Luxurious Link 𐤀 [Completed]

The Existance of Us

ထူထပ်သောတောနက်တစ်နေရာက မြို့ပြနှင့်အလှမ်းဝေး၏။ ရှင်းလင်းသောမြေကွက်ထက် ပေါက်နေသောမျက်ခင်းပြင်သည် ညီညာသည်။ လွင်ပြင်ကဲ့သလို့ထိုနေရာ၌ ဂိုထောင်တစ်ခုဟာ ထီးထီးမားမားတည်ရှိနေသည်။ ပစ္စည်းတွေသိုလှောင်သည်လား။ ထိုကဲ့သို့ပြော၍ရပါသည်။ ဒါပေမဲ့ ပိုမိုတိကျစွာပြောရလျှင်တော့ ဒီနေရာသည်ဘဝတစ်ခု၏စီမံရာ။ တစ်နည်းအားဖြင့် သစ္စာဖောက်တို့အသက်ရှင်မှု၏နောက်ဆုံးတည်ရှိရသည့်နေရာတစ်ခု ဟုဆိုလျှင်မှားမည်မဟုတ်ခဲ့ပါ။

အိစက်နေသောထိုင်ခုံတစ်ခုသည်တစ်စုံတစ်ခုကိုတင်ဆောင်ထား၏။ ခပ်တင်းတင်းစေ့ထားသောနှုတ်ခမ်းပါးသည် စီးကရက်တစ်ခုကို ငုံခဲထားခဲ့သည်။ ပါးလျပ်သောနှုတ်ခမ်းထဲမှ အဖြူရောင်အငွေ့တစ်ချို့ထွက်လာတဲ့အချိန် မျက်စိရှေ့မှခေါင်းငိုက်စိုက်ကျနေတဲ့လူကိူ အသံတိတ်တဆိတ်သာသူစိုက်ကြည့်မိတယ်။ သွေးအလိမ်းလိမ်းဖြင့်လဲကျနေခဲ့သောလူက ရွံရှာဖွယ်အတိ။ ကောင်းကောင်းမနေချင်ပဲ လောဘမာန်တက်မှတော့ မထင်ရက်လောက်တဲ့အလုပ်ကိုသေသေချာချာကိုလုပ်ချသွားခဲ့တာပဲ။

"မထင်ရက်စရာပဲ မစ္စတာဂျူ"

တိကျစွာခနဲ့သလိုထွက်လာသည့် လေသံမာမာသည် တိတ်ဆိတ်နေသောအမှောင်ထုကိုဖြိုခွင်းသည်။ ယုံကြည်မှုကိုအလွဲသုံးစားလုပ်ခဲ့တဲ့လူက တစ်ချိန်ကနက်နက်နဲနဲယုံကြည်ခဲ့ရသူတဲ့လေ။ လုပ်ချသွားသောငွေပမာဏက အနည်းငယ်ထိခိုက်စေသော်လည်း သူ့ဘဝပျက်လောက်သွားသည်အထိတော့မဟုတ်ခဲ့။ ဟက် ဘယ်လောက်ရယ်စရာကောင်းလိုက်သလဲ။ အလုပ်တစ်ခုလုပ်နေပြီး ပိပိရိရိမလုပ်နိုင်တာတော့ စိတ်မကောင်းစရာပဲ။

"ဘယ်အရာမဆို အလုပ်လုပ်ရင်အကွက်စေ့အောင်လုပ်တတ်ရတယ်ဗျ ပြီးတော့ ကျုပ်လိုကောင်က လူတိုင်းကိုအလွယ်တကူယုံကြည်ထားတယ်ထင်နေလို့လား မစ္စတာဂျူ"

ခေါင်မိုးအပေါ် မျက်နှာကျက်မှာတည်ရှိသည့် တစ်လုံးတည်းသောမီးလုံးသည် တစ်နေရာတည်းကိုသာအလင်းရောင်ဖျန့်ကျက်သည်။ ထိုနေရာမှလွဲ၍ ပတ်ဝန်းကျင်ကိုအနည်းငယ်သာ အလင်းရောင်ပြုနေသည်။ သားကောင်။ မုဆိုး၏သားကောင်။ ခန္ဓာကိုယ်တစ်ခုလုံးကိုချုပ်နှောင်ထားသော ကြိုးတွေသည်တင်းကြပ်လွန်းသည်။ ပေါက်ပြဲဒဏ်ရာများကြောင့်ကျနေသောသွေးတွေသည် ကြမ်းပြင်ပေါ်၌ညစ်ပေမှူကိုဖြစ်စေ၏။ သူ့မျက်နှာကိုစေ့စေ့တောင်မကြည့်နိုင်သော ထိုလူသည် မျက်နှာကိုမြေပြင်သို့သာဦးတည်ထားခဲ့သည်။