رغد دموعها نزلت بهدوء وكانت بتحاول تجمع كلامها
وبصت فى الأرض: مشكلة حصلت وخلتنا نطلق انا وهوا
متشغليش بالك
رغد مسحت دموعها وبصتلها تانى وراحت عليها
حضنتها وقالت: المهم انتى وحشانى جدا
هالة حضنتها وقالت وهى بتمسد على راسها: رغد مالك يا حبيبتى
رغد وهى بتخبى وشها فى حضنها وبتنطق بنبرة مرتجفة: مفيش حاجة يا عمتى الحمد لله
هالة: مفيش حاجة ازاى يعنى وليد اختك مالها
وليد بهدوء: عمتى حصلت مشكلة كبيرة واللى اتأثروا منها رغد ومؤمن وحصل الطلاق بينهم
هالة: إيه هى المشكلة اللى هتوصل للطلاق يا وليد
وبعدين اختك مدمرة وتحسها تعبانة اوى من المشكلة دى
نفسيا وجسديا
هى المشكلة كبيرة كدة
هالة مسكت وش رغد اللى مليان دموع وقالت: مالك طيب
طب عاوزة تحكيلى حاجة
رغد هزت راسها بمعنى ايوة
هالة خدت رغد ودخلت اوضة لوحديهم
وقعدتها على السرير وقعدت جمبها
هالة: مالك بقا
رغد عيطت أكتر وقالت: افتكروا كلهم ان انا بكلم ولد
وببعتله صور بشعرى
هالة: مستحيل تعملى كدة
رغد بعياط: ما هوا المشكلة ان كان فيه دليل ضدى
هالة: وإيه هوا
رغد بصتلها شوية وقالت: بس انا مش عاوزة أفضح الشخص ده
هالة: يعنى الشخص ده السبب فى طلاقك من اللى انتى بتحبيه ومش عاوزة تفضحيه رغد انتى طيبة اوى بجد
طب لو مش عاوزة تقولى اسم الشخص دلوقتى ..
رغد: هقوله بس انا مش عاوزاكى تكرهى الشخص ده
ومش عاوزاكى تزعليه ولا عاوزاكى تروحى تزعقيله لأن خلاص الموضوع انتهى وانا مش عاوزاه يتفتح تانى
بس ...
هالة مسدت على راسها بحنية وقالت: بس إيه يا حبيبتى
رغد وهى بتعيط: ماما احضنينى
هالة بإبتسامة فهى تحب هذا اللقب من رغد كثيرا: تعالى يا روح ماما
هالة خدتها فى حضنها ورغد بدأت تحكيلها وهى بتعيط
لارا فى مرة جت وقالتلى انا عاوزة تلفونك أطلب حاجة من على النت
ف ادتهولها عادى لأن كدة كدة انا أصلا مش بقعد عليه كتير
وبفضل أقرأ كتب او اصلى وهكذا
ف المهم ان موضوع انها تاخد تلفونى ده اتكرر كتير أوى
وبعدين فى مرة جت خدته وانا سيبته معاها وروحت دار الأيتام من غيره جيت بقا ولقيت مؤمن هناك وكلهم متجمعين وبيبصولى بعصبية
وانا بصراحة خفت
ف قلت لمؤمن إيه ده انت جيت امتا هوا احنا هنخرج انهاردة ولا إيه ف قالى هوا انتى بتكرهى الخيانة
هوا انا بكلمه فى موضوع وهوا فجأة سألنى السؤال ده
ف رديت عادى يعنى بكل تلقائية وقلتله أيوة طبعا بكرها والا لو كانت من اقرب ناس ليا
وفجأة لقيت بابا بيقولى أتأمرون الناس بالبر وتنسون أنفسكم فقلتله مش فاهمة يا بابا عاوز إيه
ف جت ريناد فجأة وضربتنى وانا برضو مش فاهمة حاجة
وراحت موريانى شات فى تلفونى نفسه
وقرأت الشات وكان صورى وفيديوهاتى بشعرى مبعوتة لشاب وكمان كلام كأنِ أنا بتكلم معاه
ف قلتلهم ان انا مستحيل أعمل كدة
وكلهم بدأو يزعقولى كلهم بلا إستسناء
ويقولوا كلام حقيقي وجعنى أوى
وبابا نفسه زعقلى وقالى .....
YOU ARE READING
سالـب فـى سالـب يعطـى قلبـًا واحـدًا
Teen Fictionسأقول لك شيء فى الرياضيات سالب فى سالب يعطى موجب ولكن فى علاقتنا سالب فى سالب يعطى كلانا والمعنى أنك مكسور الفؤاد وانا كذلك فسنتحد ونلتحم لنصبح قلبًا واحدًا إيجابيًا يخلو من الكره فقط مليء بالحب والحنان والعطف الذى لم تجده سأكون لك الأم والأخت وال...
