ريم ؟ سيدي .
محمد :: لان هذا الشخص هو عمهه و يريدهه و اكو استخبارات تكول انو ابوهه بعده عايش و هسة هو سجين بسوريا بيد التنظيم ..
علمود نوصل لأمجد .. لازم نبقى ورة ريم ..
.
فواز :: سيدي بس اكو شغلة مافهمتهه اني ..!
محمد :: بالك يم صلاح .
فواز :: سيدي صلاح نجح ترة .
محمد :: صلاح بعد ما ينفع.
فواز :: بس لييييش؟
محمد :: صلاح يحبهه و ممكن يخسرهه صارت نقطة ضعفه بعد ..
فواز يجر حسرة :: هففف سيدي هسة شنو المطلوب مني ..
محمد :: اني مااكدر اساعد صلاح أكثر من هيج .
باوع فواز .. هاي الجماعة باقية وراه و تريده و اذا بقى ببغداد معناهه يلحكوه لبغداد .. و احنة دنسابق الوقت حتة نحمي صلاح و نقبض عليهم بنفس الوقت .. لهذا اني كدرت انقذه هلمرة ب اعجوبة.. ب اعجوبة راح اطلعه من المحكمة بدون عقوبة ..
فواز :: ما فهمت سيدي ..
.
محمد :: اذا عاقبته المحكمة راح تجرده من قوته و راح يروح بلرجلين.. اني عكست الشغلة و راح ابرأة من تهمته بمساعدة من اكبر شخص بلدولة..
و بنفس الوقت راح ادزه بعملية انتحارية و صلاح راح يستشهد بهاي العملية و هيج احنة راح نحمي من تهمته و من التنظيم الي باقي وراه.. فهمت فواز ابني؟
.
فواز :: فهمت سيدي .. بس منو راح يطلعه من العراق و منو راح يروح ويا بهاي العملية ..
.
محمد :: النقيب مروة و ملازم أول فؤاد و مجموعة من شباب الداخلية الابطال و ... انت .
.
فواز :: حاضر سيدي ..
محمد :: فواز انتبه.. العملية هاي لازم تنجح ماعدكم حل ثاني العملية مو انتحارية فعليا بس حتة نطلع صلاح دنتحجج بهلشي و خلي ببالك .. اذا تأذت شعرة من صلاح .. دير بالك ترجع لبغداد .. إلا ما قدر الله بعد افتهمت؟
.
فواز :: حاضر سيدي..
.
.
.
متابعيني الي يخبلون.. هذا بارت الحقيقة.. و باجر بارت الحقيقة رقم ٢ .. يكشفن الكم المستور و يجاوبن على تساؤولاتكم كلهه ..
.
اسف على الانقطاع بس الله شاهد غصبا عليةة .
.
.
.
.
https://t.me/Romanticaroma
.
قناة روايات احفاد الطائي على التلغرام👆
.

.
حسابي على انستغرام 👆 لليريد يتواصل وياي ..