سالـب فـى سالـب يعطـى قلبـًا واحـدًا

الحلقة 22

.
.
.
.
.

𝐌𝐈𝐌𝐎༄ ❤︎ مـيمـو

تعبد الله كأنك تراه فإن لم تراه فهو يراك

.

.

.

أدم: ايه يا بنتى انتى روحتى فين

حبيبة وهى تحاول التماسك لكى لا تبكى أمامه: ان..ا معا ..ك

أدم: أعمل إيه يا حبيبة انتى أقرب حد ليا وواثق فى تصيحته انصحينى
اعترفلها ولا لاء

حبيبة: اعترفلها وهى لو بتحبك أكيد هتعترفلك هى كمان

أدم: حاسس انها ممكن متكونش بتحبنى

حبيبة: ممكن يبقى إحساس بس يا أدم ممكن تبقى بتحبك
روح اعترفلها وانا هساعدك

أدم إبتسم: بجد يا حبيبة

حبيبة ابتسمت لإبتسامته وقالت: اه ياسطا

أدم رفع إيده يسلم عليها بنفس الحركة اللى متعودين انهم يسلموا على بعض بيها: اشطات يا بيبا

🤜🏻🤛🏻

حبيبة وهى بتسلم عليه بنفس الحركة: اشطات يا دومى
بص هدخل الحمام وجاية اشطا

أدم: تمام

حبيبة دخلت الحمام وعيطت: الغبى الغبى جاي بيقولى انا ليه وانا أغبى وراحة أساعده وانا بحبه احيه ياشباب والله

حبيبة غسلت وشها وخرجتله

أدم بقلق: مالك يا بت فيه ايه انتى معيطة ليه وعينك حمرة

حبيبة: لاء لاء مفيش انا كويسة الصابون دخل فى عينى

أدم قام وخرج هى وهوا برة وقعدوا على الكورنيش: مالك
انتى لسة فيكى العادة دى

حبيبة: عادة إيه

أدم: انتى بتعتبرى ان احنا اخوات وصحاب اوى صح
احكيلى مالك يا بنتى هساعدك

حبيبة دموعها نزلت تانى وقالت: مش هينفع أحكى

أدم: ليه مش عاوزة تحكيلى والله هساعدك وبعدين متعيطيش كدة طب انا أسف
أسف على أى حاجة مزعلاكى
انا هفضل جمبك ومعاكى والله
يلا احكيلى ايه اللى مزعلك

حبيبة عيطت أكتر وقالت: بس .. متقولش لحد

أدم: انتى جاموسة يا بت مش هقول لحد حاجة يلا بس مالك وبطلى عياط بقا العياط مش ليكى يا أم عيون قمر انتى

حبيبة إبتسمت فى وسط دموعها لأنه مهما طان هوا مراعى ومهتم دايما: بحب حمار وجيت فى مرة أعترفله لقيته بيحب حد تانى قبل ما اعترف حمدت ربنا ان انا متحرجتش بس انا لسة زعلانة انه بيحب ومش قادرة أنسى الحمار ده

أدم: طب بصي انتى عارفة ان ربنا شايلك شاب هيبقى ليكى مهما حصل وهيبقى احسن حاجة حصلت فى حياتك بس لازم تصبري كدة الحمار ده قصدى الشاب ده مش ليكى
ف متعلقيش أملك على شماعة مكسورة
حاولى تنسيه وانا واثق انك هتقدرى
وانا معاكى وجمبك وهحاول معاكى