سالـب فـى سالـب يعطـى قلبـًا واحـدًا

الحلقة 57

.

.

.

.

كل تسبيحة صدقة.
• سُبحَان اللّٰـه.🤎

كل تكبيرة صدقة.
• اللّٰـه أكبر.🤎

كل تحميدة صدقة.
• الحَمدُ لِلّٰـهِ.🤎

كل تهليلة صدقة.
• لا إله إِلَّا اللّٰـه.🤎

.

.

.

.

خالد: مين أحمد

رغد: ده ولد صغير وانا كنت قعدة معاهم هما وأخته فاكر ساعت أما حكيتلك عن المشكلة
وروحت قعدت مع أحمد ومكة ومامتهم
تصدق هما وحشونى جامد
وكمان ايهم
والساعة كام دلوقتى

خالد: الساعة سبعة

رغد: طب ايه رأيك نروح نزورهم

خالد: تمام

رغد: طب استنى هلبس الإزدال وأستأذن من وليد
وبإذن الله يرضي

خالد: هقنعه لو مرضيش

رغد: اشطا

رغد لبست الإزدال وفتحت الباب والكل كان بصيلها أصلا

رغد: وليد تيتااا ينفع أروح مع خالد عند مكة وأحمد وجميلة وايهم برضو

علا: المهم تخرجى من الكهف ده يا بنتى
ده أنا هعمل فرح

وليد: وأنا هجهزه معاها وحياتك

رغد سقفت وقالت: خلصانة

رغد دخلت جوا وقالت: رضيوا يا خالد

رغد راحت خدت هدومها من الدولاب

ودخلت الحمام ولبست وخرجت تانى ل خالد
وكانت لابسة إسود فى إسود طبعا
ونزلت تحت هى وهوا
واول ما شافت عم محمد وقفت بتحاول تستوعب

رغد بصدمة: اتس حمايا هناك أهو وه
ده بجد ده

رغد ضربت خالد فى دراعه وقالت: ايه يا بارد مقولتليش ليه
انك جاى انت وعم محمد

خالد وهوا ماسك دراعه: اه يا بنت ال..

رغد راحت عند عم محمد: ازيك يا عم محمد عامل ايه

محمد بضحك: الحمد لله يا هطلة وانتى

رغد: بخير الحمد لله أسفة مكنتش خدت بالى منك والله

محمد: ولا يهمك رايحين فين بقا

رغد: دار الأيتام

رغد راحت عند ستها وباست إيدها وحضنتها

وليد: انت مش واخد رقاصة هه لو رجعتها تمانية هزعلك هوا ترجعها هنا سبعة ونص وكدة كتير كمان

رغد بصتله شوية وقالت: بص خلاص انا غيرت رأيي يا وليد مش هروح
هوا ايه اللى نص ساعة ده اصلا مسافة السكة نص ساعة
ده الساعة أصلا سبعة وتلت