فَلوغن

غرفة التحقيق..!

و بغرفة التحقيق...!
.
يحطون رفعت على كرسي و همة رابطي و شادين عيونه و حلكه و رفعت يتلفت و لا يكدر يحجي ولا يشوف شي بس عسى و لعل يعرف نفسه وين ..!
و يدخل عليه واحد لابس لبس محترم و شكله محترم و سلاحه بخصره و عمره بلاربعينات و حتة لحيته ماكو يعني مو مثلهم بلعادة همة يربون لحاياهم...
و يحط كرسي بلعكس كبال رفعت و يكعد و بدون ما يحجي اي حرف يمد ايده و يوخر الجيس و يفتح حلك رفعت و هو يباوع بعيونه كلش زين و يبقى يباوع بدون ولا حرف ...
رفعت يشوفه ما حجه و هو هم يبقى ساكت و بدون حتى ما يلتفت يباوع بوجه هلشخص .. و هو يرجف بسبب الوجع و بوكتهه جان خده مجروح من الطول للطول بس نظراته نظرات اسد ههههه رفعت هو أكثر شخص عرفته بحياتي يكدر يتحكم بنفسه و ب اعصابه احسه هيج هو الي يتحكم بلمحيط الي يحيط بي مو المحيط الي يفرض عليه ضروف تصير اتمشيي على مزاجها..
رفعت يعرف غاية هلشخص و يبقى يباوع بعينه بدون أي حركة لحد ما يلاحظ تعابير وجه هذا الشخص تتغير و بلش يضوج كلش .
و جان رفعت فجأة صار يبتسم و هو مخلي عينه بعيون هلشخص اما ذاك ف رأسا كام على حيله بسرعة و ضرب رفعت راشدي بكل قوته و هو يصيح عليه :: اننننننت مننووووووووو..؟ حيواااااان!!
رفعت اكل الراشدي الي انرسم رسم على خده منا و صار يضحك بهستيريا منا بعلو حسه ..
و هذاك الشخص اتنرفز كلش و لزم رفعت من بلوزه و صار يضرب بي راشديات و هو يكول :: راااااح .. تعترف .. وين .. ودييييتو.. الفلاش ..
و فجأة يلزم رفعت من ركبته و يخلي عينه بعيون رفعت و يبتسم و يكول :: اذا متعترف تدري شيصير؟؟ راح اكلك شيصير ..
:: راااح اجيييب زوجتك و ******* كدام عيونك ههههه و اريد اشوف شلووون ما تحجي يا قذر ..
رفعت عيونه تجدح نار و هو يباوع بعيون هلشخص ورة ما جاب طاري زوجته بلموزين و كووووة يلزم اعصابه بلكووووة و فجأة رفعت صار يبتسم رفعت يبتسم بوجه هذا الحيوان و يكله :: هه اريد جكارة.. ممكن؟
الشخص يوخر عن رفعت و يظل يتمشى رايح جاي و يحجي وية روحه مثل المخبل و هو يباوع على الكاع و يمشي :: ترييييد جكااارة؟ انت ؟.. تريييد .. جكااارة ؟؟ .. يوكف و يباوع لرفعت و يكمل كلامه ..:: انطيك جكارة و تحجي كلشي؟
رفعت و هو مايل راسه و مبتسم :: تنطيني جكارة و تفك ايدي حتة أدخن براحتي و ورة ما اكملهه راح احجي كلشي .
الشخص :: ههههه لا بدون ما افكك راح انطيك .
رفعت بكل هدوء :: لو جان كدامي واحد من ذولة الأغبياء الي برة جان كلت هذا يخاف يفتح ايدي اما انت؟؟ مااعتقد .
الشخص يقتنع :: اي انت اول تالي رجلك مشدودة متكدر تسوي شي ..
يتحرك ب اتجاه رفعت و يخلي الجكارة بحلكه و يورثهه اله و انوب يندار ورة ضهره و يطلع السجينة و يكطع الحبل و يبقى ورة ضهره ..
رفعت يدخن جكارته على راحته و هو يتلفت و كانما ب بيته كاعد لحد ما يخلص الجكارة ..
الشخص :: يلله احجي الي عندك .
رفعت :: اني مااحجي شي لشخص مااشوفه كدامي . و يشمر الكطف و هو كله ثقة بنفسه..
الشخص يفتر و يجي كبال رفعت و هو كلش ضايج و يكله :: يلله احجي دااشوف تاليهه وياك ؟
رفعت يتلفت يمنى يسرى و يأشرله يكله تعال اشاورك ..
الشخص يدنك يم اذان رفعت و رفعت يشاوره و يكله :: الفلاش اذا تريده ؟ تلكاه يم امك!!
الشخص توه دينفعل و رفعت يضربه كَلَه على راسه و يشمر نفسه فوكاه و يظل يضرب بي و يغلط و هو يضرب و يضرب :: اذاااا تجيييب.. طاري.. اهلي ..مرة لخ .. ***** ****ك و يستمر بلضرب و ذاك يصيح من يمه و فجأة يدخلون الدواعش ركض و ينزلون على رفعت ضرب ورة ما يوخروه من فوك هذا الشخص  لحد ما يغمى عليه بسبب الضرب الي أكله .. يتبع في الفصل الثامن  .
.
.
.
.
.
.
الفصل الثامن متعب كلش و صعب رغم انو هو خاص لرفعت بس بي جرأة و لهذا متعب بلنسبة لواحد اصلا تعبان من يمه هههه الي هو اني .
.
احاول بكل جهدي انزله الكم كامل بس خل اكمله .
.
اما هذا ف هو مو فصل هو مجزوء من الفصل..