فَلوغن

استراحة كاتب ...!

مرحبا ..
.
اسولفلكم موقف ؟
.
اليوم جنت راجع من مدينة الشعلة ببغداد و بطريقي للبيت ساعة ٩:٣٠ دقيقة بليل ..
.
ركبت السيارة ويا العبرية و بقيت انتظرهه تقبط حتة تتحرك ..
.
طبعا اني جنت متأخر حرفيا بس جان لازم انتظرهه تقبط حتة تتحرك ..
.
و اني افكر بيني و بين نفسي حتة اقرر شوكت ابلش بلجزء الثاني من رواية فَلوغن .
.
انتبهت و بدون قصد على الشخص الي كاعد بصفي فاتح جهازه و مندمج بي و ما يدري شكد صار ركاب بلكيا اصلا ولا حاس بلي حوله .
.
صار عندي فضول اعرف شنو الي موجود بلموبايل مالته و مخلي هلكد مندمج .
.
خطفت نظرة علشاشة هههه بس هلمرة متقصد و اني متأكد انو ماكو شي بلشاشة مال جهازه ممنوع انو ينشاف.
.
جانت الشاشة بيضة كلهه و بيهه كتابة و بس ..
.
استغربت .. !
و اول شي خطر ببالي انو الي بلجهاز مفتوح هو برنامج واتباد و هذا الشاب ديقرا رواية .
.
سألت نفسي :: هاي رواية؟ لو مادة دراسية؟
.
باوعت على الشاب و انتبهت انو شكله مو مال طالب كلية و تأكدت انو هو ديقرا رواية .
.
من رخصتك؟
.
الشاب :: تفضل ؟!
.
اني :: هههه كطعت سلسلة افكارك.. بس صار عندي فضول .. هاي رواية مو؟
.
الشاب :: لا عادي ههههه اي هذا واتباد .
.
اني :: يصير اعرف اسمهه؟ اني هم اقرا هواي روايات و كتب .
.
الشاب :: مااكدر الفظ اسمهه صحيح بس هي اسمهه فلووغن .
.
اني ضحكت بيني و بين نفسي لان لفظه بشكل خاطئ . و رجعت سألته .
.
:: هااا اي زين هاي ليا كاتب ؟
الشاب :: واحد اسمه حيدر .. حيدر الساكني اعتقد مدري حيدر الشاعر .بس هو من منطقتنة نفسهه .
.
اني :: منو كلك من منطقتكم؟ تعرفه؟
الشاب :: بيناتنة صديق مشترك .
اني :: منو هذا الصديق المشترك؟ ولو لحيت هههه بس هسة افسرلك سبب فضولي .
الشاب :: هههه لا عادي اصلا شكلك مو غريب عليةة . واحد اسمه محمد .
اني :: محمد شنو؟
الشاب :: اسمه محمد عنده قاعة بمنطقة ابو احمد السوداني.
اني عرفته و رجعت سألت الشاب ..
:: بلله باوعلي.. ماتعرفني من مكان؟ ما تذكرتني؟
الشاب :: هههه والله شكلك مو غريب بسسس؟!
.
اني :: زين طب على بروفايل الكاتب مال هاي الرواية هههه .
الشاب يدخل رأسا و يشوف الصورة .. و فجأة تتغير تعابير وجهه .. و هو يباوعلي .
الشاب :: هههههههه على راسي بس كلي شوكت ينزل الجزء الثاني .. و اني اكول وين شايفك .
اني ضحكت و كلتله :: ان شاء الله عجبتك الرواية ؟
.
الشاب يمد ايده للسلام :: اني سجاد محمد يصير ابن خالتي ..
رديت عليه :: اي اعرفه ابو جاسم هههه على راسي انيي...
الشاب :: انت حيدر انت منو يعني مو عرفتك هههه بعد شكو .
.
صراحة اني بوكتهه ردت اكله عن اسمي الحقيقي بس ما دام عجبه اسم حيدر بقيت ساكت .
الشاب :: والله الرواية فدشي بس هذا غير خلك يخليك تفر عقول العالم بهيج احداث هيج هاي شلون كتبتهه ؟
و هو متعجب ...!
اني جاوبته :: اني اعشق الكتابة لهذا اكتب و ابداعي على كدي بدون مااحس بلتعب.  ان شاء الله الجزء الثاني عن قريب و ان شاء الله يعجبكم.
الشاب بقى يحجي وياي و يحاول يخليني احرك عليه بعض الأحداث بس اني ما حجيت شي و هو كلش فرح لان شافني اليوم ..
.
اما اني ردت اسألكم هههه .
امتحاناتي بعد ١٠ ايام ..
شتكولون ابلش بلجزء الثاني هسة ؟ و اكطع وية الامتحانات .
لو ابلش بي ورة الامتحانات و مااكطع ابد .
.
و شكرا و سهلا .
.
.
حيدر الساكني 🌹