Luxurious Link 𐤀 [Completed]

What is Behind the Similarities?

ချည်နှောင်ထားတဲ့ကြိုးတွေပျက်ပျယ်စပြုကုန်ပြီ။ ရက်စက်တတ်တဲ့သံယောဇဉ်တွေက သံသယကြောင့်မှားယွင်းကုန်တယ်။ အားလုံးက အလကားပဲလား ဟန်နီ။ ငါမင်းကိုချစ်ခဲ့တာက အမှားပဲလား။

Luxurious Link

"ကို ဘယ်သွားမလို့လဲ"

"‌ကိုယ်ထယ်ယောင်းကိုသွားတွေ့မလို့ ပိစိ"

"ညီလေးကိုလား"

ဆိုဖာပေါ်မှာ မဂ္ဂဇင်းတစ်အုပ်ထိုင်ဖတ်နေတဲ့အသေးလေးက ဟိုဆော့ အပြင်ထွက်ဖို့ပြင်လာတော့ လှမ်းမေးလာသည်။ စတွေ့ကတည်းကတပ်ခဲ့တဲ့မျက်မှန်အဝိုင်းလေးကို ကိုယ့်ရဲ့ကလေးငယ်သည် အမြဲတပ်လေ့ရှိသည်။ ဦးထုပ်လေးကိုနောင်ပြန်ဆောင်းတတ်တာဟာ ကိုယ့်ရဲ့ချစ်ရသည့် ပိစိအသေးလေးရဲ့အကျင့်လေးတစ်ခု။ ဖြောင့်ဆင်းနေလွန်းတဲ့ ငွေမှင်ရောင်ဆံပင်အိအိလေးတွေကို မကြာသေးခင်ကမှ ပိစိကအညိုလေးပြောင်းထားပေမဲ့ မွေးရာပါငွေမှင်ရောင်လေးကတော့ပျောက်ကွယ်မသွားတုန်း။

"ပိစိ ကိုယ်နဲ့လိုက်ဦးမလား"

အမေးခေါ်သည်ကို ပြုံးရင်းတုံ့ပြန်သည်။ စာအုပ်လေးကိုပိတ်ကာ သူ့ဆီထလာသောချွဲစိန်လေး။ ခါးသိမ်သိမ်လေးကိုပွေ့ဖက်ကာ နှဖူးလေးကို ဟိုဆော့နမ်းမိ၏။ ဒီချွဲစိန်ပိစိလေးကိုမပွေ့ဖက်ရတာကြာရောပေါ့။

"ဟင့်အင်း ကျွန်တော်မလိုက်တော့ဘူး ကိုပဲသွားတွေ့ပြီးမြန်မြန်ပြန်လာခဲ့ စောင့်နေမယ်"

*ပြွတ်စ်*

"ကိုယ်မြန်မြန်ပြန်လာခဲ့မယ် ညကျရင်..."

"သိတယ်လို့ ဘာတွေပြောနေတာလဲ သွား ညီလေးကိုတွေ့ပြီး မြန်မြန်ပြန်လာခဲ့"