ريم ✒ .
.
جنة طالعين بلسيارة حتة ناخذ صاحب من المستشفى و نروح نتغدا برة .. و بذيج اللحظة الي جنت اني سارحة بيهه و صافنة على الطريق .. اجه اتصال لسرى ..
:: الو ها حياتي .
صاحب :: انتو جايين مو ؟ ريم شلونهه ؟
سرى تستغرب :: اي بلطريق .. زينة بس!؟ اكو شي ؟ صاحب ؟ شصاير؟
صاحب :: ان شاء الله خير باعي حبيبتي من توصلون انطيني خبر اني اطلعلكم.. مداعي تدخلون للمستشفى تمام؟
.
سرى :: تمام بس ليش؟
.
صاحب :: بعدين افهمج ..
.
سرى تحجي وياي بوكتهه و اني بالي بغير مكان و مامنتبهه عليهه ابد لحد ما علت صوتهه فجأة .
:: ريم ليش بعدج لابسة اسود حبيبتي احنة شنو اتفقنا؟ ها؟
اني جاوبتهه بدون مااباوع عليهه :: احسن .
سرى توكف السيارة على صفحة و تخلي ايدهه بيدي :: باعي ريومة كلبي ..
باوعتلهه و هي تكمل كلامهه :: شحلاتهه ملابسج بدي و جينز و هذا شعرج الحلو الي يخبل برأيج لو هاي الملابس غير لون مو جان احلى ؟
.
اني :: حبابة عوفيني مالي خلك والله يعني لتركزين على لبسي هسة مو وكتهه ابد .
.
سرى صافنة عليةة و تندار كدامهه :: تمام مثل متريدين .
و تنمر الكير و تتحرك من مكانهه ..
.
وصلنا للمستشفى بوقتهه و جانت كلش حلوة من برة ابد ماتشبه مستشفياتنا و هناك استقبلنا صاحب :: شلونكم ؟
سرى :: زينين بس فهمني شصاير؟
صاحب يركب بسرعة ليورة و يكوللهه :: اتحركي بسرعة بعدين افهمج .
تحركت سرى من المكان و طلعنا من كراج المستشفى ..
.
قبل ٣٠ دقيقة ..
.
حيدر ✒
.
صاحب يكلب بجهازه .
.
منصور صافن عليه :: انت بتتكلم جد ؟ يا دكتور كلمني و قولي هو الي حصل معاها؟
.
صاحب :: حبيبهه اسمه صلاح و استشهد قبل فترة .. اي اي اي بنفس الليلة الي اجه صلاح لبرلين هي سمعت بخبر استشهاد حبيبهه .
.
صاحب يطلع الصورة مال جوازهه و يخلي الشاشة كبال منصور و يكله و هو عيونه بكصته صايرة :: هاي مو ؟
.
منصور يتفاجئ و هو يطير من الفرح :: اه اه واللهي هي دي هي ريم هههههههههه اه واللهي هي ريم الي بندَوَر عليهه من فترة ههههههه .
.
منصور يصيح بعلو حسه :: يا صاحبيييي لقينا ريم ياصااااحبي ههههههههههههه..
.
صاحب يلزم ايد منصور :: اككككعد يمعود بس صوووتك دقيقة ..
.
منصور يكعد :: هو في اييه انت مش عاوز تقول لصلاح كل حاجة يعني؟
.
صاحب :: مااعرف بس اعتقد صلاح ما يريدهه تشوفه بهاي الحالة ابد .
.
منصور :: يا دكتور افهمني بس ..
انت عارف كويس انو صلاح محتاجهه و هي محتاجالو برضو انت ليه عاوز تعمل كده .. صلاح زات نفسو مش عارف فين مصلحتو دلوقتي انت دكتور يعني و سيد العارفين .
.
صاحب يلزم ايد منصور و يكله :: ارجوك ارجوك لا تكله شي هسة و خليني اني اتصرف .
.
منصور يوخر ايده من ايد صاحب :: انا عارف كويس الي يدور ف دماغك يدكتور بس هتعرف قُريب انك كنت غلطان .. و انا مش هسمحلك تبعدهم عن بعض و مش هيفترقوا مرة تانية ابداً
.
صاحب :: بس اوكف هسة اني ما كلت شي بعدني و انت اكلتني و شربتني.
.
منصور :: اصلِ شايف اللحظة دي قبل فترة ف مسلسل على نتفليكس و انت دلوقتي بتعمل زيهم و انك فاكر انك بتعرف مصلحة ريم اكتر منها و من صلاح .. تبقى غلطان .. انا هروح ابلغ صلاح بكل حاجة و انت روح اعمل الي انت عاوزو و نشوف اييه الي هيحصل بلآخر.
.
صاحب يكوم ورة منصور و هو يحاول يوكفه :: يمعوووود بس اوووكف خل احجي ويااااك .
.
منصور يطلع من الغرفة و صاحب يعيط :: الله يلعععععن الشيطان .
.
رأسا يشيل تليفونه و يتصل بسرى..
.
منصور يطلع جهازه و يتصل بمروة :: انتي فين؟
مروة :: شبيك عصبي هههه هسة جايتكم بس دااجيب كم شغلة لصلاح و هسة صرت بمدخل المستشفى جاية.
منصور :: لاء مش عصبي ولا حاجة بس انا لقيت ريم .
مروة :: احلللف؟ بروح امك لكيييتهه؟
منصور :: تعالي بسرعة ..
يسد الخط و يدخل لغرفة صلاح و يشوفه نايم .. يخلي كرسي يمه و يكعد ..
ورة شوية مروة توصل تفتح الباب و منصور رأسا يأشرلهه ب ايده بمعنى( بدون صوت ) لان صلاح نايم ..
مروة تخلي الغراض على صفحة و تندار على منصور و تأشرله بمعنى( شكووو؟)
منصور يكوم و يلزم ايدهه و ياخذهه ديطلع برة حتة يحاجيهه و فجأة يسمع صوت صلاح وراه :: اذا شغلة تخصني خل اسمعهه..
منصور يوكف و يباوع بعين مروة و يترك ايدهه و يندار على صلاح و هو يتقدم بخطوات بطيئة و يكعد على الكرسي :: ايوه يخوية..
صلاح :: اي احجي ..
مروة :: اروح اجيبلكم شي تشربوه و اجي .
منصور :: استني خليكي هِنا .
.
منصور :: انا لقيت ريم يصاحبي.
صلاح يفز من مكانه :: شنووو؟؟ وييين؟
.
مروة :: ولك احجي مو شلعت كلبي .
منصور :: هِنا قُريبة فبرلين .
.
صلاح يهدأ و يرجع يخلي راسه و يكول :: زينة ؟ مرتاحة؟
.
منصور يستغرب :: ايوه بس! انا هروحلهه و ارجعها ليك يعني ح قُلها على كل حاجة .
.
صلاح :: لا اتركهه.
مروة :: هههه شبيك صلاح شدتحجي انت ؟
صلاح يدير وجهه :: خل تعيش حياتهه مااقبل تشوفني هيج .
مروة تعصب و هي تتخوصر و تدير وجهه عنه .
منصور يوكف على حيله :: الله .. ازئفلك ( اصفكلك ) على روحك دي انت مش صلاح الي اعرفو.. و لو انت مرحتلهاش هي هتجيلك لأنو هي قُريبة منك اوي .
.
صلاح بصوت عالي :: شباااب لا تضغطون عليةة متجي يعني ماتجي .
و يرفع ايده و هو يتحلف بيهم .
:: والله اذا رحتو و جبتوهه بعد لساني ما يطخ لسانكم.. اطلعو خل ارتاح عوفوني وحدي .
.
منصور يطلع برة هو و مروة و همة كلش ضايجين على ردة فعله لصلاح و الأخير نزلت دمعته وحده بغرفته و ظل ياكل بروحه من الشوق الهه .
.
الآن .
.
ريم ✒
.
صاحب ياكل و هو مبين اكو بكلبه حجي هواي و سرى تعبت و هي تسأله و اني اصلا مااحجي هواي و حابسة همي بكلبي و بلكوة آكل لخاطر سرى و صاحب كلساع ملتفت و يباوعلي صفح و كانما يريد يحاجيني بس ما يعرف شلون ..
و اني حسيت نفسي اريد اسمعه شعنده و سألته :: صويحب ما تحجي شبيك؟ اكو شي؟
اختي تباوعلي و هي مستغربة لان اني حجيت و اخيرا .. لان اني كلش قليل كلامي.
.
صاحب :: شنو أكثر شي ممكن يسعدج هسة و يريح كلبج؟ ريم
.
رديت عليه و اني عيوني على الصحن :: ههه ماكو .
صاحب :: اببد ماكو؟
اني :: يعني جان اكو .. بس .. هسة ماكو .
صاحب :: قصدج الولد الي تحبي؟
اني باوعت بعيونه و شغلة نغزتني :: الرجااال الي احبه اي و هو أكبر منك على فكرة .. فلا تكول ولد .. باوع هو راح بس يبقى عايش وياي وين مااروح ف لا تضغط عليةة مرة لخ .
.
صاحب يترك الأكل و يجر حسرة :: ههه على كيفج ماحجينة شي .
سرى :: حبيبتي الوكت يعالج كلشي .
اني صديت على سرى :: ماكو مرض حتة الوكت يعالجه هذا انسان انسان .تمام؟
سرى :: تمام حبيبتي .
درت وجهي على صاحب :: اي صاحب ما جاوبتني.
صاحب يحك خده و يكول لنفسه بصوت ناصي :: هو انتي اول و تالي راح تعرفين لان اني طبيبه.
اني اقرب راسي عليه :: شنوو؟ شكلت؟
صاحب يتوتر كلش و يقرر انو يسلمهه اتراب و يكلي كلشي بوقتهه :: باعي راح اسولفلج من الأخير.
سرى :: شكو حبيبي ؟
اني :: بس دقيقة سراوي انتي خليج يم بنين .. اي احجيلي صاحب من الأخير.
صاحب :: امممم .. هففف .. باعي .
الي راح اكوله هسة اني عرفت بي قبل ساعة مو أكثر .. حتة متكولين انو اني ضميت عليج ..
اني :: صااااحب احجييييي فضني .
VOUS LISEZ
فَلوغن
Actionريم طفلة ايزيدية تنجح بلهروب من تنظيم داعش الارهابي بعد ما تخسر اهلهه و فجأة تلكه نفسهه بنص البحر اليوناني حتة توصل ل المانيا و تتفاجئ انو هي ما زالت طفلة هاربة! ... . . . صلاح ضابط للقوات الخاصة ب الجيش العراقي يتكلف ب مهمة إنقاذ طفلة من داخل التنظ...
