صباح السعادة والامل
- يجب عليك أن تدفع ثمن ڪل شيء في هذا ﭑلعالم، بطريقـةة أو بأُخرى〥يوجد شيء مجاني إلا نعمۿ اللّٰـة🖤.
نجمة : من صرت زوجته لمحمد رسمياً
جان فد شي بداخلي حلو ومطمئن
محمد : جوعانه
نجمة : يي والله ميته جوع
محمد : تخسى الجوع حبيبتي هسه اجيبلج اكل
نجمة : محمد كعد يحجي ويا الرسبشن على مود الاكل
واني دخلت للحمام سبحت
ومرتين لبست سيت النوم ورجعت نزعته
لان جان كلش فاضح وعمتي ام محمد. هي الي حضرت الجنطه
بالاخير لبسته وطلعت
واني انزل بي بالكي يطول شويه
محمد : اويلييييييي على گلبي
نجمة : خجلت صرت حمرة من الخجل
محمد : شنو رئيج نعوف الاكل ونلعب
نجمة : عليك الله اريد اكل والله جوعانه
محمد : تمام تعالي اكل الليل طويل
نجمة : كعدنا ناكل وتسولف ونضحك
وهو كل شويه يتحارش بيه
بالاخير جفلتي
محمد : يوووو نسيت امي
نجمة : شبيها عمه
محمد : هسه دقيقه
نجمة : كام جاب التلفون واتصل على عمتي
محمد : الو هاا يمه
ام محمد : هاا يمه بشر
محمد : يمه اخذتها النجمة
ام محمد : كلللليييش الف الصلاة والسلام عليك يا حبيب الله محمد
مبروك حبيبي وليدي منك المال ومنها الجهال
محمد : تسلمين يالغاليه
الله يبارك بيج حبيبتي
ام محمد : يمه نجمة شلونها خما متأذيه متوجعه
محمد : لاا يمه كل شي مابيه
نجمة : خجلت كلش من كلام محمد وعمتي
ام محمد : الحمدلله حبيبي يلاا اخذ راحت
تصبح على الخير
محمد : وانت بخير يالغاليه
امي كالتلي من تاخذ نجمة خابرني
نجمة : عبالي بيك شي
محمد : لا مااريد امي اضل بقلق
يلاا هسه خلينا انام
نجمة : كمت لملمت الاكل خليته بالثلاجه
ورحت للجربايه
شفت محمد كاعد يباوع على التلفون
اني كلش خجلت اول مرة انام يم شخص ومااعرف شلون اصرف
محمد : تعالي حبيبتي يمي
نجمة : رحت يمه ردت انام وكام يتحارش بيه
لو يخلي رجليه اطخ رجلي
لو يخلي ايدة على خصري
بالاخير صار فوكاية
محمد عليك الله عوفني
محمد : شنووو
نجمة : والله نعسانه اريد انام
محمد : عود تحجين صدك
نجمة : ضل يبوس بيه من شفتي واني بطني
كامت توجعني فدفعته على كيف
محمد عوفني
محمد : شبيج يمعودة
نجمة : ردت ادفعه مرة ثانيه واذكرت كلام نورس
من كالتلي اذا الزوجه منعت زوجها ينام وياها الملائكة تلعنها
واني ماريد الملائكة تلعني فخليته على راحته
صح تعبانه وميته نعس و موجوعة بس مااردت الملائكة تلعني
خلص محمد وجرني الحضنه ونام
واني على دفو حضنه نمت ويا
كعدت على شي ثكيل على بطني
وبطني كاعدة توجعني من ورى هذا الثكل
فتحت عيوني ولكيت ايد محمد كلها على بطني
اريد اوخر ايده ماتتوخر ثكيله
واني بطني توجعني واباوع على الساعه جانت ب 11 الصبح
حجيت بهدوء محمد عفيه وخر ايدك
محمد عفيه اكعد
محمد : اممم
نجمة : بس وخر ايدك
محمد : خليني نايم
نجمة : ورانا طريق لازم نرجع للبيت ساعه 11
محمد : متخلين الواحد ينام مرتاح
نجمة : كام محمد ودخل للحمام
واني كمت لملمت اغراضنا وحضرت ملابسي
وملابس محمد
طلع محمد من الحمام واني دخلت سبحت
وبدلت ملابسي لبست قفطان ابيض وبي تطريز ذهبي
عمتي مخليته بالجنطة
وخليت مكياج ولفيت شالي
محمد : هااي شنو
نجمة : شنو
محمد : شنو هذا المكياج
نجمة : ممخليه بس حمرة وكحله
محمد : برى الغرفه مااكو لا حمرة ولا كحله ممنوع
يلااا ادخلي امسحيهن
نجمة : مسحت مكياجي واني ضايجه من تصرفه
طلعنا من الفندق ورحنا للبيت
الطريق كلش بعيد
لان محمد حاجز فندق بعيد على الفلوجة
يكول احسن فندق
صح حلو وترتيبه جان كلش نازك ومريح والخدمات بي تمام
بس بعيد عن الفلوجة
طلعت روحي يلاا وصلنا
نزلنا للبيت
وعمتي ومراد وميثم اخوان محمد تلكونه يسلمون علينه
وميثم ذبح الطلي من دخلنا للبيت
وعمتي والبنات يهوسن ويهلهلن ويصفكن
دخلنا للبيت ولكينه اكو خطار
محمد راح ويا الشباب للربعه
واني بقيت ويا البنات وعمتي نسولف ويا الخطار
صار موعد الغدة
ام محمد : يمة نجمة اصعدي الغرفتج غيري ملابسج علمود تاكلين
نجمة : حاظر عمه
صعدت الغرفتي وجانت اول مرة اشوفها
كلش حلووة واثاثها اجنن والعطر مالها يرد الروح
جانت الغرفه بيها حمام
فتحت الكنتور ملابسي مصفطه بترتيب
اخذت فستان بسيط
غيرت ملابسي وخليت بس كحله
وفكيت شعري من ردت اطلع دخل محمد
محمد : هااي وين نازله هيج
نجمة : ليش بيه
محمد : شنووو شبيج شكووو فاتحة شعرج وملابسه حجاااب وشكوو اصلاً مخليه كحله
نجمة :كلها نسوان
محمد :شنوو كلها نسوان ولد عمي موجودين واخواني هم موجودين
نجمة : ماادري بيهم موجودين
من كلتلك هيج لزم ايدي قوي ونترها
محمد :هذا الاستهار ماااريدة فهمتي لو لااااا
نجمة : مااحجيت شي بس نهضمت وهزيت راسي بااي
نزلت جوة واني الدمعه كل شويه تريد تنزل من عيني
دخلت للمطبخ شفت زوجه ميثم اسمها بنين وزوجه مراد اسمها شهد
بنين جانت كلش حبابه وبشوشه وتضحك وسولف ويايه
حتى خوات محمد منار ومرام
بس زوجة مراد شهد
تباوعلي بالعين الصغيرة
وتحجي ويايه من ورى خشمها
مادري شبيها وليش هيج تتصرف
بس مااهتميت ومااخليت ابالي
لان اني مااريد مشاكل اريد اعيش حياتي ويا محمد
بسعادة بعيد عن المشاكل لان تعبت منها
صبوا الاكل للزلم بالربعه
واحنا النسوان صبولنا بالربعه الداخليه
الاكل يجنن ولا اطيب من عنده
جانوا مسوين دليميه ومركة حمرة وخضرة وطرشي
ولبن شرب
كعدت اكل وياهم
من خلصوا الاكل ردت اشيل وياهم الماسف
بس بنين ماقبلت
بنين : بعدج عروسه عود من تطلع السبعه مالتج نكرب عليج
نجمة :خلي اساعدكم
بنين :يمعودة لاحكة على التنظيف وغسل الماعين
نجمة : حبيتها البنين كلش
صبوا الجايات وكعدن النسوان يسولفن
وكل شويه وحدة سأله سؤال شكل
ساعه انتي مو صغيرة ليش اهلج زوجوج
وساعه انتي شلون تعرفتي على محمد
وساعه يعني انتي مااخذتي محمد على علاقه
وساعه شعجب اهلج مااجوي من الصبح
تعبت من الاسأله وتعبت من تدخلهن
بيها التحجي بطريقه محترمة وبيها التحجي من ورى خشمها
ولازم اجاوب بطريقه حلوة لان كلهن عمات محمد وخالاته
قابل عمات محمد عبالك جاايات على عمه عينهن
مطاايقاتني ابداً
لليل يالا راحوا ودخلوا الولد وعمي
بس عمي ماايحجي ويايه ولا يباوع بعيني
حتى مباركلي
ضلوا الشباب يحجون ويسولفون واني مقهورة من محمد ومن عمي
مااكدرت اصعد الغرفتي لان كلهم كااعدين
انتظرتهم لحد مااينامون
من صارت الساعة 12يلاا دخل عمي للغرفه مالته
واحنا كل واحد اخذ مرته وصعد
جانت غرف الولد فوك
وغرف البنات جوة
دخل محمد قبلي للغرفه
وبسرعه دخل للحمام
اني طلعتله ملابسه وطلعت اليه ملابس
بس طلع من الحمام دخلت غيرت ملابسي وطلعت
لكيته مبدل وكاعد يباوع تلفزيون اني مهتميت ومااحجيت ويا شي
بس احسه يريد يحجي
بالاخير رحت اريد انام
محمد : اكعدي مااكو نوم
نجمة :مجاوبنه
درت ظهري
محمد : انييي مووو احجييي ويااااج
نجمة : عاندت وضليت نايمة
مااحسيت غير انجريت من ايدي و وكفني كدامه يعيط
محمد : من احجييييييي ويااااج موووو تجاااهليني
انييييي مو زعطوط كدامج
نجمة : كااافي تعيط علييييه
اني عليت صوتي عليه
مااحسيت غير راشدي وكعني بالكاع
هوو راشدي وهو عيوني كامت تنزل دموع عشرة عشرة
محمد : هذا راشدي خلي كدام عيونج بكل مرة تجاهليني وتعلين صوتج عليه
نجمة : عافني بنفس مكاني
وهو راح طفى الضوة ونام
هذا الراشدي جان اول راشدي اخذه من محمد
هذا الراشدي جان بدايه حياتي الزوجيه
——————————
هلاو كيكاتي
كولوا ممداريتكم
بس صدكوا مو بقصدي اتأخر عليكم ابداً
لاتنسون النجمة والتعليقات الحلوة
احبكم كومات ❤️
