إيهاب تحمحم قائلا: لاء هى القصة حاجة تانية خالص
وليد مسح رقبته بتوتر شوية وقال: ماهوا بسبب بص هى وما فيه حكاية كبيرة جدا حصلت من صغرنا ف أنا دايما كنت مع رغد من وهى صغيرة واحنا دايما مع بعض
كانت ممكن تسيب أى حد عشان تيجى تلعب معايا
وانا نفس النظام يعنى لو إيهاب مثلا موجود وعاوز يلعب معايا انا ممكن أسيبه وأروح لرغد عشان مش تزعل
خالد بصله بإستغراب: هتزعل من إيه مش انت بتقول ان عندها تلت بنات يعنى عندها تلاتة يلعبوا معاها فى وقت مثلا ما انت مش بتلعب معاها صح
إيهاب ووليد بصوا لبعض والإتنين اتكلموا فى وقت واحد: بس أما يكون اخواتها التلاتة مش بيحبوها ده وضع يختلف
وليد: عارف انك هتستغرب ويمكن مش لاقى كلام تقوله او حتى لو فيه كلام انت هتقول ازاى هيكرهوها دى اختهم
خالد بصدمة: هى مش أختك او مش اختهم قولى بقا انها فى الأخر مش اختكوا
وليد بضحك: لاء لاء يابنى اختنا عادى بس حكاية يكرهوها
انا مش عارف أوضحها ازاى بصراحة إيهاب وضحها انت انا مش عارف
إيهاب: بص يا خالد عارف أما تكون فى وسط قرايبك عامل زى المنبوذ او اللى هوا بمعنى أصح غيرهم خالص
مختلف عنهم تمامًا بس للأسف دول عيلتك وإخواتك اللى المفروض معاك دى رغد بإختصار هى مختلفة تمامًا عن عيلتها وبالذات اخواتها
خالد: مختلفة عنهم فى إي عندها مرض يعنى
ربنا يشفيها
وليد ضرب جبهته وقال بضحك: بعيد الشر عليها طبعا انا وهى لاء
بس انت ليه بتسبق الأحداث يابنى اهدى هوا هيفهمك
إيهاب بضحك: لاء خالد من النوع اللى حرفيا اما بيشك فى موضوع دماغه بتروح لحتة بعيدة خالص
ما علينا بص يا أهبل
انت طبعا شوفت رغد
رغد مختمرة ومتدينة وعارفة دينها كويس جدا اللهم بارك
وربنا يثبتها على ده
بس عيلتها مش كدة
بمعنى أصح البيئة اللى اتولدت فيها بعيدة جدا عن الدين
بس هى جت فجأة وقالت لعم إبراهيم اللى هوا باباها
ان هى عاوزة تتحجب
اما اتحجبت بقا فى ناس كتير انتقدت حجابها ده
وأكتر ناس انتقدتها اخواتها
لأنهم مش محجبين التلاتة
فاهم
وكمان للأسف ام رغد كانت بتفضل اخواتها عنها هى
وغير التفضيل أصلا ماما رغد ماتت ورغد عندها تلت سنين
ف ماتت ورغد سنها صغير مبقاش عندها غير ستها وجدها وابوها وبقيت عيلتها بس مهما كان هى محتاجة حنان الأم اللى اتاخد منها فى سن صغير
ف وليد بمعنى أصح يعنى كان معاها دايما معوضها عن كل حاجة اتخدت منها
وليد هى بتحبه لأبعد الحدود لأنه كان دايما معاها عارف عنها كل حاجة كل أسرارها معاه هوا وكل أسراره معاها هى
بس طبعا ده مش معناه ان باباها مكنش موجود
وليد: استنى أكمل انا بقا الحتة دى بابا اما لقا ان ماما بتفضل اخواتى عن رغد وبتفضلنى انا كمان عن رغد
مش عارف ليه بس اشطا يعنى
بابا بقا هوا مع رغد دايما زى ما أنا عملت ويمكن هوا أكتر
يمكن هوا كان معاها أكتر
كان بمعنى أصح مش أبوها بس
عوضها عن حنان الأم كمان
ف أنا يعتبر انا وبابا كنا معاها دايما
YOU ARE READING
سالـب فـى سالـب يعطـى قلبـًا واحـدًا
Teen Fictionسأقول لك شيء فى الرياضيات سالب فى سالب يعطى موجب ولكن فى علاقتنا سالب فى سالب يعطى كلانا والمعنى أنك مكسور الفؤاد وانا كذلك فسنتحد ونلتحم لنصبح قلبًا واحدًا إيجابيًا يخلو من الكره فقط مليء بالحب والحنان والعطف الذى لم تجده سأكون لك الأم والأخت وال...
