صباح الحب والورد الاصفر 🌻🌻
الحياة إختبرت صبري بطريقة قاسية جدا
لكن لا يهم فأنا مع ذلك لم أنحني
،،،،،
اني النجمة البعيدة ضواها خافت
اني الوردة اول فوح عطرها قطعوا غصنها
اني الحمامة البيضاء الي اول مابدأت اطير قطعوا جناحها
اني البرائة الي نسلبت مني تحت ضغط الانانية
اني كل شي جميل في بداية امرأ يجب تحطيم حياتة
،،££££££،،
اني نجمة راح اخذكم وياية الجزء من ذكرياتي
اليوم راح افتحلكم دفتر ذكرياتي واعيشكم ويايه حياتي
بكل ماابيها
من فرح
وحزن
والم
انانية
وجع
تضحية
سلب برائه
اسرار
راح اخذكم ويايه العالمي ،،،،،،
نجمة : اني اصغر خواتي
نولدت للحياة وماادري شنو مصيري
امي اسمها بشرى ربه بيت عاشت حياتها مدلله بيت اهلها وهذا دلالها راح يعكس علينه بالتحطيم
ابوية ابراهيم ضابط بالجيش العراقي السابق
عاش حياته كلها رفاهيه
الكل يخاف من عندة
لكن تعود على الصح صح والغلط يبقى غلط
والي غلط لازم يتعاقب
مثل كل رجل عاش حياته داخل السلك العسكري
بين قوسين (قلبة ميت )
راح احجيلكم قصة امي وابوية بلسان امي
بشرى : اني مدلله اهلي عندي 5 اخوان واني الوحيدة
جانت طلباتي اوامر بالنسبه الاهلي
والدي كلش يحبني ويفضلني حتى على اخواني
ودخل حبهم الية بقلب كل واحد منهم
عيشني ملكة زماني
من صار عمري 16 سنه
وقت المغرب دخل علينا اخوي مهدي
مهدي : يمة يابة اني قررت ازوج الي بكدي ازوجوا
ابو مهدي : يي هذا يوم السعد الي افرح بيك
ياهي تختار
مهدي : اني اريد بنت خالي حسين
ام مهدي: منو بيهن
مهدي : الصغيرة اني احبها وهي تهواني
ام مهدي : باجراروح واخطبلك ياها
بشرى : وحققت امي مطلب اخوي مهدي وراحت البيت خالي حسين بس من رجعت منهم جان وجهه محتقن
وجان بعتقادنا خالي حسين رفض ينطي بنته المهدي
ابو مهدي : احجي شكال اخوج
ام مهدي : قبل ينطي بنته بس بشرط
مهدي :وشنو شرط خالي حسين
ام مهدي : شرطهم ابراهيم يزوج بشرى
ابو مهدي : شنووو بشرى بعدها صغيرة
ام مهدي : اني كلتلها اشوف رد ابوها واخوانها
مهدي : اسمعوني اذا خالي حسين منطاني بنته بعد مااخليكم اشوفوني
بشرى :طلع مهدي اخوية من البيت وجانت الصدمة كلش جبيرة عليه اني صغيرة
والي جنت اسمعه واشوفه على ابراهيم شي يرعب
هو اسمراني طويل صاحب شوارب ثخان
قليل الكلام وحتى ماافديوم شفته يضحك
او يسولف ويانه
والكل تخاف من عنده
واني هم اخاف من عنده خصوصاً من جان يجي البيت جدي بالزي العسكري وسلاحة بخاصرتة
فاتت الايام وخالي ماقبل ينطي بنته الا لما ابوية يقبل اني ازوج ابراهيم
واخوية مهدي نفذ تهديده وطلع من البيت
وامي كامت تحجي على ابويه لان هي روحها بااخواني
وعلى كوله ابو المثل الزن على الاذن امر من السحر
وافق ابويه يزوجني الابراهيم
بيوم العقد اباوع على اخوية طاير من الفرح
واباوع على بنت خالي الضحكة ماخذه كل وجهه
الا اني عقدولي على ابراهيم واني دموعي اصب وحدة ورى الثانيه
وصرت رسمياً زوجة ابراهيم
مااشفت شي حلو من ابراهيم مثل اخوية مهدي
جان اخوية مهدي كل يوم يروح البنت خالي ويرجع فرحان
اني عكسهم تماماً
جان ابراهيم كل مااينزل مجاز يجي عليه
بس ميحجي يضل بس يخزر بيه
ويعقب على كل كلمة اكولها او فعل اصرفه
بيوم من الايام
جان نازل مجاز وطلب يشوفني
كان كلامه حدي ويايه وبي نوع من التهديد
ابراهيم : اسمعي بشرى اذااا فد يوم مسمعتي كلام امي
لو ماانفذتي اوامري
اخلي الشاجور كله براسج فهمتي لو لاااا
بشرى : اني من الخوف بس هزيت راسي وبجيت
مااكو ثواني مااحسيت
غير اخويه حسام كاسر الباب برجليه
ولازم ابراهيم من ياخة قميصه ويعيط عليه
حسام : لك انت بياااا حق تحجي هيج ويااا اختي
ابراهيم : هيييي لااا تعلي صوتك عليه لااا افرغ المسدس براسك
اني زوجها
حسام :حتى لوزوجهااا ماايحقلك تحجي هيج ويااااها
ابراهيم :انت شلون تحجي هيج ويايه
بشرى : مااشوف غير ابراهيم طلع المسدس وضرب طلقات على الباب الي قريب منها حسام وابوية
صارت امي كدام ابراهيم
ام مهدي : لااااا يبن اخويه لاا سويها
ابراهيم : ترضيها يوكف ورى الباب يسمع كلامي
ام مهدي : لا مااارضاها
ابراهيم : اسمعوا زين اسبوع الجاي عرسي على بشرى
واذا مصار العرس اعتبروا الكل ميت واولهم حسام
وهذا تهديد مو تحذير
بشرى : كمل كلامة ابراهيم وطلع من البيت وخلانا كلنا بصدمة
واكثرهم اني الي كمت افكر شلون اكدر اعيش وياا ابراهيم واني لحد الان اخاف من عندة ،،،،
نجمة : هيج جانت بداية حياة امي وابوية
فكيف ستكون حياتي ؟؟
،،،،،،،،،،
لاتنسون النجمة وتنطوني رئيكم 😌
احبكم ❤️
