صباح الحب والورد الاحمر ❤️🌹
تـَعلقتُ بيه ڪ طُفلـۿ تَعلقت بوﭑلـدۿﭑ✨♥️🫀
نجمة : دخلت بشهري
والخوف استحل كل حياتي
لان الدكتورة كالتلي اجيب عملية
كل دقيقة اذكر اني راح ادخل الغرفة العمليات
ويخدورني اكوم ابجي
اتخيل نفسي انام وبعد مااكعد
والخوف يزيد عندي كل ما تقرب موعد العملية
محمد وعمتي وعمي والبنات كلهم يحاولون يقللون من خوفي
ويضحكوني ويسوولي الي اريدة
بس الخوفه مكاعدة تروح مني
ابين كدامهم اني قوية ومااخاف
بس من ادخل الغرفتي واكون وحدي اكعد ابجي
بعد يوم واحد من عمليتي
دخلت الغرفتي وكعدت على الجربايه بصعوبة
وكمت ابجي
احس روحي بعد مااشوف ايهم ومحمد
عقلي جان يخيلي بس الفراق
ساعة كاملة اني بس ابجي
فزيت على صوت محمد
شايل ايهم و واكف باب الغرفة مصدوم
محمد : هااي شبيج
نجمة : احجي وابجي
مابية شي
محمد : لعد ليش تبجي
نجمة : محمد اني خايفة
محمد : من شنو
نجمة : خاف اموت واني اجيب
محمد : اسم الله عليج يارويحتي
ليش تكولين هيج
نجمة : باجر العملية مالتي
محمد : اسمعيني حبيبتي
شو امسحي دموعج
نجمة : اباوع عليه نزل ايهم بالكاع
واجه اتجاهي يمسح دموعي
باسني من راسي
محمد : اويلي هاي عود حامل وتبجي وهيج حلوة
عفى گلبي
نجمة : هههههه
محمد : ايي اضحكي
وخلي ايمانج برب العالمين قوي
هو الي راح يوكفلج
واني عرفت العمليه مالتج نص ساعة
حالها حال عمليه البلاعيم
نجمة : صدك
محمد : ايي حبيبتي
وهاي جايبلج خبر راح يفرحج
نجمة : شنو هو
محمد : قدمتلج على الخارجي
نجمة : يعني شنو
محمد : يعني راح تمتحنين وتكملين دراستج
نجمة : من الفرحة رجعت ابجي
محمد : هسه شنوو فرحانه زعلانة
شو بس تبجين
نجمة : محمد اني احبك اهوواي
محمد : ههههه واني هم ياحبيبت الروح
نجمة : بس شلون اقرأ واني راح يصيرون عندي اطفال ثنين
وبعد شكد للامتحان
اخاف مااكدر وارسب
محمد : اهدي ولا تفكرين زايد
اني حاسبها صح
وبعد شهر على الامتحانات الخارجي
يعني تلحكين
واني وياج شتحتاجين اني اقريج
نجمة : بهاي اللحضة تأكدت محمد عوض رب العالمين الية
عوضني عن كل شي انحرمت من عندة
محمد صار بالنسبة اليه مثل فرحة نبي يعقوب بشوفة النبي يوسف
بعد تعب وقهر والم وجرح وحزن
لو شأسوي احس نفسي مقصرة ويا محمد على كمية السعادة الي كاعد يحسسني بيها
نمت بيومها واني مشاعري مزيج بين الخوف والفرح
كعدت الفجر على صوت خافت
فتحت عيوني
شفت محمد كاعد على سجادة الصلاة ورافع ايدة
محمد : ربي اني رضيتك بااحب الاشياء اليك هو التوحيد
وبعدت عن اكره الاشياء الك هو الكفر والشرك
يارب اني عبدك الضعيف
واكف على باب رحمتك
وانت لا ترد عبداً لجه اليك
زوجتي وابني بين ايديك
فرحي كلبي وفؤادي
بسلامتهم
نجمة : كان كلام محمد ومناجاتة شبة مسموعة عندي
لكن من سجد صوتة راح
كمت على كيفي من الجرباية وخليت ايدي على ظهرة
محمد : ها يرويحتي
نجمة : تقبل الله
محمد : منا ومنكم
نجمة : دعيتلي
محمد : اخخخ هو اني عندي اغلى منج حتى ادعيلة
نجمة : الله يحفظك اليه
محمد : ويحفظج ياحبيبت الروح
نجمة : دخلت سبحت وغيرت ملابسي
وحضرت نفسي حتى اروح للمستشفى
وكفت كدام جرباية ايهم
ياروح امك وفرحتها وسعادتها
حوطتك بسورة الكرسي تحميك وتحفظك
وتجعل كل خطوة تخطيها سعادة وراحة
بوستة وشميتة وطلعت من الغرفة
نزلت على كيفي
وشفت عمتي لابسه عبايتها ومحظرة نفسها
اباوع عليها
هاي الانسانه الي عوضتني عن امي الي جابتني وامي الي ربتني
انسانة يعجز اللسان عن وصفها
ام محمد : ها بنيتي
نجمة : خايفة
ام محمد : كولي ياالله وكلنا راح ندعيلج حبيبتي
نجمة : ياالله
رحت للمستشفى واول مرة اريد الطريق ماايخلص
بس لازم يخلص
دخلوني الغرفه العمليات
واني كل فكري وعقلي بمحمد وايهم
واكو انسان تمنيته ويايه ابوية 💔كسرة گلبي
خلولي البنج واني اردد
بابا كون وياية
بابا لاتعوفني
محمد : اصعب شعور من دخلوها الغرفه العمليات
كانما اخذوا گلبي ودخلوا
كمت الوب عليها
مااعرف شأسوي
لو شكول
لو شنو اصرف
من ضعفي نزلت دمعتي
وصعبه على الزلمة تنزل دمعته
بس هاي حبيبت الروح ويهون كلشي صعب لعيونها
ضليت اقرأ قرآن وادعي ربي يكومها بالسلامة
اقل الساعة وطلعوها
الوجه اصفر والشفة بيضه
وتصيح
اريد بابا
وينه بابا
جيبولي بابا
دخلناها للغرفه وهي تسكت ثواني وترجع تبجي وتريد ابوها
اني وامي نكسر گلبنه عليها
نجمة : ماا حاسه بشي
بس اسمع صوت
يكلي اني يمج
وراها رجعت نمت
كعدت على وجع مااينحمل
احس جسمي مقسوم بالنص
من الوجع كمت اعيط
اجتي الدكتورة انطتني ابرة وهدأ كل الوجع
محمد : الحمدلله على سلامتج يا ام بيتي
نجمة : الله يسلمك يا ابو جهالي
محمد : ربي يحفظكم الية
نجمة : باسني من راسي
دقايق ودخلت عمتي بيديها طفل ملفلف بالملحف لون ازوك
ممبين شي من عندة غير خدودة
من خلت ابني بحظني نزلت دمعتي
يروحي وعمري نورت حياتي
يااغلى من روحي
محمد شوفه شكد حلو
محمد : طالع عليج
نجمة : نولد ابني وقرة عيني
ونور حياتي ودنيتي
وزينها بجمال حركاتة وبجمال شكله
طلعت من المستشفى
وابني ويايه
نزلت من السيارة وشفت حمويني مروان وميثم وعمي
واكفين باب البيت
جايبين فجران دم
واحد اليه واحد الابني
وفرحانين
دخلنا للبيت
والكل رحب بينا
دخلتني عمتي الغرفتها نيمتني
والبنات متعجبات على ابني
والكل يحجي
ساد السكوت من دخل عمي للغرفة
ومحمد اخذ ابني من عندي
وانطى العمي
محمد : ابويه انت اذن باذنه
ابو محمد : نورت بيتنا حبيب جدك
كبرت عائلتنا واشرقت وانورت بدخولك
ربي يجعلك من الاولاد الصالحين
ويبارك بيك
وتعيش بجال ابوك وبدلال امك
نجمة : بدأ عمي يكبر باذانه
ويدعيلة بالسعادة
ابو محمد :شراح اسموا
محمد : سميته ادهم
ابو محمد : احلى الاسماء
نجمة : اسمة ابني ادهم
واويلي على ادهم وحركات ادهم
حركاتة تجبر الواحد يحبه غصب عنه
اضل بالساعات صافنة عليه
شلون يمط بحلكة
لو يخلي ايدة على وجهه
لو يبرطم
كل حركاتة حلوة وتنحب
اايهم عمري 40 يوم بديت اقرأ
لان امتحاناتي قربت
ونشغلت بين دراستي
وايهم الي يغار من ادهم
وبين ادهم الي كل شوية يبجي
لان ايهم يضربه من الغيرة
حياتي صارت عبارة عن اولادي ودراستي
وزوجي الي هو سندي بالحياة
من اباوع على نفسي بالمرايا
اكول شلون كبرت وصرت زوجة وام
وام الاحلى اولاد بالدنيا ايهم وادهم ❤️
———————————————————
هلاو كيكاتي
بارت هديه عيد الحب
صح متأخرة بس شسوي الضروف مكاعده تخليني اكتب 😔
احبكم كوومات ❤️
