صباح الحب والامان 💕
نجمة : تفاجئت من كالتلي بنين بشرى تريدني
وشجابهه عليه وليش اجتي
لبست شالي ونزلت الدرج
بهاي اللحظه ماا ادري شنو الاحساس الي صابني
نوع من الخوف ماادري ليش لحد هاي اللحظه الي اني بيها اخاف من بشرى
انزل درجه واصعد درجه اخاف انزل
الشي الي عيشتني يا هاي الانسانه صعب على بنيه
بعمري تكدر تعيشه
فتحت باب الربعه ودخلت
الرجفه صارت بكلبي من شفتها
لابسه العبايه الاسلاميه وضعفانه
وكاعده تبجي
اول مشافتني اجتي تركض عليه
عبالي راح تضربني بسرعه خليت ايدي على وجهي وراسي
بس تفاجئت من حضنتني
وضلت تبجي وتشهك بالبجي
بشرى : ساامحيني نجمة
الله عليج ساامحيني
بداعت ايهم سامحيني
بغلى زوجج سامحيني اني ضلمتج
وعذبتج وماا خليت شي مااسويته بيج
بروح ابوج اني اعرفج تحبين ابوج
سامحيني ضميري كاعد يعذبني
نجمة : اني جمدت بمكاني حسيت عقلي مكاعد يستوعب الموقف ولا كاعد يستوعب الكلام
وليش هسه كاعدة تطلب مني المسامحه اصاير وياها
ام محمد : تعالي حبيبه ام حسين اكعدي وارتاحي
بشرى : ام ميثم كولي النجمة السامحني
ام محمد : والله شكلج يا حبيبه اني مااعرف شنو بيناتكم
واذا على نجمة ترى كلبها طيب اكيد مراح تقسي على امها
بشرى : يي ام ميثم نجمة كلبها طيب وابيض ماكو من عنده الله طلع حوبتها بيه
ام محمد : هسه اكعدي وارتاحي واني راح اطلع
وانتو احجوا وحدكم
بشرى :الله يخليج ويحفظك حبيبه
نجمة : طلعت عمتي وعافتني ويا بشرى واني الخوف اسلط كله بكلبي
بشرى : تعالي نجمة
نجمة : رحت كعدت يمها واباوع عليها تبجي
بشرى : رب العالمين طلع حوبتكم بيه
نجمة : ليش شصار
بشرى : انتي الوحيده الي تعرفين بمعاذ
نجمة : اذكرت القرف والقذارة الي جانت اسويها كدامي وشلون جابته الغرفتي علمود يخوفني
اسناني صكن من ورى الخوف
حسيت على ايد على ايدي جفلت بسرعه و وكفت
بشرى : لا لا لا تخافين الله ينتقم مني
بس اسمعيني
نجمة : رجعت كعدت
احجي شبيج
بشرى : معاذ الحقير طلع اكبر سافل كل هاي السنين جان يضحك عليه
قبل 9 اشهر اخذ مني فلوس على اساس ندخل اني ويا بشراكه ونشتري عمارة ورحنا اني ويا وشفناها ومكانها كلش حلو
انطيته 80 مليون على اساس هو يكمل الباقي
ضل كل هاي المده يجرجر ويماطل على باجر اروح للطابوا وعكبه اروح للطابوا
وطلع كله جذب ماخذ فلوسي ومشتري بيت الابنه ومزوجة
ومن حجيت ويا كالي انتي شوكت انطيتيني فلوس
مااذكر انتي مطيتني فلوس
روحت البيته على اساس احرك عليه كدام مرته وجهاله واكلهم هذا زوجي
ورحت وعيطت وصيحت يباوع عليه ويضحك
ويكلي شنواثباتج شوفته عقد السيد
طلع حتى عقد السيد مزيف
نجمة :كامت تلطم على وجهه قوي وتعيط
وتملخ بروحها
هسه انتي جايه عليه على شنوو
بشرى : ورى ايام من صارت سالفه معاذ كمت اتخربط واوكع واكول هاي من القهر والضيم الي اني بي
قبل اسبوع سائت حالتي ورحت للمستشفى اشوف وضعي شبي
والدكتور سوالي فحوصات
وطلعت عندي مرض خبيث بالدم
نجمة : شنووو
بشرى : ييي طلع بيه المرض الخبيث ومااكدر اتعالج
نجمة : ليش مااتكدرين اذا على الفلوس اندبرها
بشرى : لا مو على مود الفلوس
بس واصل المرض المرحله متقدمه وماايفيد وياها العلاج
كلي الدكتور حتى الكيمياوي مايفيدج بس مضيعه وقت وتعب
واني اليوم اجيت عليج علمود اسامحيني
نجمة سامحيني صيري احسن من ولد بطني الي ماقبلوا يسامحوني
نجمة : ليش ماقبلوا
بشرى : خابرت حسين ابني الوحيد المدلل مالتي وكلتله تعال ارجع من اربيل اني مريضه
يكلي انتي مااعفتي حياتج علمودنا تريديني اعوف حياتي على مودج
نجمة يكلي انتي خليتي بداخل كل واحد بينه غصه ماانكدر حتى نجاوز هاي الغصه
لج نجمة يكلي روحي خلي تفيدج الفلوس
وسد الخط وعاافني
نجمة :تبجي وتلطم وتشهك واني على بجيها كمت ابجي وياها
بشرى : ونورس رحت البيت عيالها وطلبت منها تجي وتعيش ويايه هي وزوجها وابنها
تكلي عوفيني عاايشه بالفكر واني كرامتي موجوده ومحافظه عليها احسن ماا اجي يمج وذليني
وذلين زوجي وابني
انتي فلوس دكتور منطيتيني وطردتيني من بيت ابوية
جايه هسه بعد ما تمرضتي تريديني اجي اعيش وياج واداريج
وانتي مداريتينا
ورحت على ملاك
هااي من سمعت بااسمي خلت الحارس مال بيتها ماايدخلني
ولا خلتني حتى اشووفها
وحتى مااخلتني اطلب منها السماح
نجمة : كلنا اذيتينا
حتى ابويه اذيتي
بشرى : اعرف والله بس ساامحوني
اريد اروح من هاي الدنيا وانتو مسامحيني
نجمة : اني عن نفسي مسامحتج والله يسامحج
بشرى : بعد كل الي سويته بيج اسامحيني
نجمة : تبقين فديوم من الايام جنت تسميج امي
بشرى : نجمة اني مااستاهل اسامحيني
جنتي امانه ابراهيم وماا حافظت على الامانه
خليتج يمي وسويتج خدامة اليه والنسوان اخوتي
اخذت املاكج وانتي جنتي يمي عايشه بفكر
ذليتج وردت اكسرج واخليهم يااخذون شرفج
انواع الضرب تحملتي مني
نجمة اني مااستاهل اسامحيني
نجمة :الله يسامحج
واني هم مسامحتج
ورى النقاش الي صار بيني وبين بشرى
اكتشفت الانسان جداً ضعيف
مهما توصل بي درجه العظمه والغرور
يجي يوم ويوكع
جنت اصفن على بشرى وجمالها وعنايتها ابشرتها وبرشاقتها واناقتها
وحتى اضافيرها
جانت قمه بالاناقه والترتيب
وحتى العمر ميبين عليها
جنت اكول بيني وبين نفسي كلها تكبر وتعجز
وبشرى تبقى مثل ماهي
قطار العمر يفوت من يمها ويعديها
بس اليوم من شفتها عبايتها بسيطه
اضافرها ممصبغات وماكو اصلاً اضافر
وجهه شاحب
وجايه تطلب السماح من اكثر انسانه اذتها
كلت عداله رب العالمين لازم تطلع
ولو بعد حين
وطلعت عداله رب العالمين بصحتها وبفلوسها وبكسره خاطرها وكسر گلبها
حتى حوبه حسين الي كسرت گلبه بالانسانه الي يحبها
رب العالمين كسر گلبها بمعاذ
الي جانت مستعده تخسر روحها وماتخسرة
ورى ما طلعت من عندي
خابرت خواتي
والي صفني بكلامهن
خصوصاً ملاك
ملاك : اني حتى لو تموت لا تكولولي ماتت
ولا تطلبون مني اوكف على قبرها واقرالها الفاتحة
وحتى البيتها ماا اريده ولا اوصله عسى احترك بنار ونفط
نورس : اني مااسامحها لحد الان موقفها يدك بكلبي
من رحتلها وطلبت منها فلوس علمود دكتور مااقبلت تنطيني وهي فلوس ابويه وبيت ابويه وطردتني من عنده
مااريد اشوفها
اني لو ماا عيالي وماريدهم يحجون عليه
جان طردتها مثل ما طردتني
ملاك : لعد اني الي انسى خلتني شهر كامل لا اكل ولا شرب وحطمت مستقبلي وزوجتني غصب عني الشايب
نجمة :ماا اعرف انطي الحق المن
لان كل شخص بينه اذته وخلصت غصات بكلبه
بس ارجع واكول تبقى ام
ومهما كان تبقى امهم
ومن اكللهم نبقى امكم
اعيطون عليه وينطوني الف سبب يخليني
اكول هما الحق وياهم
سارت الايام واني اتابع حاله بشرى من بعيد للبعيد
وطبعاً مخليه المحقق محمد هو الي يجيبلي اخبارها
وعلى كولته كلشي ممحصل منج
رجعت السالفه القصه
وشلون اقنع محمد اكتب القصه
محمودي حبيبي
محمد : حمودي وحبيبي
وراها كارثه
نجمة : هاي شبيك خليني احجي
محمد : احجي
نجمة : احم اني اريد اكتب قصتي
محمد : يي اكتبيها شكو بيها
نجمة : صدك تحجي
محمد : يي والله باجر من ارجع من الشغل اجيبلج دفتر واقلام ملونه واكعدي اكتبيها
نجمة :كلت بكلبي بعد هذا عباله اكتب قصتي بالدفتر
لا حبيبي ماقصدي بالدفتر
محمد : لعد وين تكتبيها
نجمة : كعدت كدامه وتربعت
باع حبيبي هذا اكو برنامج خاص للقصص
اسمه واتباد هو هناك اكتبه
محمد : يعني بس تكتبيها حالها حال الملاحضات
نجمة : لاا اخلي كاتبه تكتب قصتي وتنشرها
محمد : لا والله
نجمة : ييي والله
محمد : يي وشكد حلو من اشوف قصتنا منشورة والكل يقراها
نجمة : شفت شكد حلو هذا الاحساس
محمد :خايبه انتي ليش مااتنجبين احس
قصتج لاا تنكتب ولااا تنشر
مبقى عليه بس هاي السالفه
نجمة : شكو بيها كوومة بنات ينشرن قصصهن
محمد :واحنا شعلينه بيهن
وهاي كايم وعايفج
وراح اخذ ابني ويايه
لان شكله عقلج طاااك فيووزاته بهاي الليل
نجمة : اخذ ايهم وعافني وطلع
واني على كولته صدك طكن فيوزاتي
ضليت الليل كله انتظرة وماا دخل للغرفه
ادك عليه اول شي ينطيني رفض
بعدين قفل التلفون
لبست دشداشتي وخليت شالي
ونزلت كمت ادور عليه بالبيت
دخلت للربعه وشفته فارش دوشكين
ونايم ومنيم ايهم يمه
يخبلون بعد عيوني
ضليت اباوع عليهم طلعت الفجر واني اباوع عليهم
وهذا الحقير ايهم ولا كعد ولا فز
ليش من ينام يمي كل شويه كاعد وكاطع نومتي
بالاخير نعست صعدت الغرفتي ونمت
ضليت اللح ويا على حساب كتابه القصه
وهو قاافل ماايقبل تنكتب
لحد مايوم سويت خطتي
عدلت نفسي ورتبت الغرفه ونيمت ايهم يم منار
وسويت الجو رومانسي
وكلت لو اني لو انت يا محمد
دخل للغرفه انصدم بالوضع
وعيونه مبين عليها الفرحه
محمد : حبيبت الروح شهل جمال
نجمة : هذا الجمال كله الك
محمد : اروح فدوة الهذا اللسان الي ينكط عسل
شوو خلي اضوك العسل
نجمة : تقربلي محمد واخذني وياا العالمه
الي كله حب و رومانسيه وكلام يذوب القلب بيها
استسلمت اللمساته والدفو كلامة
والحبه وغرامه
محمد : يا الله شكد احبج
نجمة : اذا تحبني خليني انشر قصتي
محمد : منو يكتبلج ياها
نجمة : اكو بالي كاتبه هي اخليها تكتبلي
محمد : اذا مصره على قرارج اني موافق
نجمة : كمزت على حضنه وكمت ابوس بي
احبك احبك احبك
محمد : هههههههه لو اعرف هيج تفرحين جان من زمان وافقت
حبيبت الروح انتي
نجمة :وانت عمري
—————————
هلاو كيكاتي
لاتنسون النجمة والتعليقات الحلوة
احبكم كوومات ❤️
