صباح التفائل والامل 💕
نجمة : كعدت من النوم
اباوع محمد حاضني ونايم يمي
ضليت اباوع عليه شكد حلوات عيونه
والرموشه كلش حلوات
كمت من مكاني وكفت كدام المرايا
بعده البلاستر على صدري
ماكدر اسبح
غيرت ملابسي وخليت شال على راسي ونزلت
دخلت للمطبخ شفت عمي مخبوص والولد هم
واعصابهم محتركه
رحت كعدت يم بنين
شبيهم
بنين : هذا الطايح الحظ زوج تبارك يريد يسوي كعده
نجمة : على شنو
بنين :علمود سالفه تبارك
نجمة :وشراح يصير
بنين : راح يروح عمي واخوته والولد يحجون ويا
ونشوف وين تصفة ويا تبارك
نجمة : ردت احجي وعمي قاطعني
ابو محمد : عمو نجمة محمد وين
نجمة : نايم بالغرفه
ابو محمد :روحي كعدي خلي ينزل نحل هاي المشكله
نجمة : صعدت على كيفي
دخلت للغرفه شفته غاط بالنوم
رحت يمة وكعدته
محمد
حبيبي
محمد : اممم
نجمة : كوم اكعد دنيا صارت مغرب
محمد : عوفيني تعبان
نجمة : عمو يريدك
محمد: شيريد
نجمة : اباوعله كام من مكانه من كلتله عمو يريدك
يكول خلي يجي نحل سالفه زوج تبارك
محمد : شوكت نرتاح منهم دخيل الله
كومي حضريلي الحمام بين ما اصحصح
نجمة : كمت حظرت الحمام
دخل يسبح واني حضرتله ملابسه
بدل وطلع
ضلت سالفه زوج تبارك اكثر من اسبوع
خلال هاي الايام عمو والولد منشوفهم
يطلعون الصبح
يرجعون على الغدة يتغدون
ويرجعون يطلعون يجون بالليل تعبانين
ينامون
هاي الايام هيج كضت
فضت السالفه
من بعد شيخ عشيرة زوج تبارك معيط على الشايب
وكايله استحي على نفسك تمشي وصيح كتلوا ابني
ويااريته صدك ابن
هو بعد مصاير طفل
ومخزيهم وكايللهم ينهون هاي المهزله
وفضت هاي المشكله
بس عمي قبل ماايطلع من ديوانهم
كايللهم يكولون التبارك
ابو محمد : اسمعوني يااهل الخير
هذا زوج بنت اخويه موجود وهاي ولده وهاي عشيرته كلها موجودة
وهاي اخواني و ولدي وعشيرتي كلها
كلهم موجودين
اريد احجي كدام الكل
اني سنين وايام اداري واصرف على بنت اخويه
اخويه مات وعافها لحمة حمرة
صرتلها الاب
شتحتاج اكول حاظر والخاطر تراب اخويه
بس بيوم الي بنت اخويه توكعني بهيج سالفه
وتخليني بهيج موقف
وتتهمني وتتهم ولد بهيج اتهام باطل
اني بعد مااريدها
ولا اعترف بيها
وكولولها عمج ابو محمد بريئ منج اليوم الدين
واذا ضاكها الزمن لا تجي ولا دك بابي
يلاا كوموا
نجمة : ضل عمي ورى هذا الموقف ايام كئيب ومريض
ومن يحجون ويا
يكللهم صعبه عليه الي صار بيه
اني دخلت بشهر الرابع وبطني كبرت
ومحمد طاير بيها
عبالك اول مرة يشوف مرة حامل
شوكت ميشوفني يدنك يبوس بطني
لو من يطلع يبوسني ويدنك يبوس بطني ويطلع
كلش تعدلت نفسيتي ومن صارت علاقتي بمحمد حلوة
بس الي جان مضوجني سالفه
وهاي السالفه هي اهلي
عرفت نورس وملاك اني احتركت وخابرني
ويوميه يسألن عليه
حتى حسين اخويه هم خابرني
بيومها من خابرني حسين ادموعي تنزل عشرة عشرة
وهو يهون عليه
تلمست بكلامة الحنيه والحب المضموم
فرحت كلش بي
بس امي الي جانت منغصه عليه
الي مامخليه ملاك تجي وشوفني ولا حسين
وحتى نورس
ونفس السالفه مساومه ملاك على شرفها وسمعتها اذا تجي وزورني
وحسين مساومته تطودة من البيت وشوهه سمعته بالمنطقه
ونورس هاي المسكينه كايلتلها اجي لعيالج وافضحج
مخليتهم ميوصلوني
من سمعت هذا الكلام
انغثيت ونهضمت
واني تعلمت اذا انغث وانهضم من موضوع احلم
من نمت حلمت
اني بيتنا القديم
بس البيت كلش اظلم والظلام يموت خوف
وامشي وافتح بالبوب واعيط اريد اشوف اخواني لو امي
بس محد موجود البيت فارغ وظلم
لحد ماافتحت باب طلعت بيها امي كاعدة بالظلمة
وتضحك بكل صوتها
من علو صوتها يصير مثل الصدى
باوعت عليه وفتحت ايديها
واني من خوفي رحت اركض عليها
وشمرت نفسي بحضنها
ابجي من الخوف
بس هي دفعتني قوي وبعدتني من حضنها
بشرى : وخرري عني
نجمة : ماما اني خايفه ماما عليج الله خليني يمج
بشرى : اني مووو امج لااا تكولين ماما
نجمة : ابجي وافرفح بالحلم وهي تدفعني وتكلي اني مو امج وتضحك
فزيت من حلمي واني ابجي
يااارب شنو هذا الحلم
يارب رحمتك ارحمني راح افقد عقلي من ورى هذا الحلم
يارب شنو تفسيرة
وليش حلمت هيج حلم
ضليت ابجي والخوف اخذ گلبي وعقلي
خابرت على نورس
الو
نورس : هاا نجومة شو مخابرتني هيج وقت
نجمة : ضليت ابجي
نورس : لج شبيج منو ويااج كوليلي
نجمة : حلمت باامي
نورس: شبيها حتموت وكاعدة تبجين من هسه
نجمة : لا حلمت بيها تكلي اني مو امج
نورس : هااا شنو
نجمة : حسيت من كلام نورس اكو شي
نورس شبيج جفلتي من كلتلج هيج
نورس : هاا مو نصدمت من الحلم
نجمة : لاا اكو شي احجي شبيج
نورس :راح اروح اني هذا مرتضى كاعد يأشرلي
واذا خايفه من حلمج روحي الامي وهي تفسرة الج
يلاا باي حبيبتي
نجمة :تفاجئت من كلام نورس
شوو هاي عاافتني وراحت
وليش تكلي روحي الامي تفسرلج الحلم
ضلت كلمة نورس تاكل وتشرب ويايه
انتظرت محمد يجي علمود اكله ياخذني البيت
اهلي لان اريد اعرف ليش هيج حجت نورس
اجه محمد
واني عقلي مو يمي ابداً
اشتغل واحظر غراض محمد بدون كل عقل
محمد : نجمة شبيج
نجمة : هاا حبيبي صحتني
محمد : صارلي ساعة اكلج شبيج
نجمة : اريد اروح الاهلي
محمد : هم رجعنا على بيت اهلج
نجمة :محمد عليك الله خليني اروح
محمد : انسي اهلج انسيهم
نجمة : محمد هذولي اهلي
محمد : اذا تكوليلي خواتي واخويه هاي انتي
كاعدة تحجين ويا خواتج
وكاعدة تحجين ويا اخوج بعد شكوو
نجمة : محمد اريد اروح البيت اهلي علمود افهم موضوع
محمد : مووضوع شنو
نجمة : من اروح البيت اهلي وافهم من امي
اجي اكلك
محمد: كلتيلي او مااكتيلي
مااتروحين
نجمة : بداعت امك خليني اروح مااتأخر والله
انت اوكفلي بالباب
محمد : ييي مثل هذاك اليوم وتطلعيلي مزوركة
نجمة : لا هذا اخر يوم اروح بي البيت اهلي
هاي الكلمة الي كلتها طلعت من عندي بدون كل قصد
ولا تفكير
بس اكو شي بداخلي يكلي هذا اخر يوم تروحين البيت اهلج
ضليت اتوسل بمحمد
عجز من عندي ومن عنادي
واني استغليت موضوع حملي
وهو ماايكدر يضربني
فضليت ازن عليه لحد مااقبل
بدلت بسرعه وطلعت اركض
وصلنا البيت اهلي دكيت الباب طلعلي حسين
اول مااشفته
ضليت صافنه
هو سحبتي وحضني
ضليت ابجي بحضنه
مشتااقتلك والله
حسين : والله اني هم الله لا يوفق الي جان السبب
شخبارج
لج صايرة تخبلين على الحمل
نجمة : ييي راح اصير خال
حسين : الله يكومج بالسلامة حبيبتي
تعالي ادخلي
نجمة : دخلت ودخل ويايه حسين
دخلنا للمطبخ وشفت امي مثل مااهيه
العنايه بس الها وبس
يعني شكد ماا البنات يعتنن بنفسهن ماايوصلن الامي
رفعت راسها وشافتني
بشرى : خير يااطير
شجااابج هنااا
نجمة : اريد اعرف شغله
بشرى : خير شتعرفين
حسين : خلي تكعد بالاول وبعدين خليها تحجي
تعالي اكعدي نجمة واحجي
نجمة : كعدت وحسين جابلي مي وعصير
بشرى :احجي الي تريدين تحجي
نجمة : اني حلمت انتي تكوليلي اني مو امج
وخابرت على نورس وكامت تمتمت وكالتلي روحي الامي وهي تفهمج
شنو الشي الي لازم افهمه
حسين : نجمة حبيبتي ترى هو حلم
نجمة : اعرف والله ومامهتمه بس الي مهتمتله ليش نورس كالت هيج
حسين انت لو تسمع صوتها تتأكد اكو شي
حسين : هااي نورس غبيه تااخذين بكلامها
بشرى : لاا تحجي على اختك
حسين : نورس اختي ونجمة اختي ثنيناتهم خوواتي يمه
لا تفتحين السوالف القديمه
نجمة : اباوع على حسين يخزر باامي مثل الي يريد يسكتها
بشرى : مصيرها تعرف وهاااي ازوجت وخلصت منها
حسين : بس سالفه مو الزاميه ولازم تعرف
لو انتي بس تحبين اشوفين الي كدامج متعذب
بشرى : يييوخصوصاً نجمة
حسين: حررام عليج
وراح تطلع حوبتها
بشرى :وحوبتي شوو مااطلعت
حسين : شتريدين بعد هذاك هوو الي تكولين عذبج ناايم بالمكبرة
حتى مااتخلينا نترحمله
بشرى : وليش تترحمون الانسان دمر امكم
حسين : بس الي كاعدة تحجين عليه ابونا وانتي هم دمرتينا يعني اذا تموتين لازم مانترحملج
نجمة : كلامهم صار حدي وحسين يريد بس يخنكها
اول مرة اشوفه هيج
وكفت حديثهم
اريد اعرف شنو الشي المضموم
حسين : نجمة مو مهم
نجمة : خلي تحجي حسين عليك الله
علمود ارتاح
بشرى: خلي اكللها وهي طبها طب
نجمة : احجي
بشرى : انتي مو بنتي
ولا اني امج
حسين : حسبي الله ونعم الوكيل
نجمة : مافهمت شلون انتي مو امي
لعد امي منو
وهذولي منو
جنت أشر على حسين الي واكف والدمعة بعينه
وملاك الي واكفه باب المطبخ وتبجي
بشرى : هذولي اخوانج
نجمة : لعد شلون اني مو بنتج
بشرى : انتي بنت الكح.. اميرة
حسين : الانسانه مااااتت حرام تحجين عليها
بشرى : الكح... حلال الواحد يفشر عليها
نجمة : كااااااافي تتناكرون ارريد اعرف
كل شيييي وليش انيييي هناااا
حسين : احجيلها كل شي لاا ضمين عليها
وهاااي اني كااعدلج اخااف اجذبين عليها
بشرى : اسمعي لعد
من جبت ملاك ابوج تخبل مرادها واخذها وذبها يم امي
ردت احبل ورى ملاك علمود اجيب ولد ثاني
مااقبل ابراهيم
كال انتي خلفتج كلها بنات
اميرة جانت كل حياته الابراهيم
ليل ونهار يمها
واني حايرة بس ارضي علمود احبل منه واجيب الولد
بس هو مجان اصلاً يتقرب مني مكتفي بااميرة
لحد ماايوم دخل وبيدة طفله
هاي منو
ابراهيم : هااي نجمة
بشرى : بنت منو هاي
ابراهيم : بنتي
بشرى : بنتك من منووو
ابراهيم : من اميرة
بشرى :وليش جايبها هنااا
روح وديها الامها
اني كلتله هيج وهو كام يبجي
ويشهك
اول مرة بحياتي اشوف ابراهيم هيج
ابراهيم : اميرة مااتت عاافتني وراحت
جابت نجمة وماتت بالولادة
بشرى :وشتريد تريدني اربي بنت ضرتي لو شنو
ابراهيم : معليج بنجمة
الي يتقرب منها احرك اصله السابع جد
نجمة ممنوع واحد يتقربلها
هاااي نجمتي فهمتي لو لاااا
بشرى : اخذها وروح ليش جايبها هنااا
ابراهيم : هذا بيتي مووو بيتج من يصير بيتج عود الغي
واذا معاجبج وجود نجمه بالبيت اخذي اغراضج واطلعي الله وياااج
بشرى : ضليت كاعدة بالبيت لان وين اروح
والوضع تعبان فرد نوب
ضل ابراهيم يداري بنجمة
هو يشربها وهو ينيمها وهو يبدللها
صار الها الام والاب
وزرع حب جهالي النجمة
جان يكعدها بحضن نورس وبحضن حسين
وماايقبل اتقرب اني منها لحد ممات
من مات انتي بقيتي يمي
وكلت اسويج خدامه اليه والجهالي
حسين : نجمة مووو خدامه نجمة اختنه
ملاك : حرام عليج
شوفي الله شراح يسوي بيج
نجمة : امي تحجي واني دموعي اصب عشرة عشرة
هااي اني كضيت حياتي ادفع ثمن غلط امي وابويه
بدون كل كلام كمت من مكاني
وطلعت من البيت
امشي وصياح حسين وملاك ورايه يريدوني ارجع
بس على شنو ارجع
امي طلعت مو امي
واخواني كلهم يعرفون بهذا الشي ومحد حجالي
صعدت للسيارة
واني السكوت اخذ من حيلي
محمد يحجي ويايه واني مااسمعه
وصلنا للبيت وصعدت الغرفتي واني
مثل اللعبه الي تتحرك
لحد ماا حسيت واحد يجرني قووي ويضربني راشدي
ياالا حسيت بنفسي
محمد : لج شبييييييج
احجيييي
نجمة : من حسيت على نفسي كمت ابجي واحجي بصوت واضح
كلشيييي صار بيه جاااان انتقااااام
حيااااتي وعذااابي الي عشتهن انتقاااام
جاااانت تنتقم من امي وابويه بيه
جاااانت تأذيني لانن اشوفني اميررة
عيشتنيييي بجحيم علموددد تنتقم
اني حياااتي كلهااا غلط
اني ولادتي كلهاااا غلط
اني فكررر اني نحس
اني حتى من اجيت للدنيا موتت اغلى انسانه بحياتي
ضليت ابجي واللطم واعيط
فقدت السيطرة على نفسي
بالاخير محمد حضني قووي
علمود يمنعني من اللطم
محمد : بس اهدي حبيبتي
خلص لااتحجين شي
لاا يصير بيج شي
نجمة : ضليت بحضن محمد ابجي
لحد مااا سكن جسمي وهدئت روحي
بديت احجي بصورة واضحة
وسولفت لمحمد كل السالفه
محمد : وانتي زعلانه لان بشرى ماطلعت امج
نجمة : سنين واني اكللها ماما
وسنين وهي تعذب بيه
محمد : الله يجازيها
ولا شيلين هم اني امج واني ابوج واني اخوج واني اختج
واني كل عشيرتج
اعتبري امج اليوم ماتت
اعتبري بشرى اليوم ماتت
وانتي ماعندج ام
اني امج وداعتج اصيرلج ام
نجمة : حضنتة قوي
لو ماانت بحياتي جان اني انتهيت
محمد : ماادام محمد يشم الهوى نجمة راح تبقه
نجمة : من اليوم الي عرفت بالحقيقه مال بشرى
نسيت عندي اهل وهذاك البيت بعد ابداً مااوصلتله
بس خواتي واخويه دائماً احجي وياهم واتواصل وياهم
بس بشرى مااتت بالنسبه اليه
__________________
هلاو كيكاتي
لاتنسون النجمة والتعليقات الحلوة ❤️
احبكم كومات ❤️
