تقابل يامن و امينه و لكن كلا منهما بعربته
هبط لها و ذهب لسيارتها ، رأته يقترب منها حتى انزلت زجاج السياره
يامن " انزلى "
امينه " نعم انزل فين ! "
يامن " يلا تعالى اركبي معايا احنا مش ضامنين الظروف ، اركني العربية فالجراش ده لحد ما نخلص و نيجي "
امينه " تمام "
ركبا سوياً و هو ينظر لها بحب ناسياً ما سيواجههم بعد قليل
لا تعرف امينه بالطبع مرض اختها و فقدانها الكلام ..
امينه " ممكن تسرع شوية و لا تجبني اسوق انا "
يامن " نعم تسوقي انت ده ايه شايفاني نادية قدامك و لا ايه ما تظبطي الكلام " انهي جملته و هو يسرع بالسياره لدرجة ان صرخت هى بفزغ " يخربيتك هتموتناااا انت بتعمل ايييه هدي السرعااااه "
يامن " لا براحتى"
بعد قليل هدء السرعه بسبب رعبها و كثرة السيارات حتي لا تصاب مزح معها ليخرجها من المود
يامن بمزاح " بس انتِ مناخيرك عامله كده ليه يا امينه "
امينه بإستغراب " مالها بقي ان شاء الله "
يامن " قمر "
امينه " اممم اعتبرها تريقة ولا بجد و معاكسه "
يامن " لا بجد و كل حاجه فيكي قمر مش مناخيرك بس "
امينه " غريبة ! انت اول واحد تقولى مناخيرى حلوة ، كل اهلى فالبيت و صحابي بيتريقوا عليها بس عارف انا بقيت متصالحه مع عيوبي جدا "
يامن باستغراب " عيوب اي يا بنتي ، ده انتِ الله اكبر عليكي قمر "
امينه بضحكه " بجد مش عارفه اقولك ايه يا يامن طلعتنى من المود بس فعلا دي حقيقه فيه كتير بيتريقوا على مناخيرى و كل انسان كده مش انا بس ، مفيش انسان كامل
عندك مثلا اروى جوده قمر اهي و كل حاجه و بردو مسلمتش من تنمر الناس ، ناس كتير اتريقوا على السلوليت اللى فـ رجليها لما كانت لابسه قصير "
يامن بضحكه " و اروي جوده تيجي اي قصاد جمالك "
امينه " متكسفنيش بقي سيبني اكمل كلامى
المهم استضافوها فى لقاء تبع برنامج و سألوها بتتعامل ازاى مع عيوبها و التنمر اللى اتعرضتله و ده كان ردها و حقيقي ده الطف رد شوفته فى حياتي ، استني هوريك الفيديو اهو شوف بتقول ايه
« انا زيي زي اي بني ادم تاني معنديش الثقه الزايدة فى نفسي دي مش بشوف نفسي احلى واحده عارفه عيوبي و متصالحه معاها و لو ده حد معتبرها عيب اصلا ممكن اكون انا شايفه ان مناخيرى طويلة فيه ناس بتقولى لا ده كاركتر عندك متعمليهاش ف خلاص بقيت متصالحه مع شكلى زى ما انا ، عارفه انى المفروض العب رياضة بس مش بلعب رياضه ف نتيجتها ان جسمي فيه سلوليت . انا تمام مع الموضوع هما اللى مش تمام . كانت المشكله بالنسبالى ان هما استعملوا صورتى من غير ما يستأذنونى انا و زميلة ليا و فكرة ان مين قالك ان انا متضايقه . طب ابعتلى رساله شخصياً و قولى لو انت مضايقه هبعتلك الكريم ده .ف الناس زعلت من حاجه فى وقت التيك توك و الانستجرام كل حاجه بتبقي عامل فلتر انا مؤخراً بقيت بطلب حتي من المصورين لما يبعتولى اي صور اقولهم بعد اذنكو مش عايزة اي فوتوشوب فيها اخرهم يظبطو الاصاءه يفتحوها او يغمقوها بس انا مش عايزة اتعود ان عنيا تبقي كبيرة اوى او مناخيرى صغيرة او بوقى عامل كدة و جسمى المفروض يبقي عامل كده لا ده مش طبيعى دى حاجه زى العرايس المصنعه . كل بنى آدم ليه شكل مختلف و هى دى الكراكتر و الهوية بتاعته اللى بتخليه حلو .روحه الحلوة ، ثقافته ،طريقته مع الناس . ياما شوفنا ناس جميلة الشكل قميئة الشخصية ( على رأي محمد هنيدي ياما ناس لابسه بس جليلة الربايه ) ..مقدرش حتى اقول العكس و مين حط معايير الجمال دى . فيه ناس لا انت مش من حقك تشاور على حد و تقول ده فيه عيب ده يعتبر تنمر او بولينج على الانترنت و فيه ناس كتير بتعاني من الموضوع ده بالذات مثلا الاطفال اللى ابتدو من سن بدرى و هما فى المدرسه يبقي معاهم موبايل او انستجرام و سوشيال ميديا و الحجات دى ممكن اصحابهم يتنمرو عليهم . ربنا عمره ما بيخلق حد غلط و لا حاجه غلط و كل فولو و ليها كيال و انا الحمد لله متهزتش من ده بس يمكن لو كان الكلام ده اتقالى من سنتين تلاته كان ممكن بجد يكسرني »
YOU ARE READING
راقصة على حافة الموت
Actionكانت الليلة الأصعب على الاطلاق ؛ لأنها ستذهب لهذه المهمه بمفردها مع واحدً من الضباط فقط . لم تنم من كثرة التفكير ، ما تعرضت له جعلها تقف بقوة غير معهوده على الأطلاق تنظر لذاتها بالمرآه وتحدثها هل تتذكرى حينما رفض والدك هذه المهنة ؟ هل تتذكرى شماتة...
