مساء الورد الاصفر كيكاتي 🌻🌻
""""""""""""""""""""""
قمة القوة الآن هى أن تحافظ على قواك العقلية وسط جميع الضغوط النفسية من حولك .
"""""""""""""""""""""""
بشرى : اهلي خافوا من ابراهيم بحكم عملة
وجان الضابط الكل تخاف منه بالزمن السابق
واذا كال كلمة ينفذها
واهلي سمعوا كلام ابراهيم وجهزوني عروس خلال اسبوع
وجانت اول ليله بحياتي ويا ابراهيم عبارة عن خوف ورهبه وصراع ويا المجهول
ماجنت اعرف شنو ليلة عرس وشنو يصير بيها
ابراهيم هو الي علمني
وصرت زوجته بالشرع والقانون
صباحية عرسي مو مثل كل صباحية عروس
الي جنت اشوفه العروسة اول صباحيتها اهل زوجها يكونون فرحانين بيها
والي تريده يتنفذ
اني عكس كل عروس
اول صباحيتي لزمتني عمتي
ام ابراهيم : اسمعي بشرى لا عبالج تنسعدين ويا ابني
لااا والله الاا اشوفج نجوم الظهر واخليج تكرهين اليوم الي اجيتي بي للدنيا
بشرى : ليش اني شمسوية
ام ابراهيم : اني اكره امج واكرهج هم وراح اكرهج حياتج
بشرى : اني صاحبه اللسان وماااسكت
كتلها عود شوفيني شسوين
ام ابراهيم : ترادديني مووو دنتظري
بشرى : كامت عمتي تعيط ونزل ابراهيم على عياطها
ابراهيم : شكو يمة شبيج
ام ابراهيم : هااي مريتك اجيت اصبح عليها تكلي اني اكرهكم ودفعتني
بشرى : بعدني ما حاجيه كلمه
ولزمني ابراهيم موتني كتل حتى شعري كطعة تكطع
ومسح بيه الكاع حتى فشار كام يفشر عليه وعلى اهلي
ابراهيم : اني اعلمج يا بنت فخرية
ومن هذاك صار اسمي بنت فخرية الكل يسميني بنت فخرية
اسمي انمسح من اللسانهم
صعدت اركض الغرفتي ابجي وادعي عليهم وعلى اخوية مهدي وعلى كل شخص اسبب بهاي الزواجة
بس شيفيد الدعاء مايفيد شي
كامت تمشي الايام وتروح الايام واني البيت كله عليه
مثل الخدامة
خوات ابراهيم وامه كاعدات واني اكرب
واذا كعدت يكومن يعيطن يخلن ابراهيم يكتلني
واذا ابراهيم ماموجود هنا يلتمن عليه ويكتلني
عشت وياهم بااصعب الامور
دلال اهلي وابوية طلع من خشمي
كمت اتمنى الموت علمود اخلص منهم
فد يوم دخل ابراهيم عليه جنت واكفه اطبخ
ابراهيم : ادخلي نظفي الربعة
بشرى : نظيفة قبل شويه خلصت تنظيفها
ابراهيم : شنووو تعانديني كلتلج ادخلي نظفيها
بشرى : خفت لا يضربني دخلت للربعة
سويت روحي انظفها
ربع ساعة وطلعت صعدت اكول الابراهيم اني نظفت الربعة
وكفت يم باب غرفتي
واسمع اصوات
هاي الاصوات خلت كل جسمي ينفض صاعقه وصارت على راسي من سمعت هاي الاصوات
حتى دمعتي نزلت
اجيت افتح الباب
ام ابراهيم : وخري عن الباب لا تفتحيها
بشرى : شنو هاي الاصوات
ام ابراهيم : شنو كاعدة تغشمين نفسج
الي يسمعج يكول خطيه مااتعرف هاي الاصوات شنو
بس علمود احرك كلبج راح اكلج
زوجج جايب ضرتج للغرفه مالتج علمود ياخذ راحته
بشرى : تقربت اريد افتح الباب دفعتني عمتي
ام ابراهيم : وخري غادي لج
خلي ابني يرتاح
اني ماابيدي شي اسوي غير
اخلي ايدي على عيوني وابجي وادعي عليهم
كامت تمشي الايام واني اشوف ابراهيم كدامي يدخل زوجته الثانيه الغرفتي وياخذ راحته وياها
واني لازم اسكت ماااحجي شي
فاتت اشهر وهو كل يوم يجيبها المرته
لحد ماا حبلت اني
ابراهيم طار من الفرح الدنيا مااا لمته
ابراهيم : اسمعي بشرى اذا جبتي ولد لا اخليج اميرة زمانج
اطلعج بيت وحد وابطل كل اسوالفي وحتى زوجتي الثانيه اطلكها
بشرى : وصدك ابراهيم بكلامة فترت حملي من اسعد الايام الي عشتها وياا
جان طيب ومدللني دلال مو طبيعي وحتى امة وخواته ماايخليهن يحجن وياية
وليل ونهار هو يدعي يجي ولد
واني ليل ونهار ادعي يجيني ولد علمود اخلص من هذا العذاب
بس وين هذا الكلام
على كوله ابو المثل (المنحوس منحوس حتى لو علكوا على راسه فانوص )
والقدر خلاني اجيب ( نورس )
بجيت على حظي وعلى قسمتي
واناجي ربي ليش مقاسملي الفرحة
ام ابراهيم : هههههه فرحانه عبالها اجيب ولي العهد
تالي جبتيله بنيه
والله الا اخلي يرجع مرته الثانيه انتي خلفتج كلها بنات
بشرى : ضليت ابجي على كلام عمتي وكرهه واكيد ابراهيم راح يرجع مرته
ابراهيم : اني سويت الي عليه وكلتلج اذا جبتي ولد اعوف كل شي وعفت كل شي حتى مرتي الثانيه
وهاي انتي جبتي بنيه واني راح ارجع مرتي علمود اجيبلي الولد
بشرى : ومثل كل مرة ابراهيم يكون كد كلامة ورجع مرتة الثانيه ورجعت اشوفه كل يوم يدخلها كدامي الغرفتي
ورجعن خواته وامه يسوني خدامة
واني مااعرف شلون اداري نورس ولا اعرف شنو الاكل الصحي الي يفيدها كلشي مااعرف
ومن اسأل عمتي اجاوبني ديلا عيني الي يسمعج جايبه ولد شو هي بنيه
طلبت من ابراهيم يوديني الاهل اخلي امي تعلمني
وصدك وداني الاهلي
بس شفت حالتهم تعبانه
ابويه مريض واخواني كل واحد حاير بنفسه
وامي كاعده تلف كبه بكميه جبيرة
يمه هاي مو هواي شسوين بيهن
ام بشرى : ابيعهن للجوارين ونمشي امورنا الحمد لله
انتي ليش مكاعدة تجينه
بشرى : ميخلوني اجيكم يمه مشوفيني نجوم الظهر
ام بشرى : ليش خلي يجون يشوفون بنتهم مهدي معيشها اميرة
بشرى : ييي يمة طبعاً يحبها ويعيشها اميرة غير جابتله ولد مو مثل حظي جبت بنيه
ام بشرى : ييي وانتي شبيج متحبلين مره ثانيه وجيبيله الولد
بشرى : شلون يمه وهو حتى مرته الثانيه رجعها
ام بشرى : ميرجعها طبها مرض المهم انتي تحبلين
وجيبين الولد
بشرى : تنازلت عن كل شي حتى على كرامتي المهم احبل ويصير عندي ولد
كمت اتمنى احبل
اريد بس الولد
صار عمر نورس سنه وجان احبل
رجع ابراهيم على نفس وعدة الية
واني كمت اكوم واكعد ادعي يصير عندي ولد
وهل مرة رب العالمين استجاب دعائي
وصار عندي احمد
ابراهيم صارت روحة احمد
وصدك وفى بوعده وطلعني بيت وحد وخلالي الدنيا بكفى والعالم بكفى
سواني صدك اميرة
وارتاحيت من اعيالي وهمهم وخدمتهم
بس مثل مااكتلكم الي ماعندى حظ لا يتعب ولا يشكة
وشاء القدر واحمد يموت ومحد يعرف سبب موت احمد
الدنيا سودت بعيني
كرهت كل شي بحياتي من مات احمد
صارت عندي حاله من الهستيريه
اريد احبل مرة ثانيه
اريد ولد
اريد ولد
اريد ولد
هاي جانت كلماتي شكو واحد يكلي شلونج اكله اريد ولد
يحجون وياية اكللهم اريد ولد
المهم يصير عندي ولد
،،،،،،،،،،،،
لاتنسون النجمة والتعليقات الحلوة ❤️
احبكم
