صباح التفائل والحب 😍
" لا شي يعود كالسابق
كن حذر قبل ان تكسر شيئاً جميلا ..👌
نجمة :من خلص محمد تلبيس الذهب
جابوا الكيكة
ضليت صافنه لان امي مااقبلت اجيب الكيكة
والي اكتشفته بعدين
امي مخابرة على ام محمد وكايلتلها الكيك عليكم
الكيكه كلش جانت حلوة ومبينا مال اعراس
اباوع على امي من شافت الكيكه ضلت تفر بيديها
قطعنا الكيك اني ومحمد و وكلني من الكيكة
واني هم وكلته
هاي الاجواء الي جنت اشوفها واني طفلة
شلون العريس يوكل عروسته
وشلون يشربها العصير
هسه اني عايشتها
ماجنت ابداً اتخيل نفسي اعيشها
يمكن بسبب امي مااجنت افكر بشي حلو
او بفارس الاحلام والفستان الابيض
ابداً مااجنت افكر بهاي الامور
صحيت من تفكيري على كلام ام محمد
ام محمد :كومي نجمة حبيبتي اركصي ويا محمد
نجمة : لا عمه ماريد
ام محمد : دكوومي يمعودة افرحي شوية
نجمة : ردت اجاوبها وامي كرصتني قووي من ايدي
بشرى : كومي اركصي لا اركعج بالنعال
نجمة : من خوفي كمت
ونورس طلعت اغنيه رومانسيه عبالي حبيبي
للفنانه اليسا
استحيت اخلي ايدي على جسم محمد
عكسه تماماً
هو ماتردد اللحظه يخلي ايدة على خصري ويسحبني عليه
من سحبني عليه لكيت روحي تلقائين خليت ايدي على صدرة
من اجتي ايدي على صدرة هو ابتسم
صارت لزمته الخصري قويه
نجمة :عفيه رخي ايدك كلش ضابها على خصري
محمد : ماارخيها عجبني خصرج
نجمة : ضليت اباوع عليه
محمد : شو ضايجة عبالك
نجمة : لا مابيه شي
ضليت بس اباوع عليه
انعزلت على العالم والنسوان
ومااجنت اسمع صوت الاغنيه
ولا جنت ادري اني كاعدة اركص صح لو غلط
ماافتهمت نظراتي لمحمد شنو هي
او شلون تفرزن
مااكو بس اباوع عليه
وهو يباوع عليه ويبتسم
احسه فرحان بيه
خلصت الاغنيه واجيت اركع المكاني
بس ام محمد كالت
ام محمد : محمد وليدي اخذ خطيبتك وروح للربعه الزلم طلعوا
محمد : تمام يمة
نجمة : وين نروح اني وياا
كمت ارجف وكلبي احسه ينبض بكل جسمي
دخلنا للربعه
ومحمد مااخذ على الجو
ابداً مامتقيد ولا عبالك اول مرة يدخل للبيت
او عندة فد خجل او توتر كون اول مرة يشوفني ويكعد ويايه
لكيت سابقني وكاعدة على القنفه ويباوع عليه
ضليت واكفه بمكاني لحد ماهو صاحني
محمد : تعالي نجمة اكعدي يمي
نجمة : لا اني هنا مرتاحة
من كلتله هيج طبك حاجبة وعقج وجهه
محمد : باعي نجمة من هسه اكلج
اذا كلت كلمة تتنفذ مااحب العناد
وعدم سماع الكلام
كلمتي تنسمع من اول مرة
لان اذا مااتنسمع كلمتي انتي الي راح تتأذين مو اني
نجمة : بس اني مااسويت شي
محمد : ولا اني سويت شي
هسه تعالي اكعدي يمي
نجمة :كمت اقدم خطوه واخر خطوة
لحد مااوصلت يمه وكعدت
شويه قريب من عنده
محمد : يي شلونج
نجمة: اجاوبه واني افرك بيدي من التوتر
زينه الحمدلله وانت
محمد : اني تمام الحمدلله
فرحانه لو لا
نجمة : ي فرحانه
محمد : مواضح عليج
نجمة : ضليت ساكته
مااجاوبته ومااعرف شنو اجاوبه
محمد :زين عندج تلفون
نجمة : لا ماعندي
محمد : شعجب
نجمة :اني مااحبه اذكرت سوالف نورس وضياعها من ورى التلفون
محمد : اني باجر اجيبلج واحد
نجمة : لا لجيب شسوي بي
محمد : شنو شسوين بي
غير علمود نتخابر واحجي وياج ونسولف
قابل اخابر على امج
نجمة : بكيفك
راد يحجي ودخلت نورس
نورس:شبيهم العرسان خجلانين
محمد : عن نفسي مااخجلان
نورس : وعن نجمة خجلانه مبينه
محمد : يي والله بالكوة تطلع الكلمة
نورس : لازم تتحمل خجلها نسيبنا
نجمة : اباوع على نورس ومحمد منطلقين بالكلام
ونورس تحجي باريحيه ويا محمد
ولا عبالك اول مرة اشوفه
مو مثلي اني يااحضي الحرف يطلع مني بالكوى
