صباح الورد الاصفر 🌻🌻
••••••••••••••••••
في الحياة لا يوجد لقاءات عبثية ، كل إنسان تصادفه
هو إما اختبار أو عقوبة أو هدية من السماء
؛؛؛؛؛؛؛؛؛؛؛؛؛؛؛؛؛؛؛؛؛
بشرى : شاء القدر وخلاني احبل مرة ثالثه
وطول فترة الحمل اني اسجد واركع
واطلب يصير عندي ولد
كل ضني من يصير عندي ولد راح يتغير قدري
او تخلي ابراهيم يصير زين ويايه
ضحكتلي الدنيا وجبت (حسن )ابني فرحه عمري وسنيني
ابراهيم صارت روحه بحسن متعلق بي ويحبه اكثر من نفسه
لو يطلب لبن العصفور ابراهيم يكله حاظر
وتأمر وتدلل
جان خير ابراهيم وعزة بس عليه وعلى حسن
واني حسرة عليه اطلب من عنده فلوس او اشتري ملابس
ومثل كل النسوان الي تسمع كلام امها
جيبي بعد طفل علمود تربطين ابراهيم بالجهال
خلفي بعد خلي ميندل دربه من ورى الجهال
جيبي ولد ثاني علمود تصيرين عزيزة عند ابراهيم
هذا كان كلام امي اليه
وسمعت كلامها جنت اريد بس ابراهيم اليه وفلوسه اصير بيدي جنت انانيه من ناحيه هذا الموضوع
اريد يصير عندي فلوس ليش خيرة الاهله والابني اريد اني هم يلوحني من هذا الخير
عمر حسن سنتين وهو مثل ابو المثل الي كال (نولد وبحلكة معقله ذهب )
قررت احبل مرة رابعه علمود اجيب ولد ثاني واصير عزيزه عند ابراهيم ويكوم ينطيني فلوس واشوف العز
فاتت ايام حملي وابراهيم وجودي وعدم وجودي بحياته واحد
واني اصبر روحي ونفسي وعقلي واكول يي من اجيب الولد الثاني اخليك تركض ورايه واذلك واذل اهلك وانتقم منكم كلكم
لكن نسيت رب العالم يسمع مافي القلوب
ويدري بالنوايا وشنو بداخل كل انسان
رب العالمين رزقني ببنيه ( ملاك )
بيوم ولادتي ب ملاك وكلولي انتي جبتي بنيه
دكيت ولطمت وسبيت وغلطت
وعيطت مااخليت شي مااسويته
دخل عليه ابراهيم للغرفه بالمستشفى
اخذ مني ملاك بلفتها بعدها بالكماط حتى مشايفتها ولا مرضعتها ولا حتى حاضنتها
ابراهيم : اني اكره البنات واكرهج هم وهاي البنيه مااريدها
راح اشمرها يم امج هي الي تحير بيها
بشرى : ماعارضت كلام ابراهيم لان جنت افكر هم ارجع احبل واجيب الولد
حياتي مثل النزاعات لكن نزاعات قائمة على حب التملك والانانيه وحب الذات
ردت بس امتلك فلوس ابراهيم
جنت اريد ارضي ابراهيم مو محبه بي ولا لان احبه واريده اليه لاا
جنت احاول ارضي ابراهيم علمود اتهنى بعزة وارجع مثل مااجنت بيت اهلي
نسيت السراب الي جنت اركض ورى يمكن بلحظه يروح
نسيت اطفالي الي كاعدة اضيعهم علمود انانيتي
صارت حرب الطائفية ،،
(حرب المأساه حرب الصرخات
حرب الظلم وسلب اروح ناس ابرياء
هذه الحرب اخذت اهواي اعزاز ماالهم اي ذنب غير هما عراقين
حرب الفتنه وشراره الدمار
حرب الاندساس يي
سنين والعراقين عايشين سوى بكل اطيافهم
سنه وشيعه ومسيح وكرد وصابئه
جانوا مثل البيت الواحد مثل الخليه الواحدة
لكن هذه الحرب دخلت قضت على هذا البيت وعلى هاي الخلية
•انت اسمك علي لازم تموت
•انت اسمك عمر لازم تموت
•انت مسيحي لازم تموت
•انت كردي لازم تموت
•انت صابئي لازم تموت
عشنا بحرب الخوف على اولادنا وابائنا واخوانا واهلنا وجيرانا
ونسينا احنا داخل نطاق بلد واحد يسمى العراق 💔)
بشرى : بحكم دوام ابراهيم كلنا جنا نخاف عليه
وماانكر اني هم جنت اخاف عليه
نخاف ينقتل او يطلع وماايرجع
هو شخصيته جانت تنفر اذا حجينه ويا وكلناله بطل من دوامك او اكعد بالبيت ولا تطلع
مجان يسمع كلامنه وجان يكول العمر واحد والروح وحده
بعز الحرب والدماء والقتل والتنقل من مكان المكان علمود ابراهيم جبت (نجمة )
والاول مرة اشوف ابراهيم هيج فرحان بيها
وصارت غلاتها بغلى حسن ويمكن اكثر
حتى هو الي سماها نجمة
رادها نجمة حياته الي اضوي طريقه
نجمة انولدت عيونها عسلي فاتح وعيون كبار
جان ابراهيم كل ماايشوفها يبوسها ويضمها الگلبة
ويكول هاي تشبه مرتي الثانيه اميرة
لان زوجته الثانيه الابراهيم ماتت
وابراهيم جان يحبها ويموت عليها
حتى جان يسميها اميرتي من كثر مايحبها
عمر نجمة اربع اشهر خال ابراهيم تمرض
وصل للموت
اجا ابن خال ابراهيم محمد
على ابراهيم وكاله
اريدك تجي ويايه ناخذ ابويه للمستشفى اخوتي ماايقبلون يجون ويايه
راح ابراهيم ويا محمد يودون خالهم للمستشفى
بالطريق لزموهم سيارة بيها ملثمين
جتفوهم وسألوا ابراهيم انت سني لو شيعي
ابراهيم : وشنو اليفرق
الملثم :احجي لا اقتلك
ابراهيم : اقتلني
محمد : تلاوى ابراهيم ويا الملثمين و واحد من الملثمين
جر الاسلاح و وجهه على ابراهيم ورمى عليه 6 طلقات
وكع ابراهيم بمكانه بسرعة مات والدم اطشر بكل مكان
مااكدرت حتى احجي او اعيط من الصدمة الي صارتلي
ضليت بس اباوع على ابراهيم شلون وكع بالكاع والكاع انملت بدمه
ماحسيت غير على واحد من الملثمين يوجه السلاح عليه
اني اشاهدت كلت راح اروح ويا ابراهيم واموت
الملثم : راح اعوفك تعيش علمود تنقل موتت هذا الواكع بالكاع الاهله
بس مراح انطيك جثته
محمد : خلوني اصعد بالسيارة واروح واعوف ابراهيم بالكاع واكع ودمه بكل مكان وافكر شلون راح اوصل خبر موت ابراهيم الاهله الامه والابو والاخوانا والخواته والمرته والجهاله
كلبي اشتعل نار اسوق بالسيارة وابجي بحركة وگلبي يتكطع على ابراهيم ،،
،،،،،مات ابراهيم ،،،،، 💔
،،،،،،،،،
حبيباتي لاتنسون النجمة وتعليقاتكم الجميلة ❤️
احبكم كومات ❤️
