سالـب فـى سالـب يعطـى قلبـًا واحـدًا

الحلقة 37

.
.
.
"أنا بس مش عارفة أصدق إن احنا منعرفش حاجة عن بعض بقالنا شهور ! :'))"

-Voice note.

منقول

..

.
.
.

𝐌𝐈𝐌𝐎༄ ❤︎ مـيمـو

.
.

خالد بصدمة: ده بجد

رغد بفرحة: اه والله هوا اه محركهاش تانى بس حركها الصبح معايا

.
.
.

رغد سرحت شوية فى الجملة وهى بتعيط وافتكرت مؤمن

وفجأة لقت حد بيحط إيده علي راسها بيمسد بهدوء
او لنقل بيحاول يحرك إيده على راسها

رغد بصت لقته محمد ومسحت دموعها وهى بتبتسم بإتساع: اللهم بارك ده بجد انت حركت إيدك

محمد حاول يحركها تانى معرفش

رغد بنفس الإبتسامة: عادى عادى المهم انك حركتها وده انجاز انا فرحانة ب ده جدا والله

.
.
.

خالد بص لأبوه: جرا إيه يا حج متتحرك أدامى
فرحنى

رغد: لاء لاء متضغطش عليه عشان أعصاب إيده
هوا بس حركها فجأة
وبإذن الله يعرف يحركها وربنا يشفيه

وليد: طب هوا العلاج كدة نافع معاه صح

رغد: اه الحمد لله

وليد: طب الحمد لله

التلاتة خرجوا برة بعد ما عم محمد نام من العلاج

وليد: يلا عشان نمشي طيب عاوز حاجة يا خالد

خالد: عااا لاااء انت هتقعدد معايااا شوية معلش محتاج منك مساعدة فى حاجة

وليد بإستغراب: ايه ده فيه حاجة يابنى عاوز إيه

خالد كانت بيقطع فى الكلام وهوا ملغبط ومش عارف يقول إيه: طب سيب رغد تمشى هيا عشان مش نعطلها وتعالى انا عاوزك في حاجة

رغد وهى كمان كانت متوترة بنفس طريقة خالد وقالت: ايوة يا وليد انا همشي انا وشوف بقا هوا عاوز منك ايه يلا مع السلامة

خالد شدوا ورغد مشبت على برة وهوا مش فاهم حاجة

رغد دخلت البيت وقالت: عملتوا ايه

مروان: خلصنا اهو الكيكة تعالى طيب ظبتيها وحطى الشمع مع عمتك بس وهنتصل بخالد يجيبه

إيهاب: بس بسرعة خالد ممكن ميعرفش يوقفه كتير

طه: طب تعالى يا إيهاب إمسك معايا الفرع ده كل شوية يقع تعالى ثبته معايا

إيهاب: حاضر هاتي يا أمانى اللزق

اللى كان موجود طه وإيهاب ومروان وهالة وأمانى

رغد خلصت وكل حاجة بقت جاهزة
ناقص يتصلوا بس ب خالد