Episode - 19💫
စိမ်းမရောက်ချင်ဆုံးအချိန်ကိုရောက်လာခဲ့သည်။သူမသည်ရုံးခန်းမှထွက်လာပြီး မသူဇာတို့စားပွဲတွင်ထိုင်နေသောစိမ်းအနားကိုလာကာ -"စိမ်း အန်တီမြတ်တို့ဆောက်လက်စ siteကိုခဏသွားရမယ်"
"လာ သွားကြစို့"
"ဟုတ်ကဲ့ အန်တီမြတ်"
အသင့်စောင့်နေသောကားပေါ်သို့သူမနှင့်အတူစီးနင်းလိုက်ပါလာသောစိမ်းမှာ ရတက်မအေးဖြစ်နေ၍ မျက်လုံးများကတောင်ကြည့်မြောက်ကြည့်နှင့်အိန္ဒြေမရတော့ပေ။ထိုအခါ သူမက -
"စိမ်း သမီးဘာဖြစ်နေတာလဲ နေမကောင်းဘူးလား မှန်းစမ်း"
ဟုပြောပြောဆိုဆိုစိမ်းနဖူးလေးကိုသူမလက်လေးဖြင့်စမ်းလိုက်ပြီး -
"အွန်း အဖျားလည်းမရှိပါဘူး"
"စိတ်ညစ်စရာတစ်ခုခုရှိလို့လား စိမ်း"
"မဟုတ်ပါဘူး အန်တီမြတ်"
"စိမ်းဗိုက်ဆာနေလို့ပါ"
ဟုလိမ်ပြောလိုက်ရာ သူမက -"ဪ ဒါဆိုအပြန်ကျရင်အပြင်မှာတစ်ခါတည်း၀င်စားကြတာပေါ့"
"ဟုတ် အန်တီမြတ်"
ဟုဆိုကာသူမရင်တွင်းမှအပူကိုအန်တီမြတ်မသိစေလို။ထို့ကြောင့်မုသားဖြူတို့ဖြင့် လိမ်ညာခဲ့သည်။စိမ်းသည်ကားမှန်မှတစ်ဆင့်ကြည့်ရင်း တွေးနေသည်မှာ -
"မြတ်ကို စိုးရိမ်နေတာ မြတ်ရေ"
"မြတ်ကိုစိမ်းအဆုံးစွန်ထိကာကွယ်မယ် စိမ်းရှိလျက်နဲ့မြတ်ကိုဘယ်သူမှလက်ဖျားနဲ့တောင်မထိစေရဘူး"
"ဘာတွေပဲဖြစ်နေနေ မြတ်ရယ်စိမ်းအနားမှာပဲနေပေးပါ"
"စိမ်းကမြတ်မရှိရင်အဟုတ်သေမှာ "
"မြတ်အတွက်ဆို စိမ်းဘာပဲပေးဆပ်ရပေးဆပ်ရကျေကျေနပ်နပ်ကြီးပေးလိုက်မယ် မြတ်"
မြတ်ကိုဆုံးရှုံးရမှာကြောက်တဲ့စိတ်ကတလမ်းလုံးနှိပ်စက်ကာနေတော့သည်။ထိုစဉ်ကားဆရာက FMဖွင့်ထားရာ လာနေသော သီချင်းက -
"ရှေ့ဆက်ဖို့မင်းကအင်အားပေါ့ ငါ့ဘ၀အတွက်မင်းမရှိရင်မဖြစ်လို့ ငါ့နံဘေးနားမှာ နင်တစ်ယောက်တည်းသာအနားလည်နိုင်ဆုံးသူ ခဏဖြစ်ဖြစ်အနားကနင်ထွက်သွားခဲ့ရင် မခံနိုင်ပါဘူး ငါ့နှလုံးသားလေး ငိုမိမယ် ရင်ထဲမှာခံစားရတယ် နင်ထွက်မသွားပါနဲ့
အရိပ်တစ်ခုလိုနေပါမယ် မင်းအနားမှာနေရရင် ဘာမှမလိုအပ်တော့ပါ မတောင့်တတော့ပါ အရာရာဟာပြီးပြည့်စုံ ဘ၀ရဲ့ဒဏ်တွေခါးလည်း တို့နှစ်ယောက်အတူလက်တွဲကာ ရင်ဆိုင်ဖို့အားများပြည့် မင်းဘေးနားရှိရင် ဘယ်လိုအရာတွေတားဆီးပါစေ ရှေ့ဆက်မှာပါ"
YOU ARE READING
Guardian of the queen(Completed)
Mystery / ThrillerAge gap 🏳️🌈 (Unicode + Zaw gyi)