" မင်း internဆင်းတုန်းက မင်းကိုတွေ့ဖို့ ငါကပဲအများဆုံး ရောက်လာခဲ့တာလေ "ရှဖန် အနည်းငယ်စဉ်းစားပြီးမှ ပြောလိုက်သည်။
" အဲ့ဒီအချိန်တွေတုန်းက ကျွန်မတို့အားလုံး အလုပ်ရှုပ်နေကြပုံရတယ်။ကျွန်မတို့ဘယ်တုန်းက ရုပ်ရှင်တူတူကြည့်ခဲ့လည်းဆိုတာ မမှတ်မိတော့ဘူး "
အန်အန်းသည် အဘယ်ကြောင့် ထိုကဲ့သို့သောအရာများအား ရုတ်တရက် ပြောဆိုလာသည်ကို ရှဖန်မသိသောကြောင့် လျှောက်နေသည့် ခြေလှမ်းများပေါ်၌သာ အာရုံထား၍ တိတ်တဆိတ်သာ နေလိုက်သည်။
" ရှင်က ကျွန်မအပိုင်လို့ပဲ အမြဲမှတ်ယူစဉ်းစားထားတဲ့အတွက် တခြားကျွန်မမပိုင်သေးတဲ့အရာတွေပေါ်မှာပဲ ကျွန်မ ပိုပြီးအာရုံစိုက်ထားခဲ့တယ်။ဒါပေမယ့် ကျွန်မမှာ မရှိသေးတဲ့အရာတွေနောက် လိုက်နေရင်းနဲ့ အလုပ်ရှုပ်ပြီးတော့ မတော်တဆ ရှင့်ကို ဆုံးရှူံးလိုက်ရပြီ "
" အန်အန်း "
" မစိုးရိမ်ပါနဲ့...ကျွန်မ ဒီလိုတွေပြောတာကလည်း ဘာအဓိပ္ပာယ်မှ မရှိပါဘူး "အန်အန်း လှည့်လာပြီး ရှဖန်၏မျက်လုံးများကို ကြည့်လိုက်သည်။" အဲ့ဒီနေ့တုန်းက lockerနားလေးမှာ ရှင် ယွီသုံကို ဖုန်းခေါ်နေတာ ကြားလိုက်တယ် "
" ကျွန်မတို့ အချိန်အကြာကြီး အတူတူရှိခဲ့ကြတော့ ကျွန်မ ရှင့်အကြောင်းကို ကောင်းကောင်းသိတယ်လို့ အမြဲတွေးခဲ့မိတယ်...အဲ့ဒီအချိန် မတိုင်ခင်အထိ... "အန်းအန်း ခေါင်းငုံ့သွားသည်။" ရှင့်အတွက် ကျွန်မထက် သူက ပိုသင့်တော်တယ်လို့ ကျွန်မထင်တယ် "
" အန်အန်း.. "ရှဖန်ပြောလိုက်သည်။" မင်းနဲ့ ယွီသုံက လုံးဝကွဲပြားတယ် "
" အဲ့တာကြောင့်...သူက ကျွန်မထက် ပိုသင့်တော်တယ်လို့ "အန်အန်း သူမကိုယ်တိုင် အဆုံးသတ်ကာ ပြောဆိုလိုက်သည်။
ရှဖန်သည် သူမအား မည်ကဲ့သို့ ပြန်ဖြေရမည်မှန်းမသိသော်လည်း အန်အန်းက သူ၏အမူအရာကို ကြည့်၍ သူ၏အတွေးတို့ကို ပြောဆိုသွားလေသည်။
အမှန်တကယ်၌ ယခုကာလများအတွင်းတွင် အန်အန်းသည်လည်း ထိုအကြောင်းများကို အပြင်းအထန်စဉ်းစားနေခဲ့သည်။၎င်းတို့နှစ်ယောက်သည် ဆရာဝန်များဖြစ်ကြသည့်အတွက် နှစ်ယောက်လုံးအလုပ်ရှုပ်ကြသည်။dateလုပ်ရန်လည်း အလွန်အလုပ်ရှုပ်ပြ်ီး နှစ်ဖက်မိဘများကိုတွေ့ဆုံရန်လည်း အလွန်အလုပ်ရှုပ်သည်။လက်ထပ်ရန်လည်း အလွန်အလုပ်ရှုပ်သည်။၎င်းတို့၏အချစ်များသည်လည်း အချိန်အတော်ကြာအောင်ဆိုးဝါးယိုယွင်းလာနေသည်ကိုလည်း နားလည်နိုင်ရန် အလွန်အလုပ်ရှုပ်သည်။
आप पढ़ रहे हैं
Rebirth on the Doors to the Civil Affairs Bureau(ဘာသာပြန်)
रोमांसI don't own this story and all credit to the author(s) and english translator(s)!!!
Chapter 53
शुरू से प्रारंभ करें:
