حصاد المواسم

ح ٢٣ (( ألجزء ألثاني ))

ألحلقة الثالثة وألعشرون///من أحداث قصتي///

بعنوان /////حصاد ألمواسم

خطت بقلم ///فراقد حسن علي ///

----//////----//////----/////-

أريد أعلن حداد وللعشك ما عود
وأريد أنساك وأنسة ألبينك وبيني
وأشك دفتر غرامك خاطر أنا أنساك
وأدير ألوجة عنك من تلاكيني .

×××××××××××××××××××××××

والله بس غفيت ... بعدني مو مطفية
و ريحة محمد ترست خشمي ...
وسمعتة همس با أذاني
اشلونچ يا أعز الناس عندي ..
هو الگلب چم أحبيبه عنده ..

يمة فزت من نومتي...هذا أحميد كلبي مجطول بصفي ،
ياالله بعدني نايمة وأحلم بي ...؟؟
لو هذا صدك أحميد كلبي يمي ...!!
بسرعة لزمتة من وجهه..والله هوووووو
هذا هو صدك يمي مو جذب ...
جيتت علية ... وحظنتة بكل قوتي
دموعي هن ألسبقني وتلكنه //
هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو حظني بقوة...ودخلني بين ظلوعة
ويحير شلون يبوسني...لو يشبكني...لو يحظني
نمتي .. هنيالچ غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

وألامام علي مامصدكة أحميد كلبي يمي
وبعد أفراگ أربعة اشهر...وأشوفنة يمي موجود
يا بوية تسودنت ما أعرف شسوي ...
لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..

هو هم تسودن علية...يباوع بوجهي
ويرد يحظني ويظمني بظلوعة
ولج لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترگ ما تحمل النيران ..
يذبل كل ورگها وتستحي من الطين ..

يمة كعدت على حيلي ما أعرف شسوي
أبجي وأبوس بي...شبعتة بوس
بوستة بكل وجهه ...
بيعد عمري وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟

كالي أششش كافي لا تبچين ..
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..

كتله //محمد اشلون اتگلي لاتبچين ..

كالي //ولج كافي لا تبچين ..!!

محمد ،،تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..