سالـب فـى سالـب يعطـى قلبـًا واحـدًا

الحلقة 44

.
.
.

- ماذا تعرف عن الفراق؟

- أعرف الكثير عن الفراق وأكرهه كثيرًا

- أتفعل شيئا تكرهه!

- ماذا تقصدين؟

-أقصد ما جال فى خاطرك، دعنى أخبرك بشئ، لدي مشكلة كبيرة
ألا وهى أننى لم أعد أهتم حقا تجاوزت الأمر وكأنه لم يحدث
وفى نفس ذات الوقت أنا إنكسرت لهذا الفراق انا أشعر أننى منفصمة
حزينة ولست حزينة فى ذات الوقت
مهتمة ولست مهتمة
لا أستطيع إيجاد نفسي وأصبحت منزعجة منها
صدقنى إن رأيتها فى مكان ما سأبرحها ضربًا
انتهت محادثتى مع الوسادة كأنها هو

لـ مـريـم محمـود

.
.
.
.

رغد: طب انا هخرج لوحدى

إبراهيم: خدى وليد معاكى

رغد ربعت إيديها وعبست وقالت: طب ليه انا عاوزة أخرج مع لارا يا بابا هوا انا مليش حق أخرج مع أختى ولا إيه

إبراهيم: لاء يلا روحى لو عاوزة تخرجي وخدى وليد معاكى متخرجيش لوحدك

رغد: طب ليه العنصرية دى بقا

إبراهيم: دى مش عنصرية دى هى تستاهل كدة

رغد: يا بابا الموضوع انتهى انا مسامحاها انتو مالكوا كلكوا بتعاملوها كدة ليه

إبراهيم: زى ما قلت هى تستاهل

رغد بكل هدوء لأنه مهما كان ده أبوها وهى عمرها ما تعلي صوتها عليه: لاء يا بابا دى عنصرية اما تعاملنى أنا بالشكل ده وهى بالشكل ده ف دى تبقي عنصرية وحرام عليك علفكرة
دى برضو تبقي بنتك زى ما أنا بنتك
دى تتعامل معاملة حلوة وانا أتعامل معاملة حلوة ونفسها بالظبط عشان كلنا نبقي متساويين
المعاملة اللى بتاعملوهالها دى مش حلوة خالص
ومفيش حاجة اسمها عشان تحس باللي انا كنت بحس بيه
الكل ضدها فى البيت لكن زمان هى بس اللى كانت ضدي لكن انتو كلكوا كنتوا معايا
هى كانت قريبة منكوا ف أما تبعدوا عنها بالشكل ده
ف تبقي حاجة توجع أكتر من شعورى أنا
أنا مكنتش قريبة منها أصلا
بابا حضرتك تعاملك اتغير مية وتمانين درجة
انا مقبلش بالتغير ده لأنه مأثر سلبي عليها
وانا أزعل أما أختى تبقي متأثرة بالشكل ده بسبب معاملتك ليها ومش معاملتك بس معاملتكوا كلكوا بالشكل ده معاها
انت مش بابا اللى كان بيعاملنا كلنا كويس
ومعنى انك بتعامل أختي بالشكل ده ف معناه انك بتعاملنى برضو بالشكل ده وانا وأختى واحد
وانا مش راضية عن تعاملك معاها ده
حتى لو مش عشان هى بنتك
حتى انت لازم تعاملها كويس ... بلطف
أرحموا من فى الأرض يرحمكم من فى السماء
وبعدين بقا هى متستاهلش المعاملة دى انا قلت ان الحوار خلص وانا مسامحاها الموضوع هلاص انتهى مفيش حد يجيب سيرته انا زهقت ....
بابا أنا زعلانة منك علفكرة لأن دى عمرها ما تكون معاملة كويسة
وزعلانة منكوا كلكوا