Episode -10💫
စိမ်းလည်းညကအိပ်ကောင်းကောင်းနဲ့အပျော်လွန်ပြီးအိပ်လိုက်တာ နောက်ကျမှသာနိုးတော့သည်။စိမ်းနိုး၍အောက်ထပ်ဆင်းအလာ ဒေါ်၀င်းနှင့်အတူအလုပ်ရှုပ်နေသောသူမကိုလှမ်းမြင်ရသည်။
" ဒေါ်၀င်းရေ ကလေးတွေလာရင်အဆင်မပြေတာမကြားချင်ဘူးနော် သူတို့လိုအပ်တာလုပ်ပေးလိုက်နော်"
"ဟုတ်ကဲ့ပါ မြတ်ရဲ့ စိတ်ချ"
"အအေးဘူးတွေ ice-creamတွေ အသီးတွေရောရေခဲသေတ္တာထဲထည့်ထားပြီးပြီလား"
"သေချာထည့်ပြီးပါပြီ မြတ်ရဲ့"
"အင်းဒါဆိုလည်းပြီးရော"
ဟူ၍သူမထမင်းစားခန်းထဲကထွက်အလာ လှေကားရင်းတွင်စိမ်းနှင့်ဆုံလေသည်။စိမ်းက -
"အန်တီမြတ်ရယ် ဒါတွေစိမ်းလုပ်လည်းရပါတယ်"
"အန်တီမြတ်ကိုယ်တိုင်လုပ်နေတော့အားနာစရာ"
"လာပြန်ပြီလား ဒီအားနာတာကြီး"
"အားနာစရာမလိုပါဘူး စိမ်းလေးသူငယ်ချင်းတွေလာလည်တဲ့အခါ ဟာ.....ဒီအိမ်ကပျော်ဖို့ကောင်းလိုက်တာ နောက်ထပ်လာချင်လိုက်တာလို့ပဲကြားချင်တာ ဒီအိမ်ကဆက်ဆံရေးမကောင်းဖူး စိတ်ညစ်စရာကြီးလို့မကြားချင်လို့"
"ဟုတ်ကဲ့ပါ အန်တီမြတ်သဘော"
ဟုဆိုကာထမင်းစားခန်းထို့စိမ်း၀င်လာခဲ့သည်။မနက်စာစားရင်းအန်တီမြတ်အကြောင်းပဲစဉ်းစားနေမိသည်။အန်တီမြတ်ကဒီလိုပဲစေ့စပ်သေချာပြီးအရာရာကိုထောင့်စေ့အောင်လုပ်တတ်တဲ့အမျိုးသမီးလား။ဘာပဲဖြစ်ဖြစ်အန်တီမြတ်အခုလိုဖြစ်နေခြင်းကိုတော့စိမ်းပျော်သည်။
နေ့လည်ခင်းလောက်တွင်ကိုတိုးနှင့်ချမ်းချမ်းရောက်လာခဲ့သည်။နှစ်ယောက်လုံးမှာအိမ်ကြီးထဲသို့၀င်လာလာချင်းပါးစပ်အဟောင်းသားနှင့်၀င်လာပြီး ချီးမွန်းခန်းကဖွင့်လို့မပြီး။သူတို့အတွက်သီးသန့်နေရာလေးကိုစိမ်းကဥယျာဉ်လေးထဲ၌ စားပွဲကုလားထိုင်အကျအနဖြင့်စီစဉ်ပေးထားလေရာ နှစ်ယောက်လုံးသဘောကျနေတော့သည်။မုန့်စားလိုက် လေပေါလိုက် ရယ်လိုက်နှင့်စိမ်းတို့သုံးယောက်အသံသည် ဥယျာဉ်လေးတစ်ခုလုံးကိုလွှမ်းမိုးထားသည်။
KAMU SEDANG MEMBACA
Guardian of the queen(Completed)
Misteri / ThrillerAge gap 🏳️🌈 (Unicode + Zaw gyi)
