Luxurious Link 𐤀 [Completed]

The First Solution of the Problem

"Hello ဒုံမာန်ဆူး ဟိုကောင်ကိုရှင်းပြီးပြီလား"

"ဟုတ်ကဲ့ ရှင်းပြီးပါပြီ သခင်မ ကိုယ်ဝန်ပျက်ကျသွားပါပြီ"

"သိပ်ကောင်းတယ်"

ဒေါသထွက်ထွက်နဲ့ ချုပ်ချယ်လွန်းတဲ့မောင့်ဆီက သူမထွက်လာတုန်း ဟန်နီဆိုတဲ့ သူမမပိုင်တဲ့နာမ်စားကြောသ့် ကိုရီးယားကကောင်ကိုဘာမဆိုင် ညာမဆိုင်သတိရမိသွားသေး။ ချက်ချင်းပင်မတရားရှုပ်လာခဲ့တဲ့ဒေါသတွေက သူမစိတ်နဲ့ဦးနှောက်တစ်ခုလုံးကို တရကြမ်းညှင်းစဲသည်။ အဟက် ကင်မ်ထယ်ယောင်း မင်းကတကယ်အကုသိုလ်ကောင်ပဲ။

"အစီအစဉ်တွေအကုန်ပြီးခဲ့ပြီဆိုတော့ ချက်လက်မှတ်နဲ့အယောင်ပြပြီး သူထွက်သွားရင် မင်း ဒိုဘင်ဂျူးကိုရှင်းလိုက်တော့ သူ့ရဲ့တစ်သက်တာသခင်ကိုတောင် နောက်ကျောဓားနဲ့ထိုးခဲ့တဲ့သစ္စာဖောက်ဆိုတော့ သူ့ကိုအကြပ်ကိုင်ထားတဲ့ငါတို့ကို သစ္စာဖောက်ဖို့ဝန်လေးမှာမဟုတ်ဘူး"

"ကျွန်တော်နားလည်ပါပြီ"

"မင်းအကုန်လုံးပြီးရင်LAကိုထွက်လာခဲ့ မင်းအတွက်ဆုကြီးကြီးပေးမယ်"

"ကျေးဇူးတင်ပါတယ်ဗျ!"

စကားပြောခဲ့ပြီးသောသူ့ရဲ့သခင်မတစ်ဖြစ်လည်း ချစ်နေရသောမိန်းမပျို။ ဖုန်းနံပါတ်အဝင်Callလေးကိုကြည့်ရင်း မာန်ဆူးတစိမ့်စိမ့်စိုက်ကြည့်နေမိတယ်။ လိုချင်တာမှန်သမျှရအောင်ယူတတ်သောထိုမိန်းမလေးရဲ့အကျင့်ကို သူကောင်းကောင်းနားလည်သလို သိလည်းသိသည်။ ငွေကြေးနဲ့စည်းစိမ်ဥစ္စာတွေအတွက် သူမအပျိုစင်ဘဝတစ်ခုလုံးကို လွယ်လွယ်စတေးပစ်ခဲ့တဲ့ သမင်ပျိုတစ်ကောင်မဟုတ်ခဲ့သောဝံပုလွေမလေးဟာ Sekiraဆိုသောသူမ။ လှပလွန်းသောအချိုးအစားနဲ့ဆံနွယ်တွေဟာ အတိတ်ဘဝရဲ့ကုသိုလ်တွေကြောင့်များလား။ ဒါမှမဟုတ် နတ်ဘုရားတွေကများဆုလာဒ်ပေးသနားတော်မူခဲ့သလား။ ဘယ်သူမြင်မြင် လှပရက်လွန်းတယ်ဆိုတာ ငြင်းဆန်နိုင်မှာမဟုတ်ပါလေ။

ဒါပေမဲ့ မောက်မာလွန်းတဲ့စိတ်သဘောထားဟာ ဘယ်သူ့ကိုမှလူရာမထင်ခဲ့သည့် ငါတစ်ကောကောစိတ်အဖြစ်အသွင်ပြောင်းလဲသွားခဲ့တယ်။ လောကဓံကြောင့်လား။ ငယ်ဘဝရဲ့နာကျင်မှုတွေကြောင့်လို့ အပြစ်တင်ဆိုခဲ့ရမည်လား။ သူမဟာ ငယ်ရွယ်စဉ်အပျိုဖော်ဝင်ကတည်းက လူအိုသူဌေးကြီးဆီမှာ‌ ရောင်းစားခံခဲ့ရသည်။ ဒီအခြင်းအရာတွေကြောင့်ပဲ မာန်ဆူးချစ်ခဲ့တဲ့သူမဟာ အခုလိုပြောင်းလဲသွားခဲ့ရတာထင်ပါရဲ့။