رغد مسكت تلفونها وعياطها زاد أكتر مع شهقاتها
رغد: انا ليه ... مش عارفة أنساك
حاولت ... ومعرفتش
سبتنى بقالك ... حوالى أربع شهور .. وأهو ده الخامس
طول المدة دى ... بحاول أنساك ..بس .. مش عارفة
كل حاجة بعملها بتفكرنى بيك
وانا مش قادرة أنساك حقيقي
رغد مسكت التلفون ومسحت أى حاجة على التلفون تخصه وتفكرها بيه وبعدين قفلت التلفون وفضلت تعيط
…………
وليد: كدة انت خلصت صح
إيهاب: اه كدة تمام وخالد خلص
تعالوا نروح سوا يلا
خالد: اشطا
التلاتة خرجوا برة
وملقوش رغد مع كوثر
وليد: ايه ده هى رغد فين
إيهاب: كوثر هى رغد فين
كوثر: البنت اللى كانت معاكوا
إيهاب: اه
كوثر: نزلت أدامى من حوالى ساعة ومطلعتش تانى
وليد قلق لتكون تاهت فعلا
ونزل بسرعة يشوفها تحت
وخالد وإيهاب وراه
وخرج علطول يشوفها فى جنينة الشركة
وملقاش حاجة
وراح عند المطعم ملقهاش
إيهاب: طب اتصل بيها
وليد بقلق: صحيح صحيح انا نسيت موضوع التلفون
وليد طلع تلفونه واتصل وهى ردت
وليد بقلق: انتى فين يا رغد
رغد: متخافش يا وليد تعالى انا عند العربية
وليد قفل معاها: بتقول انها فى العربية
خالد: طب كويس روحلها بقا
إيهاب: انا هروح أنا وهاهد خالد أوصله فى طريقي وانت تعالى انت ورغد فى عربيتك وخلى بالك انتو الإتنين هتباتوا
وليد: حاضر بس الأول نروح على البيت نجيب هدوم عشان نبات فيها
إيهاب: تمام
وليد راح عند العربية
ولقا رغد قاعدة على العربية من أدام لانها أصلا مش معاها مفتاحها
وليد: كنتى فين يا رغد خفت بجد
رغد بإبتسامة: متخافش يا حبيبى بس زهقت من القعدة معاكوا فوق
ف نزلت قعدت فى الجنينة شوية وجيت هنا
وليد بقلق: طب انتى كويسة
رغد بإبتسامة: الحمد لله مالك قلقان كدة ليه
وليد فضل ساكت شوية وقال وهوا مغمض عينه: الشهور اللى انا كنت بصحى ومبشوفش وشك فيها وإبتسامتك
اللى بتدينى أمل
واما باجى أدور عليكى ومش بلاقيكى وبرجع البيت وانا مش عارف انتى فين ولا عارف أوصلك
ودعائك وكلامك اللى بيدينى أمل
ده كله مكنش موجود طول الشهور اللى انتى غيبتى فيها
انتى نفسك مكنتيش موجودة
كون انك جمبى ومعايا ده بيريحنى
مش تصرفاتك بس
انتى نفسك
انتى كنتى وحشانى جدا
انا كنت خايف وقلقان عليكى جدا ولأبعد الحدود
وحقيقي انا كنت تعبان طول الشهور دى من غيرك
أنا كنت محتاجك طول الشهور دى
حصلت حاجة مفيش حد يعرفها
وانا كنت عاوز أقولك عليها وأستشيرك فيها
فيه حاجات كتير بتحصل ليا وببقى عاوزك تنصحينى وتشجعينى
بس مكنتش لاقيكى طول الوقت ده
وحسيت اما ملقتكيش مع السكرتيرة
ان ممكن تكونى توهتى وانا مش هلاقيكى تانى
وحقيقي انا خفت جدا
كنت … هحس بالوحدة تانى
معايا اه ناس كتير بس انا مش بحس بالدفا والحنان
غير تقريبا معاكى
وطبعا مع بابا وستى وجدى والعيلة
بس انتى أكتر حد
حقيقي انتى اكتر حد بثق فيه
أكتر حد أتكلم معاه براحتى من غير ما أحس ان تقيل عليه
او انه مدايق منى
اكتر حد أديله أسرارى وانا عارف انه هيخبيها وهيبقى أمين
أكتر حد بحبه أصلا فى حياتى
عمرك ما خذلتينى فى حاجة
ودايما مهتمة بيا
ودايما جمبى
عمرى ما احتجتلك غير ولقيتك جمبى وفى ضهرى
فيكى حنية ماما وتعرفى ... يمكن أكتر كمان من ماما
انا بحسك مش أختى بس بحسك أمى وبنتى اللى بربيها
وصحبتى
حقيقي يا رغد انتى أغلى شخص فى حياتى
وبحبك جدا ومش عاوز أكيد أخسرك
وانا خايف ومرعوب من فكرة انك تبعدى عنى تانى
YOU ARE READING
سالـب فـى سالـب يعطـى قلبـًا واحـدًا
Ungdomsfiksjonسأقول لك شيء فى الرياضيات سالب فى سالب يعطى موجب ولكن فى علاقتنا سالب فى سالب يعطى كلانا والمعنى أنك مكسور الفؤاد وانا كذلك فسنتحد ونلتحم لنصبح قلبًا واحدًا إيجابيًا يخلو من الكره فقط مليء بالحب والحنان والعطف الذى لم تجده سأكون لك الأم والأخت وال...
