"နေမကောင်းဖြစ်မှာစိုးလို့ပါ မေမေရယ်။ အကျီ..တွေက နောက်ရက်မှ လာယူမှာမဟုတ်လား?''
" အင်း...သား။ဒါပေမယ့် အခုကသားအတွက် သိုးမွေးဆွယ်တာလေးထိုးနေတာ...ဆောင်းဝင်ရင်ဖြစ်ဖြစ်၊ မိုးအရမ်းအေးတဲ့နေ့တွေ ဖြစ်ဖြစ် ဝတ်လို့ရအောင်လို့...''
" မေမေအရင်က ပေးထားတဲ့ အနွေးထည်တွေရှိပါသေးတယ်...မေမေရယ်။ နားနားနေနေ နေနော်''
ထိုအချိန်မှာ အိမ်ရှေ့မှ စူးရှကျယ်လောင်သော ပန်းမေ၏ အော်သံ...။
" ရသ...''
နှစ်အိမ်ပဲ ခြားပေလို့ပေါ့...။ မဟုတ်ရင် အဝေးကြီးက လာရတယ်ဆိုပြီး သူ့အိမ်ရှေ့ သေအောင်အော်နေမှာ။အဲ့ဒီသူဌေးသမီးကလည်း အိမ်ကပို့ပေးတဲ့ကားနဲ့မသွားပဲ ခုနှစ်တန်းလောက်ထဲက ကျောင်းကိုသူနဲ့သာ လမ်းလျှောက်သွားနေကျ...။ ပန်းမေက အိမ်တံခါးကိုတွန်းကာ အိမ်ထဲသို့ ဝင်လာပြီးမေမေ့အား နှုတ်ဆက်လေသည်။
ကျောင်းချိန်နီးနေပြီဖြစ်သဖြင့် နှစ်ယောက်သားလည်း အိမ်မှထွက်ကာ လမ်းလေးအတိုင်း လျှောက်လာခဲ့ကြသည်။ ခါတိုင်းဆို ပန်းမေက စကားတွေပေါက်ပေါက်ဖောက်အောင် ပြောနေပေမယ့်လည်း ယနေ့တော့တိတ်ဆိတ်နေသည်။ ရသလည်း...
" ပန်းမေ...ဘာဖြစ်နေတာလဲ?''
" ဟင်...ဘာမှမဖြစ်ပါဘူးဟာ။ ဒီအတိုင်းပဲ...''
" နင်ဒီနေ့ စကားတော်တော်နည်းနေလို့''
" အင်း...အဲ့ဒါကလည်း ဒီအတိုင်းပဲ''
" သြော်...ဒီအတိုင်းနေလိုက်တော့...အဲ့ဒီမှာ''
" ဟီးဟီး...နောက်တာပါ။ ငါပြောရဦးမယ်...ဟိုအကောင်ကို သတိပေးထားစမ်းပါဦး...နင်က သူတစ်ယောက်ထဲ ပိုင်တာကျနေတာပဲ။ ငါလည်း နင့်သူငယ်ချင်းနော်...သူက နောက်မှနင်နဲ့ခင်လာပြီးတော့...''
မင်းရသလည်း သက်ပြင်းသာချမိပါတော့သည်။
" ဘာတွေဖြစ်ရပြန်တာလဲ...''
" ဖြစ်တာကတော့ အများကြီး။ နင့်အတန်းငါလာရင်များ ငါ့ကိုရန်ထောင်နေတာ။ အဲ့ဒီလောက်ဖြစ်နေတာ...နင့်ကိုကြိုက်နေလားမသိဘူး''
ESTÀS LLEGINT
From My Tears...
Literatura romànticaသံသရာတစ်ကွေ့ ဒီဘဝဝယ် ချစ်ခဲ့ဖူးသည် သူ့အပါးတွင် ခိုဖူးချင်သည် နောက်နောင်ဘဝ လွမ်းချင်းရပ်မည် ချစ်ခြင်းအတ္တ ဤဘဝ...။ 𝐒𝐭𝐚𝐫𝐭 𝐃𝐚𝐭𝐞-20.4.2021 𝐄𝐧𝐝 𝐃𝐚𝐭𝐞-15.10.2021 သံသရာတစ္ေကြ႕ ဒီဘဝဝယ္ ခ်စ္ခဲ့ဖူးသည္ သူ႕အပါးတြင္ ခိုဖူးခ်င္သည္ ေနာက္...
အခန်း ၁၉ (Unicode+Zawgyi)
Start from the beginning
