صباح الحب والتفائل والاماني المحققه 📌
((وسلاماً علي من اصبحوا رجالا منذ صغرهم .))
نجمة :حالتي النفسية تأزمت من كعدة البيت
ومن الاشياء الي اشوفها بالبيت وتقهرني
حسيت حياتي ادمرت رغم اني هسه دخلت ال 15 سنة
كلشي مااشفت من حياتي
الي شفت بس العقاب على اتفه الاسباب
شفت البجي والقهر
شفت الجوع والحرمان
جان يومي يبدأ
اكعد من الصبح ولازم اكعد من الصبح
لان جدو وبيبي ام مهدي ينامون من وكت ويكعدون من الصبح
ولازم اني اكعد اسويلهم الريوك
وانظف البيت كله
وابدي اسوي الغدة
وصب الاكل للكل واغسل المواعين واغسل ملابس
كل شغل البيت عليه
لحد ماايوم من الايام اندكت باب البيت
وطلع جدو
دخل رجال وطلب مني اسوي جاي
واكفه اسوي الجاي
ودخلت امي للمطبخ
بشرى : منو دخل ابوية
نجمة :ماادري بس كلي سوي جاي
بشرى : مااشفتي
نجمة : لا ماشفته
بشرى : ماا مديتي راسج منا منا تباوعين على الرجال
نجمة : لا والله ماباوعت على احد
بشرى : خلي اشوف منو
نجمة : كمت مااهتم الكلامها والاسلوبها
وكفت اصب الجاي
وكمت اسمع عياط بالربعه
عفت الي بيدي ورح
شفت بيبي ام مهدي واكفة تسمع الكلام
نجمة : بيبي منو
ام مهدي : هذا عمج حارث وابن عمج
نجمة : صدك خلي ادخل اشوفهم
دخلت للربعة وشفت امي واكفه بوجه عمي حارث وعمي حارث واكف يعيط عليها
حارث : اسمعي بشرى بنتنا نريدها بكيفج هي
بشرى : ييي بكيفي مو هسه تذكروها
حارث : هو شنوو تذكروها الف مرة خابرتج وكلتلج رايدها الابني
بشرى : واني ماانطيها مو اتعب بيها وتالي تروح الكم
حارث : لاتخلينا نفتح المواضيع
نجمه بنت اخويه وانتي معليج بيها
بشرى : افتحهن للموتضيع واذا كدرت تثبت اثبت
حارث : مااكول غير حسبي الله عليج
وحقه بكل شي جان يسوي ابراهيم بيج
مينلام انتي وحده ظالمة
بشرى : اخوك لامحلل ولا موهوب والله يحركه بكبرة
حارث : تروحين فدوة النعاله على الاقل مات شهيد
مو مثلج مينعرف شلون راح تموتين وكون حرك وتعلعلين لحد متموتين
كوم ابني هاي وحده بس الله يكدرلها
نجمة : طلع عمي حارث وابنه واني مامفتهمه كلامة وشنو المواضيع الي يريد يفتحهن ويهدد امي بيهن
طلعت امي ورى عمي حارث تعد وتغلط وتفشر عليه
ومن رجعت اول مااحجت
بشرى : يريدون يااخذوج واني مااستفاد شي منج
والله مثل مكال ابو المثل
(يامن تعب يامن شكى ويامن على الحاظر لكه )
ادفنج ومانطيج الهم
نجمة : كالت ادفنج ولزمتني من ركبتي تخنك بية بيد وحده والثانيه تضرب بيه راشديات
اختنكت واجت تطلع روحي
كمت اجر النفس بالقدرة
وارافس بين ايديها
وهي تضرب وتخنك
لحد ماا بيبي وخرتها عني
ام مهدي : راح تموووت وخري عن البنيه
بشرى : وموتتهم خلي تموت واخلص منها
ام مهدي : يي من تموت يجون علينا عمامها يدكونه
بشرى : منوو عمامها الكو...د لو ابوها الكو..د
منووو فهميني كلهم ساق...ن
نجمة : سمعت من امي فشار وغلط مسامعته ابداً
ومحد سلم من عدها حتى جدو ابو ابوية الي مات هم فشرت عليه
وابوية اخخخخ ياحرگة گلبي وناري المشتعلة
كل كلامها وغلطها عليه جان يلچم گلبي
بس شسوي مااكدر حتى احجي ولا اكدر اكللها لا تغلطين علية
اخاف تضربني
واني موو حمل ضربها والله مو حمل ضربها
من تضربني تضرب بحقد
اني اكثر وحده تنضرب منها
وعود هاي اني شايله البيت كله
على اتفه شي تضربني
واني ماعندي غير سجادتي وصلاتي وقرآني
ورى هذا اليوم تأثرت كلش وتمرضت
وكامت تضهر علية اشياء غريبة
مثل السمنه المفرطه جان وزني 55 صار 77
بطني منفوخة وتوجعني
وياهو الي يشوفني يكلي هاي ليش سمنانه
لحد مايوم كمت اعيط من بنطني وارافس من الوجع
اخذتني بيبي ام مهدي وامي للمستشفى
وبسرعة دخلوني الغرفه الكشف
اباوع على الدكتور يلزم بطني ويلزم رجلي
واول ميطخ اسفل بطني اعيط
الدكتور : دخلو المرافقين الي وياها
نجمة : دخلت امي وبيبي ام مهدي
ام مهدي : خير دكتور شبيها نجمة
الدكتور : اريد افهم انتو وينكم عنها هاا
بشرى : خير شبيها
الدكتور : الطفله جسمها كله مورم وصايرة عدها الزائدة وحالاً لازم تتحول عمليات
بشرى : ومن شنو اجتها الزائدة
الدكتور : انتي شصيرين منها
بشرى : امها
الدكتور : امها
معقولة مشوفين بنتج جسمها كاعد يورم
افتكرت الطفلة اهلها ميتين وماعدها احد
بشرى : اني عبالي كاعدة تسمن
الدكتور : هاي مو مال سمن هذا وررم
ولازم تتحول عمليه يرفعولها الزائدة
بشرى : يي حولوها عملية
الدكتور : هسه كلنا مشايفه حال بنتج
بس معقولة مشوفين حال المستشفى
لازم تروح البغداد اسوي العملية
لان معدات المستشفى والاجهزه كلها اخذوها الدواعش
ومانكدر نسوي عمليات بالمستشفى
نجمة : عافنا الدكتور وهو يهز بيدة على امي الي مامهتمه للموضوع ابداً
بشرى : من يومج شالعه گلبي خلفج ابيج الكو..د وراح اندفن بكبرة
نجمة : اني ماعندي بس البجي خايفه من العملية
وكلام امي الي يزوف الگلب ويقهر والله يقهر
ام مهدي : هسه عووفج من ابوها وحيري بالبنية
بشرى : كووليلي شسويلها يكلي وديها البغداد
واني ماااعندي فلوس التكسي الي يرجعنا للبيت
ام مهدي : طبعاً ماعندي اذا اني حايرة بروحج وبسوالفج
بشرى : يمه موو وكت كلامج ابداً
حليها للسالفه شلون هاي راح تموت
ام مهدي : ماعدنا غير جاسم
بشرى : يي وجاسم شلون يحب نجمة هو ومرته الحيه الصفرة تقوى
ام مهدي : اني اخابرة
معليج انتي واللسانج متفكي ويا
بشرى : عوذة اني احجي وياا هيج ناس
ام مهدي : يي هسه صار هيج ناس وهو سنين فلوسه ابختج وبخت سوالفج
بشرى : ييي خابري وخلصينا
نجمة : بيبي ام مهدي خابرت على خالي جاسم
وجان كلامة من ورى خشمة
جاسم : خير يمة اكيد اكو مشكله تخص بشرى وبناتها
ام مهدي : يمه بروح غاليك
هاي نجمة حتموت
جاسم : ياستار شبيها
ام مهدي : كالوا عدها الزائدة وراح تنفجر ويحتاجلها عملية بسرعة
بس ماايكدرون يسولها العمليه هنا بالفلوجة
لان المستشفى مابيها اجهزة
هذولي منعولين الصفحة الدواعش مااخذيهن
جاسم : فهمت يمه فهمت
ام مهدي : بروح الغالي بداعت جهالك
سويها الله معليك بهاي بشرى
جاسم : يمه الخاطرج هاي راح اسويها
اجري تكسي وكوليله البوابه بغداد
واني راح اوكفلج هناك
ام مهدي : الله يوفقك حبيبي
نجمة : سدت التلفون بيبي وامي كامت تعد
بشرى :هذا الطايح الحظ فرحان بنجماته الخالهن على جتفه هو نع..ل مايسوى يشمر عليه
وانتي شكو تكوليله معليك بشرى
تاج راسه بشرى
ام مهدي : دامج تاج راسه حلي موضوع هاي االكاعدة تبجي من الوجع وخلي يولي جاسم
بشرى : ماتت يم ابراهيم وخلصت
امشي خلي نطلع احسن
نجمة : اني ابجي من القهر واللوجع وهي الي هامها شلون بيبي كالت الخالو جاسم معليك بشرى
وتدعي على خالو جاسم بدعاوي ماانزل الله بها من سلطان
طلعوني من المستشفى ورحنا البغداد
واني الطريق كله الوب وروحي احسها راح تطلع
وكمت ادعي على نفسي بالموت علمود ارتاح من الوجع
وصلنا البوابه بغداد
وشفنا سيارة خالي وسيارة الحمايه مالتة
اخذونا بسيارة خالي
ودخلنا المستشفى مدينه الطب
وبحكم رتبة خالي جاسم
بسرعة كمللنا الاوراق وحجزلنا سرير
ودخلوني العمليات
وتبقى رهبه غرفه العمليات تخوف
حتى الوجع كمت مااحس بي من الخوف
وباردة الغرفه من برودتها اسناني كامن يطكن واحد بواحد
نيموني على السدية و واحد فوك راسي شكلي الكانونه وضرب بيها ابره وضل يحجي وياية
الدكتور :شسمج
نجمة :نجمة اسمي
الدكتور : شسمو ابوج
نجمة : ابراهيم
الدكتور : تحبي
نجمة :ي ي ا ح ب ة
بعدها مادريت بشي
رحت بعالم ثاني مااحس بشي
مثل الطايرة بالسما واشوف بس بياض
نمت
——————
اشكر شكو وحدة سألت عليه وعلى صحتي
وتحمدتولي بالسلامة
كلش فرحتوني جماعة الواتباد والانستا
ربي يوفقكم ويحفظم ويخليكم الية
كومات احبكم ❤️
لاتنسون النجمة والتعليقات الحلوة 😍
